<Unicode>
💖ရင်ထဲက သစ္စာ💖
"သမီးရေ...ထက်မြက်ရောက်နေတယ်"
ထက်မြက်ဆိုတဲ့ အသံကြားတာနဲ့ ဝတီ
အိမ်အပေါ်ထပ်ကနေ အပြေးတစ်ပိုင်းဆင်းလာသည်။"ဟာ...တကယ်ကြီးပါလား...ငါက မာမီ ငါ့ကို
စနေတယ်ထင်တာ"ဆိုဖာကိုမှီထိုင်ပြီး စားပွဲပေါ်မှာ ခြေထောက်ကို
ဆန့်တင်ထားတဲ့ ထက်မြက်ကိုကြည့်ပြီး
ဝတီ အလိုလိုပြုံးမိသွားသည်။"အပြင်သွားမလို့...မင်းကိုလာခေါ်တာ"
"ဟာ...အေး...ခဏ...အဝတ်အစားလဲလိုက်ဦးမယ်"
"လဲမနေနဲ့...ဒီရုပ်က ဒီရုပ်ပဲ"
"နင်ဟာလေ...ငါ့ဆို ဘယ်တော့မှ
အကောင်းမပြောဘူး"တကယ်ဆို ဝတီက အသားဖွေးဖွေးလေးနဲ့
ချစ်စရာကောင်းတဲ့ မိန်းကလေးတစ်ယောက်ပါ။
မျက်နှာလေးက အပြစ်ကင်းစင်သလို
ကိုယ်လုံးကိုယ်ပေါက်ကလည်း
အချိုးအစားပြေပြစ်လှပသူလေးပါ။သို့ပေမယ့် ရွာနားကမြက်ကို ရွာနွားမစားဘူး ဆိုတဲ့အတိုင်း ထက်မြက်တစ်ယောက် ငယ်ငယ်ကတည်းက
ပုခုံးဖက်ပေါင်းလာခဲ့တာကြောင့် ဝတီ့ရဲ့အလှတွေကို မမြင်နိုင်ပါ။ မြင်အောင်မကြည့်တတ်တာဆို
ပိုမှန်ပေလိမ့်မည်။"အပိုတွေပြောမနေနဲ့...သွားမယ်"
"အင်းပါ...မာမီ...သမီး ထက်မြက်နဲ့
လိုက်သွားလိုက်ဦးမယ်""အေး...သမီး...အပြန်နောက်မကျနဲ့နော်"
"ဟုတ်"
တကယ်ဆို သမီးလေးကိုချစ်တဲ့စိတ်ကြောင့်သာ
ထက်မြက်နဲ့အပေါင်းအသင်းလုပ်ခွင့်ပြုထားတာပါ။ သမီးလေးအပေါ်အမြဲအနိုင်ကျင့်တဲ့ ထက်မြက်ကို
ဒေါ်မမ ဘယ်လိုမှသဘောမကျ။ရပ်ကွက်ထဲကအတင်းတုပ်တဲ့သူတွေရဲ့ပါးစပ်ဖျားမှာ ထက်မြက်ဆိုတာ အမြဲတမ်းပါသည်။
မိဘတွေရဲ့ချမ်းသာကြွယ်ဝမှုကြောင့် ဘယ်သူ့ကိုမှ တူတူတန်တန် ဆက်ဆံတတ်တာ မဟုတ်။
ရုပ်လေးသန့်သလောက် ရည်းစားကလည်း
မှိုလိုပေါက်အောင်ပွေရှုပ်လှသည်။
YOU ARE READING
ဝတ္ထုတိုပေါင်းချုပ်/ဝတၳဳတိုေပါင္းခ်ဳပ္
Randomသက်ကျော်၏ ဝတ္ထုတိုများ စုစည်းမှု #thetkyaw သက္ေက်ာ္၏ ဝတၳဳတိုမ်ား စုစည္းမႈ #thetkyaw