صفقة زواج من متعجرف

البارت 4

أصبحنا وأصبح الملك لله فقت لبست حوايجي جمعت شعري وخرجت للستاج مع دعاوي الباتول وصلت دخلت للأرشيف داز النهار عادي خدمة وتفكيري كامل فشي طريقة نرفض بها بآدب جات عيني على وراق ديال واحد المشروع فيه سميت المتعجرف حليت فمي لأنو فعلا كان في غاية الروعة وحتى فاش خرج لأرض الواقع قلت تحت سناني
زينب: اوا ها المتعجرف دار شي حاجة مفيدة صراحة مكرهتش نخدم معاه باينة غير من هاد المشروع انو عندو خبرة كبيرة تفكرى اش دار ليا وانا نخنزر 😤كيبقى متعجرف ميحيدهاش ليا الطبيب
وصل وقت الخروج نيشان للدار لقيت الباتول قالبه الدنيا هي وحنان اش منك يامسمن ويابغرير وكيكات على الأشكال وجميع أنواع  الحلوى الطارطات التمر اللوز الكركاع  البيستاج مخلاتش من جهدها المهم خلاتها على العربي عونتهم شويا وطلعت ندوش
دوشت وخرجت لقيت حنان كالسة كتسنى فيا
حنان: بالصحة الالة لعروسي
زينب: راه عنتف ختي قلبي عليا
حنان: اجي معودتي ليا والو وزيد هاد الخطاب مفهمتش  راني كالأطرش في الزفة
زينب: أودي حتى نفهم أنا ونفهمك راني مودرة+الباتول تغبنات عليا كي خالتي سلين في سامحيني راني سيرتها حتى نشوف شي طريقة ونسل شوكتي بلا دم
بديت نقلب على اش نلبس جبدات ليا حنان واحد القفطان ولبساتني وماكات ليا حيت وصاتها ماما ضاربت معايا حتى عيات باش نطلق شعري مبغيتش في الأخير جمعاتو ليا دخلت ماما
ماما: بسم الله ماشاء الله تبارك الله عندي الزين 😍
حنان: ايوا اخلتي كل قرد في عين مو غزال
شيرت عليها بمسند كان حداها وقالت:  مالك عمية شوفي تبارك الله جات حسن من منار لي في سامحيني
زينب: وصافي الباتول حشمتيني
ماما: نتي كتعرفي الحشمة أودي المهم هو متحشميناش مع ناس( أنا خنزرت) ولكن منخافش كاينة سمية
زينب:  ياك الباتول كتشديني من نقطة ضعفي
سمية البروفة ديالي كانت معايا من أول خطوة خطيت في الكلية صداقتها بماما كانت بسبابي من نهار لاقيتهم وهوما مكيتفرقوش طاح الحك وصاب غطاه
سمية انسانة قوية وطموحه رغم أنه سمعنا ان عائلة راجلها لاباس عليهم إلا انها عمرها تخلات على مهنة التدريس قالت ليك كتلقى فيها شغفها وأحلامها وداكشي علاش كنعتبرها قدوتي هي لي خلاتني نبني طموحي وأهدافي منساش فاش وقفة معايا في سنتي الثانية كنت خديت قراري نحبش من القرايا بسبب شي مشاكل في الكلية ولكن لقيتها واقفة ليا
عندها ولد وبنت البنت قدي في لاج شفتها معاها شي مرة في الكلية بالنسبة لزوجها مكنعرفوش الصراحة انا ماشي شخصية فضولية اوا نجيو لعريس الغفلة لي باقية كنفكر فشي صدمة نخليه يهرب ميشوفش قدامو مكنعرفوش عمري شفتوا وأول مرة نعرف سمية عندها ولد
صافي سكتو هاالصونيت جاو يالاه غادية نحل الباب شدتني حنان
حنان: لا واش من نيتك كاينة شي عروسة كتحل الباب ركني في بلاصتك
مشات الباتول تحل الباب كترحب وتعاود شويا جات قالت ليا نخرج نهز الصينية وتميت داخلة يالاه هزيت راسي تكوانسيت رجليا تقالو عليا😯😯😯😯
معرفتش تكوانسيت نزيد ندخل ولا نرجع نسد عليا في بيتي وايييه  اه اه هاداك فيمن كتفكرو المتعجرف المخنزر جالس في صالونا لا وااع بزاف على الصدفة ولكن ارتاحيت لأنه مستحيل نتزوج بمتعجرف وعندي عدة اسباب نرفضه من بينهم الإنطباع الأول ديالي على بنادم ديما صائب وهاد الإنسان لي قدامي جميع انطباعاتي عليه كي الويل دخلت سلمت عليهم بآدب شفت مسيو العلوي صاحب مجموعة شركات العلوي عمرني نسيتو من نهار جا عطالينا محاضرة في الكلية تبارك الله راجل كيبان فيه الوقار وكيخليك تحتارمو كنشوف في سمية ونشوف فمسيو العلوي ونرجع نشوف في المتعجرف ونقول في خاطري( هدا لمن خارج) المهم جالسة ومقررة انه هاد الزواج مستحيل و كنفكر وعقلي كيفصل ويخيط كنقول كفاش متعجرف قابل يتزوج بهاد الطريقة استأذنت منهم ونضت للكوزينة نقلب على خطة نفرتك بها هاد الرمانة واخا عارفة حتى هو مني شافني غادي يرفض ولكن تجري الرياح بما لا تشتهي السفن
وانا كنفكر في خطة سيرو عند الكاتبة تعرفكم على المتعجرف
ياسين العلوي وريث مجموعة شركات العلوي ملامح حرشين بيض وحروفو كحلين الفورمة مقادة والطولة تبارك الله خلاصة تيتيز😍عندو 28 عام علاقتو مع النساء منعدمة من لي دوز فاش كان صغير شخص يعشق الخدمة من نهار استلم الخدمة وهو خاشي راسو فيها كفاءتو في الخدمة كرجل دوز 40 سنة في الخدمة حلمو يطور مجموعة شركاتو ويصنع اسمو واليوم جا يخطب😭راح التيتيز ياويلي
وصافي رجعو عندي شفتكم غير شفتو التيتيز نسيتوني وانا باقة كنفكر في حريرتي حتى كنحس بشي واحد ورايا
ياسين: ممكن نهضرو
زينب: كنسمع
ياسين: ماشي هنا
دخلنا للبيت وهو يتلفت ليا وقال
ياسين: بغيتي تخدمي معانا في الشركة وتحققي أهدافك وطوموحاتك
أنا في خاطري اوووف من الخير اكيد غادي يقول ليا نرفض مخليتوش يكمل وقلت
زينب: بلا خدمة انا اصلا رافضة هاد الزواج مستحيل نتزوج بيك
ياسين: مالك كترطاي مخلتيني نكمل حتى جملتين😒مجاوبتينيش
زينب: في نظرك اي واحد قرى قرايتي مغاديش يكون هدفو انه يخدم في شركة بحال شركتكم
ياسين: اوا تزوجي بيا
😨😨😨😯😯😯
اش هادشي سمعت مبقيت سمعت والوتصدمت معرفت مانقول بقيت غير كنبحلق في عينيا اكيد عارف نقطة ضعفي وشدني منها ولكن علاش واش من نيتو باغي يتزوج ببنت مكيحملهاش يالاه غادي نحل فمي نبدى نتفلسف عليه وهو يقاطعني
ياسين: عارفك اش غادي تقولي وفاش كتفكري بلاش غير وفريه بطبيعة الحال لا انا لانتي موافقين على هاد الزواج هاد الزواج ممكن نسميوه صفقة بيناتنا عام ونتفارقو بحجة اننا متفاهمناش وانا اكيد مغاديش نتفاهمو هكدا غادي نكونو استفدنا بجوج من هاد الزواج فكري وعطيني جوابك اه وبطبيعة الحال زواجنا غادي يكون غير على الوراق يعني fais ta life et je fais la mienne
زينب: اوكي فهمت انني غادي نستافد من هاد الزواج ولكن فهمني اشنو غادي يستافد واحد بحالك من هاد الزواج
ياسين: مكنضنش كيفما
خرج او خلاني كناكل في راسي بالعصاب وقوة التفكير
رجعت جلست قدامهم و مرفوعة كنفكر حتى نغزاتني سمية وقالت في وذني: ممتيقاش غادي تكوني مرت ولدي
انا ابتسمت وعقلي ممعاياش حتى كنسمع بابا كيهضر معايا: اوا ابنتي اش قلتي
زينب: سمح ليا ابابا مسمعتكش اشنو قلتي
نقز بابات ياسين وقال
محمد: بنتي حنى جينا نخطبوك لولدي ياسين وبغينا نعرفو رأيك هزيت راسي في ياسين وقلت
زينب: خليو ليا شويا دالوقت نفكر
ياسين عاق بيا مشوشة وداكشي لي كان نيت قالك نيت نتعرفو على بعضنا اكثر مشاو عائلة ياسين من عندنا وماما سكوتي محيرها  جمعنا الدار وطلعنا انا وحنان نبيتي
حنان كتقرص في راسها: لا وااش بصح قلتي ليهم باغية تفكري انا ممصدقاش اجي ياكما
قبل ماتكمل شيرت عليها بمسند
زينب: بعدي مني مناقصاكش
حنان: او الله منتفارق معاك حتى نفهم
زينب: اوا سمعي هضرتنا تبقى هنا( عاودت ليها كلشي من نهار تلاقيت مع ياسين) اوا هادشي لي كان اش بان ليك
حنان حالة فمها: هو عقلي الصغير استوعب فقط الربع في هضرتك
زينب: وانوضي الله يخليك بالخلا انا لي حمارة دايرة فيك راسي
حنان: هي في الصراحة فرصة لا تعوض منها خدمة ومنها تفيقي كل صباح تشوفي هاد التيتيز😍ومتعارفي تولي تبغيه
زينب: حيدي لهيه نتي راه لحسوليك دماغك المسلسلات التركية والأفلام الهندية خليني نعس راه غدا عندي ستاج
نعسات حنان وانا حلف لاجاني عييت بقوة التفكير وخديت قراري ونعست
أصبحنا وأصبح الملك لله فقت لبست حوايجي توجهت للشركة مشيت نيشان للبيرو ديال ياسين سولت السكريترة واش كاين طلعات فيا وهبطت وهضرت معاه في التليفون وقالت ليا تفضلي دخلت اشار ليا ياسين باش نجلس جلست تشجعت وبديت الهضرة
زينب: انا فكرت وخديت قرار
ياسين: باينة فيك منعستيش يالاه فاجئني بقرارك

ايلا عجباتكم القصة ديرو ليها نجمة ⭐راه مخاصرين والو