ماما: بالصحة الدوش الغزالة ديالي
زينب: الباتول من امتى هاد الحنان خوي المزيودة خلاص الله يسمعنا خبار الخير
ماما: اوى الله يمسخك ابنتي المهم سمية جايا تزورنا هي وعائلتها وولدها بعد غدا ان شاء الله
أنا سمعت ولدها دارت ليا في بالي طن وقلت
زينب: مرحبا بيها إلى بغيتي نعاونك فشي حاجة حتى نجي من الستاج
ماما: ومسولتينيش على سبب الزيارة
زينب: و الباتول على نتي مكتعرفيش بنتك تربية ايديك راني طيرتها في السما غير بغيت حتى يجيو ونرفض بأدب
ماما: وحتالاين غادي تبقاي لي جاترفضيه راه هادي هي سنة الحياة راك كبرتي وأنا بغيت نطمن عليك في دارك عوينة وحدة لي عندي نشوف ولادك ونهزهم زايدون باك عاجبينو العائلة وسمية راه صحبتي والأستاذة العزيزة عندك عافا بنتي لاماديري ليا خاطري
أنا هاد الموضوع كيعصبني مكنفكرش في الزواج وسيرتو دابا قلت ليها: صافي أماما يكون خير ان شاء الله
غير باش نسد الموضوع وتلاحيت ننعس وعقلي خدام 🌞🌞 أصبحنا وأصبح الملك لله فقت لبست طوب في الأسود وفيست في الأبيض وجمعت شعري مكنديرش الماكياج من غير الريسيل و واحد العكر كيحمقني لونو وخرجت في اتجاه اكبر شركة هندسة وعمارة في المغرب وصلت سولت موضفة الإستقبال ورشداتني لواحد القاعة كانو فيها 4 الأشخاص كيتسناو حتى هما واحد 10 دقائق ودخلات عندنا السكرتيرة وقالت
السكريترة: للأسف المسؤول على المواد البشرية معطل اليوم لذلك المدير هو لي غادي يستقبلكم الكل تبدل لونو ولاو يقفقفو أنا في خاطري "ااااو المدير كامل غادي يستقبلنا واقيلا مشينا فيها" دخلاتنا لواحد البيرو أقل ما يقال عليه أنه روعة وتصميمو هائل وديكور متناسق والريحة ياسلام واحد الشخص عاطينا بضهروا
السكرتيرة: موسيو العلوي هاهما الستاجر لي جاو اليوم
ضار لعندنا وياريت ماضار أنا حليت عيني وفمي 😯😯المخنزر المتعجرف اش كيدير هنا تصدمت وقلت فخاطري( ها نتا اعلي حلمك غادي يتحقق ويلوحوني في الأرشيف هادشي إلى ملاحونيش من الباب) هز السيفيات فايديه بلا حتى كلمة بقى شحال كيشوف ووجه كلامو للسكرتيرة المتعجرف عطاها سيفيات ديال لي كانو معايا وبقى السيفي ديالي في ايدو: ممكن ترشديهم لاقسامهم. ودار عندي وجه ليا الكلام
المتعجرف: انسة انتي بقاي
أنا كنخمم علاش قاليا بقاي هدا مالو كيشوف فيا هاكدا
المتعجرف كيشوف فيا ويشوف في السيفي: كاع الناس كتشهد بالدكاء والكفاءة ديالك لكن نساو أهم حاجة الوقاحة ممكن تضيفيها هنا راه تعاونك
أنا واقفة على أعصابي كنت ناوية منجوبوش ولكن ابدا واش نسكت على حقي 😒
زينب: كنضن المدير لي قدامي فايتني فيها( هدااااف وجهي صحيح)
المتعجرف: 😠😠على العموم مرحبا بيك معانا في الشركة وكنتمنى تعجبك الخدمة معانا وطبع ضحكة شريرة على صفرة وفيها شويا ديال السخرية شككني في راسي وعيط للسكرتيرة كتب في الورقة شي حاجة وتبسم في الشر وانا محملاش راسي كون طلقوني عليه نقجو المتعجرف لاخر😏داتني السكرتيرة وكيفما كنت متوقعة الأرشيف 😂المهم خدمة الوضي التفاؤلي ديالي وقلت على الأقل ناخد فكرة على إنجازاتهم ومشاريعهم بقيت خاشية راسي في الأوراق حنى وصل وقت الخروج خرجت نيشان للدار عيانة باغية غير فين نحط راسي جلست تعشيت سولني على الستاج شافوني عيانة مبغاوش يقجرو طلعت للبيت تيليفوني كيصوني هادي الهيشة ديال حنان
زينب: العوجة
حنان: من آدب التليفون ناس كيقولو آلو
زينب؛: سيري دوك القولب ديريهم مع غيري قالت ليك آدب التليفون دابا لاش معيطة اش بغيتي
حنان: زعما غير لي بغا يدير معاك المزيان ويسول فيك المهم كي جاك الستاج
زينب: كي الزيت بالفرونسي
حنان: اويلي اش درتي ميمكنش زعما نتي عندك حتى القرايا والخدمة مفيهمش اللعب اش واقع
زينب: قصة طويلة حتى نتشاوفو ونعاود ليك سمعي نقول ليك القنبلة غدا جاين عندنا الخطاب
حنان: 😂😂😂😂😂😂😂
زينب: امالك كتفرنسي
حنان: حيت عرفت مصيرهم مساكن بحال لي قبل منهم
زينب: هادي مياخدكش فيها الشك المهم غدا مع الربعة تكوني عندي
حنان: اوكي يالاه بونوي
زينب: تلاحي
YOU ARE READING
صفقة زواج من متعجرف
Humorقصة مغربية زوينة ..قريتها عجباتني وبغيت نشاركها معاكم ..كتجمع مابين الحب الرومنسية الكوميديا،وأكيد شي حوايج خرين تعرفو عليهم اثناء القراءة.... بقلم مينو_كيم
