البارت11و 12
وتمر الاحداث على ابطالنا وجاء موعد ظهور نتيجة الامتحان، وتذهب فرحة إلى كليتها لتتعرف عليها، وإذا بها تجتاحها بتفوق كعادتها، وتحصل على تقدير امتياز لتعود إلى الفيلا مسرعة لتصرخ بصراخ عالي تقول :
- بااابتى ...مااامتى... انتوا فين ياقووووم؟
هالة وحسن يأتون مسرعين إليها متسألين :
- فين اية يافرحة بتصرخى ليه كدة؟
فرحة بسعاده تقول :
- انتوا لسة شوفتوا صريخ ده أنا هصرخ......واصرخ... وازغرط واغنى... وارقص على واحدة ونص كمان.
حسن بندهاش يقول :
- ليه كل ده يامجنونة؟
فرحة تنظر لها رافعه حاجبها الايمن مردده :
- مجنونة طب استعدوا لسماع خبر الموسم، اااانا نجحت بتقدير امتياز مع مرتبة الشرف عاااا عاااا.
هالة وحسن يقفزون ويسرعون إليها ويعانقوها بحب وحنان وهالة تبكى فرحاً مردده :
- الف الف مبرووك يافروحة يااللى دايما مفرحه قلبى يافرحة عمرى كله.
- الله يبارك فيكى يامااامتى بس ليه الدموع دى طيب دلوقتى؟
حسن بسعاده يقول :
- الف مبرووووك ياحببتى هى هالة كدة انتى مش عارفاها تفرح تعيط تحزن تعيط.
هالة تنظر له وتجفف دموع الفرح ثم قالت :
- كدة برضو ياحسن يعنى انت تنكر ان عينك مدمعتش من الفرحة.
حسن يبعد بنظرة عنها ليمسح دموعة بدون ان يلاحظ احد ثم يرد قائلا :
- أنا ابدا ده النهاردة الدنيا مش سيعانى من الفرحة، واللى مخلينى اسعد وفرحان اكتر ان فرحة مخيبتش ظنى فيها، وجابت الحمدلله التقدير الامتياز اللى وعدتنى بيه عقبال بقى ما تنفذ وعدها التانى ليا.
فرحة تنظر له مسائله :
- وعد اية ده !!
- أنتى نسيتى وعدك؛ أنك تمسكى فرع مصر وتوقفيه وترجعية زى الاول واحسن هاااه يافروحة أمتى ياقلبى هتنفذى؟
فرحة بجديه تقول :
- قريب اووووى يابابا ان شاء الله ظبط حضرتك الفرع هنا، وانا هكون مستعدة في الوقت اللى تحدده أنا وعدتك وعمرى ابدا ما اقدر أخلف وعدى معاك.
حسن محتضنها بشده ويقول :
- ربنا يباركلى فيكى يافرحة يابنتى، ويقدرك على الحمل اللى هتشليه أنا بأذن الله على أول الاسبوع الجاى نحجز ونتوكل على الله اية رأيك ياهالة؟
هالة تنظر إليهم وتقول :
- اللى تشوفة ياحسن أنا موافقه عليه، ان كان عليا نفسي أكون من دلوقتى في فيلتنا بس أول الاسبوع كويس أكون اتصلت بوفاء عشان تجهز الفيلا، وتحضرها اه هى ربنا يكرمها طول السنين اللى فاتت كانت دايما تروح مع الدادة وتهويها وتوضبها بس برضو عشان تكون موجودة واشوفها لحسن وحشاانى اوووى.
YOU ARE READING
#عشق بلا حدود ... بقلم إيمووو
Romanceالإنسان في الحياة معرض للإبتلاء من الله سبحانه وتعالى فنجد منا من يصبر على هذا الإبتلاء بصدر رحب وقد نجد من لا يتحمل ويهرب منه هذا هو الحال في روايتنا فسوف نتعرف ونغوص في شخصياتنا لنتعرف جزاء من صبر وتحمل... و ايضاً من العشق اهلكه وضيع سنوات حياتة ه...
