أصبحنا وأصبح الملك لله فقنا فطرنا ودعنا والديا وخرجنا في اتجاه الشركة حتى قربنا و طلبت من ياسين يحطني قبل من الشركة وهو مبغاش دبر راسو دخلنا واستأنفت العمل داز النهار عادي خرجت قلت نطلع نشوف المتعجرف واش كاين نمشي معاه حيت باقي مصاربت ببوشتي ملقيتوش خرجت شديت طاكسي وصلت للدار طلعت بان ليا بيت ياسين فيه شويا ديال الضوء مموالفاش ليه يجي بكري دخلت لبيتي لبست بيجامتي وخرجت باش نصاوب العشا قلت نشوف ياسين واش يبغي ياكل شي حاجة حليت الباب بان ليا ناعس و الوراق مشتتين حداه غريبة قربت حداه لقيتو سخون ووجهو احمر و كيترعد تخلعت
زينب: ياسين ياسين كتسمعني نوض نديك للطبيب
ياسين بصوت تقيل: خليني عليك بغيت نعس
زينب: كيفاش خليني عليك راك طايب بالسخانة اوكي مبغيتيش الطبيب نوض دوش بالما بارد انا نعاونك
ياسين: لا خليني
زينب: ياسين وا عافاك عاوني راه السخانة كتحرق فيك
نوضتو بزز دخلتو عمرت البينوار وخرجت نجيب ليه ملابس داخلية وسروال و حطيت ليه فوطة وقلت
زينب: ياسين عافاك وكد معايا خليك شويا في الما و خرج و حاول تلبس حوايجك هاهما حطيتهم ليك
ياسين: ولبسيهم ليا نتي اش كتديري
زينب: اوا الله يمسخني انا لي دايرة فيك راسي
ياسين: هه صافي غير خرجي
خرجت جبدت ليه تريكو سخون خرج و عاونتو يلبسو و ديتو لبلاصتو لبستو تقاشر فيهم الماو الخل غطيتو مزيان خليتو ينعس وخرجت نصاوب الصوبة رجعت لقيتو باقي ناعس
زينب: ياسين نوض تاكل باش تاخد دوا
ياسين: مقادش عليه خليني نعس راه غدا عندي الخدمة
زينب: هههههه مقدرتش نخاصم عليك حيت انا بحالك في جميع حالاتي كنفكر في الخدمة و لكن نوض تهز تاكل راه خاصك تشرب الدوا
ناض وكلتو بزز عطيتو الدوا و رجع نعس جمعت هادوك الوراق لقيتهم ديال الألمان ديتهم للمكتب و جلست نراجع فيهم شي ساعة و رجعت نطل عليه لقيت الحرارة باقا مرتفعة هبطت جبت الماء والثلج و فوطة وبديت ندير ليه كمادات على راسو وهو ناعس وكيهتهت
ياسين: بوكاهونتاستي متبقايش طلقي شعرك طلقيه غير قدامي وواخا تعرفي الحقيقة متخلينيش
زينب: 😂😂😂😂😂😂😂 لا كان خاصني نصورك فيديو ياسين العلوي المتعجرف بشحمه ولحمه مزعوط في الرسوم وااااااع كرشي مبقيتش قادة نحبس وينو شحال كتبان كيوت ونتا مريض "كنلعب في شعرو"
أصبحنا وأصبح الملك لله فقت ولقيت راسي فوق ناموسية ياسين وهو داخل للدريسينغ رووم كيلبس حوايجو نضت قافزة وقفت قدامو
زينب: ياسين حماقيتي لا شفتك كتلبس فين غادي
ياسين: صباح الخير رجعي نعسي شويا باقي الحال
زينب: وا فين غادي راك باقي مريض
ياسين: عندي خدمة ضرورية نتي عارفة الاجتماع ديال الألمان غدا
زينب: وهاد الخدمة ماشي ممكن تخدمها هنا
ياسين: ممكن ولاكن خاصني مساعدة
زينب: انا نعاونك غير خليك هنا
ياسين: امم راني قلت ليك كتخافي عليا
زينب: صافي كنضن بريتي سير للخدمة بسلامة
ياسين: 😂😂برهوشة فين الوراق لي كانو هنا
زينب: راه حطيتهم في المكتب نهبط نصاوب الفطور
هبطت صاوبت الفطور جا ياسين فطرنا وجلسنا نناقشو المشروع
ياسين: بفففف عيت معارفش اشنو كيدور في راس الألمان وزيد هاد الشركة المنافسة معرفتش منين خرجات كنا 3 ولينا 4 كيفاش حتى دخلات وفي وقت زعما تقدر تلحق مشروعها ممرتاحش ليها
زينب: اجي اشنو قلتي سميتها هاد الشركة
ياسين: the black
زينب: هاد السمية فايتة سمعتها فشي بلاصة
هزيت تيليفوني بالزربة كنقلب على conversation ا مع علي وانا نخرج عيني
زينب: لا ميمكنش
ياسين اشنو لي ميمكنش
زينب: هاد كان خدام فيها علي وخرج لأنهم مكانوش خدامين قانونيا
ياسين: كيفاش شرحي ليا كتر
زينب: هما مكيعتامدوش على مشاريعهم و المهندس كيخيليوهم مجرد ديكور و سمية لمشاريع كيتنسبو ليهم ماشي ديالهم داكشي لي خلا علي يخرج من تما
ياسين ومنين كيجيبو المشاريع
زينب: كيشفرو مشاريع المنافسين ديالهم بطريقة ذكية ويقدموها هما الأولين باش المنافس يتصدم ومايبقى عندو ميدير
ياسين: ولكن شكون غادي يعطيهم مشروعنا حنا باقي معرفناش واش حنا المستهدفين ولى شركة اخرى ولكن هما راه مكيهمهم لا مشروع لا والو كيهمهم غير لفلوس بعدما كيربحو المنافسة كيبيعو المشروع بمهنديسو لشركة اخرى او كيكونو اعداء كيخلصوهم غير باش يضيعو مجهود الشركة
ياسين: هادو راه خاصهم الحبس كيفاش ساكتين عليهم
زينب: لأنهم مكيديروش شي حاجة لي ماشي قانونية وكيتحركو بطريقة ذكية
ياسين: لنفترض انه حنا هما المستهدفين شكون عندو مصلحة يضرنا
زينب: ياسين اكيد عارف اشناهي مجموعة شركات العلوي أكبر شركة في البلاد و حتى خارجه انا مفهمتش علاش الألمان مختاروش نيشان ومدامهم دارو منافسة فأكيد اي واحد غادي يبغي بعرف مشروعكم و غادي نكونو اول المستهدفين وزيد شركة بحجمكم ميمكنش ميكونش عندها أعداء
ياسين: وفي نظرك اشنو الحل
زينب: شكون شاف المشروع من غيرك
ياسين: حتى واحد كنت البارح غادي نصيفطو للمهندس و لكن مرضت
زينب: اوكي فيها خير دابا متصايفط حتى حاجة والمراجعة خليه يراجعو قبل ربع ساعة من الاجتماع غدا و مريضنا معندو باس وهكدا نكونو قطعنا الشك باليقين
ياسين:امهم مراتي الذكية
انا غير سمعت ديك مراتي مركت ورجعت مود التبرهيش وضربتو بمخدة وعاودني وبقينا مني منك دقة فيه وعشرة فيا حتى طيحني وجا فوقي هاديك اللقطة ديال المسلسلات
ياسين: 😂😂😂😂😂 البرهوشة الزوينة فيك مكتخليش دقتك شوفي ضفارك
زينب: غزيت فيك نتا لي كتعافر معايا وبالنسبة لهاد position لي معاجبنيش ستدوم طويلا ولا كيفاش
زاد هبط حتال حدا وذني وقال
ياسين: انا عاجباني
وهز عينيه تفيكساو مع عيني وقلبي كيضرب بجهد وصدري كيطلع ويهبط وليت حمرا و كنترعد من الداخل و هو كيقرب سر سر سر صونا تيليفون اووووف الحمد لله سير الي صونيتي بغيت ليك الرضا انقذتني من المنكر ناض ياسين جاوب
ياسين: الو
السكرتيرة: موسيو العلوي المهندس كيقول انه باقي لحد الان متوصلش بالمشروع
ياسين: وي عارف قوليه حتال غدا وغادي يكون عندو الوقت الكافي فين يراجعو قبل الاجتماع
السكرتيرة: داكوغ موسيو
قطع ياسين وكنسمع صوتو كيغوت عليا اشمن وجه نشوف فيه دابا لا لا لا لا منخرجش حتى دخل عليا
ياسين: امالكي
زينب: مماليش اش بغيتي
ياسين: لبسي حوايجك يالاه نتغداو برا
أنا سمعت الماكلة ضحكت حتال الضرسة الأخرة ونضت كنجري من بلاصتي
ياسين خارج كيضحك: راه كنقولك برهوشة
لبست حوايجي وخرجنا توجهنا لواحد المطعم حدا البحر كلينا وحلقمت ياسين باش نهبطو للبحر ومشينا
في مكان آخر
المهندس الو موسيو
الشخص: امدرا اشنو درتو
المهندس: والو مسيو العلوي مصيفطش ليا المشروع و قال ليا حتال غدا ونقدر نراجعو قدامو
الشخص بالغوات: كيفااااااااااش اش هاد الق....... صدق مطور ولكن ميمكنش هاد المشروع يكون ديالو ميمكنش سمعني غادي تعلم the black ينسحبو من الاجتماع ونتا دير راسك مريض طيح من الدروج تهرس دير كسيدة مكيهمنيش المهم تخلي موسيو العلوي بشانو و مرشانو يدخل الاجتماع بوحدو
المهندس: اوكي موسيو
نرجعو عند زينب وياسين لي قلبوها طباط وداخلين للدار
زينب: ونتا مالك كرشي هادي
ياسين: غاتدخلي قدامي و لا غادي نشقلبك من البالكون واش من نيتك ضربتي نص كيلو ديال الكلاص بوحدك و بغا تزيدي وزايداها باغية تشري السقاطة معدة هاديك ولا بوبيل
زينب: ماشي سوقك المتعجرف السقرام
وطلعت لبيتي كنصوط ونضرب رجلي مع الأرض و ردخت الباب على الجهد حتى كنسمع ياسين من برا
ياسين: هرسيه حتى نجي نهرسك ليك الايدين والرجلين
بففففففف المتعجرف لاخر ضروري يخسرها خرجنا ضحكنا و لعبنا وجا حتال الآخر وحيد ليا ولادي 🍫🍭🍧
عند ياسين لي داخل لبيتو كيضحك
ياسين: والله الى برهوشة قالت ليك باغية تضرب كيلو ديال الكلاص وتزيد عليه الشكلاط و الفانيد كتقلب على الفاعي ماشي غير الحناش اودي لي يشوفها كيفاش كتحول قدام الخدمة ميشوفكش قدام الكلاص 😂😂
اجي انا مالي كنهضر بوحدي علامات الحماق بدات كتدخل معايا نمشي ننعس احسن
أصبحنا وأصبح الملك لله
عند زينب فقت على الغوات ديال ياسين في التيليفون اويلي هدا معامن على الصباح مشيت عندو مشعكة ووجهي منفوخ بالنعاس
زينب: مالك على الصباح ياك لاباس
ياسين كان رابط غوباشتو شافها وهو يبدا يضحك: 😂 كنكون كاعي كنشوفك كنضحك
زينب: كلون انا
ياسين قرب كيصاوب ليا في شعري: تقريبا
زينب: ودابا قول ليا مالك
ياسين: هاداك الق..... ديال المهندس قالك ميقدرش يحضر للاجتماع حيت دار حادث البارح
زينب: هادشي لي مقلقك صافي انا نحضر إلى بغيتي
ياسين: متأكدة راه ماشي بحال اجتماعات الشركة
زينب: مالك كتخلع فيا اصلا الإنسان ديما كتكون عندو أول مرة راه كيقوليك صعيبة غير البداية
ياسين خربق ليا شعري: ههههه باز مكتقادايش سيري لبسي حوايجك انا نتسناك
داكشي لي درت خرجت لقيت ياسين كيتسناني لابس ومأنتك و ريحتو سابقاه وخرجنا توجهنا لمكان الاجتماع
YOU ARE READING
صفقة زواج من متعجرف
Humorقصة مغربية زوينة ..قريتها عجباتني وبغيت نشاركها معاكم ..كتجمع مابين الحب الرومنسية الكوميديا،وأكيد شي حوايج خرين تعرفو عليهم اثناء القراءة.... بقلم مينو_كيم
