The Blind Young Master [Published under PopFiction]

Kabanata 12

Hindi ko alam ang sasabihin ko. Sa ikalawang pagkakataon ay muling nablangko ako. Ang pagkablangko ng isipan ko ay tila pagkablangko ko noong nabangga at tinakbuhan ko si Dric.

Hinawakan ni Irynne ang dalawang kamay ko. Hindi ko mahapuhap ang tamang salitang dapat sabihin sa kanya. I lost for words, and I ached for them at the same time. "I g-got raped Ela..." Ang mga labi niya ay nanginginig kasabay ng pagpatak ng mga luha niya.

"Y-you got raped? Who the fuck raped you? Sino ang putang-inang gagong yun?!" Halos tumigil sa pagtibok ng puso ko nang marinig ang paulit-ulit na pagmumura ni Dric. Dire-diretsong naglakad si Dric papunta sa amin. Tila ba muli na siyang nakakakita.

Sumasakit ang tainga ko sa paulit-ulit niyang pagmumura. Ramdam na ramdam ko ang galit niya. Who wouldn't? His fiancée got raped at wala siyang ideya na nangyari 'yun. Hindi sinasadyang natabig ako ni Dric para lang tuluyang makalapit kay Irynne. Nagbigay daan na lamang ako sa dalawa.

Lumayo na ako. I feel like I should be out there. It's not my thing anymore. Whatever they talk about, ang tanging hiling ko lang ay magka-ayos na sila. Ang bigat kasi sa loob na malungkot yung taong dapat masaya na sa buhay ngayon. My parents taught me not to be selfish when I was a kid, but I once became selfish, kasi natakot ako na yung mga pinaghirapan ko bigla na lang mawala. And that's when life taught me selfishness would never lead you to anything good. Kung sana ay naitama ko noong una pa lang.

"Buntis daw si Ma'am Irynne..." Umaga, rinig na rinig ko ang bulungan ng mga kasambahay. Patungo ako sa kwarto ni Dric, medyo kabado pa dahil baka mali na naman ang tyempo ko.

"Pananagutan ba raw ni Young Master Dric kahit hindi naman talaga siya ang ama?" Tanong ng isa pang kasambahay. Nagsitahimikan sila nang makita nila ako, ang iba ay nagbigla sa biglaang pagsulpot ko.

Patungo sa kwarto ni Dric ay sinalubong ako ni Nanay Beth. Umiling ito sa akin. "Wala rito ang Young Master. Nasa opisina ng daddy niya." Tumango ako at ngumiti kay Nanay Beth. Nagtungo ako sa opisina ni Mr. Villangco.

"Can you hear yourself Dric? Ayaw kasuhan ni Irynne. She insisted not to. Siya na biktima ayaw niyang kasuhan. Then you'll insist na kasuhan pa rin? You're not winning it!"

"Dad! I know Irynne better than you do. Ayaw niyang kasuhan ang lalaki dahil natatakot siya. I'm sure she got threatened. Anong kalaban-laban ng babaeng na-rape sa rapist niya? That's why I'm gonna fight for her." Mariin na depensa ni Dric mula sa kanyang ama.

"You think Irynne will cooperate? Son, listen... Irynne doesn't want to take it to the court so why bother?"

"Because she's my fiancée dad! Because I love her!" Sinuntok ni Dric ang table sa opisina ng daddy niya. "Why can't I decide for myself now? Kasi bulag ako? Kaya hindi ako pwedeng magpadalos-dalos? Damn it!" Padabog na lumabas si Dric sa opisina ng daddy niya. Hindi niya namalayan na nakikinig ako sa usapan nila kaya tahimik na lamang akong sumunod sa kanya.

Kinakapa niya ang hawakan sa may hagdanan habang bumababa siya. Muntik na siyang matisod, mabuti na lang at napakapit agad siya. Pinanood ko lang ang naging kilos niya nang nasa kwarto na kaming dalawa. Hindi rin ako mapakali ng dahil sa kanya.

Nung hapon ay nalaman kong dumating si Irynne. Agad akong nagpaalam kay Dric. "Young Master Dric may aasikasuhin lang po ako." Hindi naman na siya nagtaka pa.

Hinanap ko si Irynne na kasalukuyang nasa garden ng mansion lang naman. "Ma'am Irynne..." She looks so pale right now.

"Water po Ma'am?" Umiling siya.

"Bakit ayaw mong kasuhan?" Hindi siya umimik. "Tinatakot ka ba niya? You know Young Master Dric is willing to fight for you." Umiling lang siya.

"Hindi pwede Ela..."