#أنكسراتي_أنا
الحلقة الثامنة
سمآ : قعدنا في صور برا بنات وصبايا حايسات وكنت خاشة للحمام نسمع صوت اجديده واختها يقولن
عمتي عائشة : قالتولها علي موضوع شن صار
اجديده : مازال وأن شاء الله خير بعد نقولولها توا نرد عليك
عمتي عائشة : أن شاء الله خير
سوسن : ياااا سمسم تعالي
سمآ : مافهمتش علي شن يحكن نادت عليا خالتي
سوسن عديتله ..نعم ياعروسه
سوسن : تي تعالي شوفي طاجين
سمآ : وانتي كنك ياحنة شوفيه
سوسن : نتحملش صهد كوشه بشرتي
سمآ : هههههههه اشعر بانني عروسه قصدك
سوسن : ههههه بطلي سماطه
سمآ : آمباه هاتي نطلعه ونتبهت ع امينة تسالس بتخش جوا الحوش قلتلها يا اموني تعالي شوفي طاجين هههههه "أمينة بنت خالتو امال وكبري تقرأ في جامعة توا "
امينة : عطك طاجين يخبطك مافيكش جو يا كلبه
سمآ : تعالي بلا طروح شوفي انا خلاص تعبت وهاتي نقالك نشوف صور
أمينة : عدي روحي يا بارده شفتك فطنتي لنقال يرن فيكش جو مصدقت جيت هنا بناخد راحتي
سمآ : ماله شن نمص ليم عليك براده سوسن حلت وقعده ع نقال مع خطيبها واختك اماني نفس جو وهذكينا بنات خالو محمد نفس جو واصلا فهنش جو وانتي بتعدي اخري عليش جاية ماله
أمينة : باه نعوضك بعدين وراس سمسم نحكي وانجي
سمآ : عدي عدي عنشكلك عدت وقعدت بروحي عليك جو شين
~~~~~~~~
أحمد : رنيت علي انور لقيته مشغول بعدها قعد شوية وعاود عليا ...ألو
أنور : اهلا
أحمد : وين يامشغول
أنور : ههههه تي فرخه هذك ساكنة من امس مزطتني فتحت هزبتها وانت خشيت عليا انتظار
أحمد : اها باهي اسمع مش حنقدار نجي بعدين
أنور : كنك شن في
أحمد : لا بس في موضوع عندي توا بكرا نقولك تفاصيل بس هو موضوع عرب بيجو يخطبوا بنقول لهلي توا
انور : عريس لمن ؟
أحمد : أسماء
أنور : اها باه خلاص تمام خود راحتك وبكرا نحكوا والشغل انا نديره يا طيري
أحمد : تم يامعلم
أنور : تم سلام توا
~~~~~~~~~
سوسن : سكري توا أحمد خوية خش عليا انتظار سكر وفتحت ع احمد ...ألو
أحمد : مع من انتظار
