THE GENTLEMAN'S SECRET

Chapter Six

WALA PA RIN SINA TANYA AT KEITH sa mesa pagbalik nina Nena at Clint. Nanlaki ang mga mata niya nang makita si Yves na nakikipagkwentuhan sa isang babaeng kakapusin sa tela ang suot na pulang damit. But Nena had to admit, the woman had the right to wear that. Anyone who ever had a body as sexy as that would proudly flaunt it, whether everyday or for just one night.

Ang nakakapanibago lang sa kanya ay ang pagkaaliw ni Yves sa kausap. Hindi pa niya kasi ito nakikitang makipag-usap ng ganoon sa isang babae. 'Yong tipong halos magpalitan na sila ng mukha. Ang kulang na lang ay dumantay ang nakaabang na kamay ng lalaki sa hita ng kabulungan nito. The woman seemed to reciprocate the same feeling, tapping Yves' hand that rested on his own knee as she laughed. Nag-angat ang mga ito ng tingin nang maramdaman ang presensya nila.

"Nena!" ngiti sa kanya ni Yves. "Si Iris nga pala."

Bumalik siya sa dating kinauupuan. Iris extended a hand to offer her a handshake. Tinanggap iyon ni Nena.

"Wow, you're gorgeous!" At nilingon niya si Yves, "Kaano-ano mo?"

"Ah..." naghagilap pa si Yves ng isasagot. "Friend."

Awtomatikong napunta kay Clint ang tingin ni Nena. Nginisihan lang siya ng lalaking nakaupo na sa tabi ni Iris. Hawak nito ang baso ng beer habang relaxed na nakasandal sa backrest ng kinauupuan. Nakapatong ang isang braso nito sa ibabaw ng backrest, kaya parang naka-akbay na rin ito kay Iris.

Ang lalaking ito! Ang lakas ng loob landiin ako tapos may pinasunod pala siya ritong isa sa mga babae niya! wala sa loob na dinama ni Nena ang gilid ng leeg na dinilaan kanina ni Clint.

Lalo tuloy lumuwag ang pagkakangisi ng lalaki bago uminom sa baso nito.

His eyes were still on hers.

Umiwas si Nena ng tingin sa lalaki at hinarap si Yves.

Umakto ka lang nang normal, Nena.

"Yves, baka makalimutan ko pang ibigay sa'yo ang gift ko. Kunin na natin sa kotse mo!" masigla niyang wika. "Kukunin ko na rin ang bag ko."

"Oo nga pala, si Attorney na ang maghahatid sa iyo pauwi, 'di ba?"

Diyos ko! Oo nga pala. Nagprisinta siya, sulyap niya kay Clint na binubulungan yata ng kaharutan si Iris kaya bungisngis ngayon nang bungisngis ang babae. Ewan kung bakit damang-dama ni Nena ang panggagalaiti habang palipat-lipat ang tingin sa dalawa.

Natigil ang pag-uusap ng mga nito nang sumingit si Yves.

"Dito muna kayo, Attorney," paalam nito. "Kukunin lang namin ni Nena 'yong gamit niya sa kotse ko."

Clint's eyes narrowed, scanning her. Or better say, double-checking something before he smiled at Yves.

"Sure," swabe nitong sagot.

Yves turned to her. "Tara."

Tumayo agad si Nena at sinundan si Yves. Inusog nina Iris at Clint ang mga binti para padaanin ang lalaki. Sa kabilang side ng mesa dumaan si Nena dahil wala pa naman sa upuan nila sina Tanya at Keith.

Tinapik ni Yves sa tuhod si Clint.

"Attorney, pakisabi na lang kila Tanya, ha? Babalik din kami agad ni Nena."

"Yeah, sure," ngiti nito sabay simangot nang tutukan siya nito ng matalim na tingin.

Iniwas na lang ni Nena ang mga mata sa lalaki at humawak sa braso ni Yves.