Trying to be father

Наймдугаар хэсэг

- Гуйж байна ингэхээ боль ...

Тэрнийг уурлаж загнах чанга хоолойны оронд шивнэх шахам хэлсэн түүний энэ хэдхэн үгс яагаад ч юм Минсокыг гунигт автуулж орхив.

Жисү Минсокыг өөрөөсөө зөөлөн түлхэж холдуулаад удаанаар өрөө лүүгээ алхсаар явлаа.

"Уучлаарай ..."

Хэн хэн нь яагаад гуниглаад байгаагаа ойлгосонгүй. Ямар ч гунигтай зүйлс тохиолдоогүй шүү дээ. Зүгээр л залхсан байх ...

****

- Өглөөний мэнд

- Чамд ч бас ...

Тэр хоёрын богинохон харилцан яриа ийнхүү дуусав. Ёну хэдий жаахан хүүхэд ч гэсэн томчуудын дундах хүйтэн уур амьсгалыг мэдэрч байлаа.

Том ширээний ард бүгдээрээ л дор бүрнээ чимээгүйхэн өглөөний цайгаа уух ажээ.

- Ёну чиний анхны өдөр. Догдолж байна уу?

Минсок түрүүнээс хойш хоолоороо тоглож суусаар байгаад эцэст нь чимээгүй байдлыг эвдэн яриа өдөж эхэллээ.

- Мэдэхгүй ээ ...

Ёну-ийн байнга хэлдэг хариулт ... Уйтгартай, нэгэн хэвийн, гунигтай хариулт ..

- Эсвэл чи цэцэрлэгт явах дургүй байгаа юм уу?

- Үгүй ээ ..

Минсок чимээгүй гэгч нь урдах сериалаа идэх жаал руу ширтэв. Тэр түүний нүднээс ямар нэгэн зүйл олохыг хичээсэн ч юу ч олж харсангүй. Тэрний насны хүүхдүүдийн нүүрэнд нь баяр баясал гийж, зогсоо зайгүй чалчдаг биздээ.

Минсок Ёну-тай анх уулзсан өдрөө дурсан санав. Жаахан хүүхэд гэхэд нүүрэнд нь залхсан, ядарсан инээмсэглэл тодорсон жаал ...

Хэдийгээр Ёну тэднийд ирээд удаж байгаа ч , жаргалтай байгаа мэт харагддаг ч цаанаа л түүний нүднээс уйтгар гуниг олж хардаг билээ.

Дараа нь Минсок бас л ямар нэгэн зүйл бодон эргэн тойрноо ч анзаарах сөхөөгүй байгаа эмэгтэй рүү харав.

Ширүүн зан чанартай муу охин ... ээж болоход тохирохооргүй харагддаг ч Ёнутай байхдаа гаргадаг түүний зан ааш түүний бас нэгэн өөр тал .. Гэхдээ түүний Ёну руу харах харц ... бусдаас маш өөр байдаг ...

Өрөвдсөн ....

Жисү гэнэтхэн ширээнээс босоод

- Би болчихлоо

- Аан .. за .. би Ёнуг шинэ цэцэрлэгт нь хүргэж өгч чадахгүй байх.

- Зүгээр дээ. Мэдэж байгаа би хүргээд өгчихье.

Ёну ч бас хооллоод дуусчихсан бололтой Жисү-ийн гарнаас хөтлөөд өрөө лүүгээ явав. Харин Минсок ам хүрээгүй өглөөний хоол руугаа бодлогошронгуй харчихаад ажил руугаа явахаар ширээнээс бослоо.

****

Жисү Ёнуд үнэтэй цэцэрлэгийнх нь дүрэмт хувцасыг өмсгөж байтал

- Ээжээ аав та хоёр муудалцсан юм уу?

- Үгүй ээ ..

"ямар муудалцах харилцаатай ч хүмүүс бишдээ утгагүй юм ..."

Жисү амандаа үглэн толгой сэгсрэх бол Ёну түүн рүү гайхан харчихаад өөр зүйл хэлсэнгүй.

Жисү Ёну-ийн гарнаас хөтөлсөөр шинэ цэцэрлэг рүү нь яван орлоо. Харин Ёну бусад хүүхдүүд түүнийг яаж хүлээж авах бол гэдгээс бишүүрхэн Жисү-ийн гарнаас маш чангаар атгах ажээ.

Түүний энэ байдлыг анзаарсан Жисү доош суун Ёну хоёр мөрөн дээр гараа тавиад түүн рүү дулаахнаар инээмсэглэв.

- Битгий ай .. одоо эгч бишээ ээж нь байгаа болохоор хэнээс ч битгий ай.

гэж хэлээд түүнийг тэвэрлээ.

"Удахгүй хоёулаа илүү гоё амьдрах болохоор битгий санаа зов. Жаахан л хүлээчих"

Жисү цэцэрлэг рүүгээ багш даа хөтлүүлэн орох Ёну-ийн араас харсаар өөртөө ийнхүү шивнэсэн юм.

Түүнийг гэртээ орж ирэхэд Минсок гэртээ байж байх нь тэр.

- Ажил руугаа яваагүй хэрэг үү

- Өнөөдрийн хуваарь бүгд цуцлагдчихаж ..

- Аан ..

Түүнийг өрөө лүүгээ өгсөх гэж байхад нь Минсок дуудан ярилцахыг хүслээ. Жисү түүний өөдөөс харж суугаад юу ярих гэснийг нь тааж ядан түүн рүү харна.

- Өрөөний чинь шүүгээн дээр хадгаламжийн дэвтэр тамгатай цуг тавьчихсан байгаа. Бас үл хөдлөх хөрөнгийн гэрчилгээ, машины түлхүүр ... Бүгд чиний хүссэнээр.

- Ашгүй дээ ..

- Ёнуг нэгдүгээр ангид хүртэл нь хүлээх хэрэггүй дээ. Би бодлоо өөрчиллөө. Бас Ёнуг би өсгөх болохоор дахиж чиний талаар нэг ч үг сонсогдохооргүй болтол алга болоод өг ..

Жисү доош харан нүүрэндээ гашуун инээмсэглэл тодруулах ажээ. Түүний хүссэн бүхэн дорхноо бүтчихлээ шүү дээ.

"Алга болоод өг .." гэнээ