#أنكسراتي_أنا
الحلقة الثانية وعشرون
سمآ : كنت قدام المدخل واقفه وطلعت تجري وفتحت الباب كله وعدت وفجأة أنور كان نازل جت عيني في عينه
أنور : كنت ندخن فوق سطاح نزلت شفت لبني نازله تجري نفجعت نحسابها سمآ صارتلها حاجة جيت نجري وقفت فم الباب لقيتها واقفه جنب المدخل لبسه فستان حلوو وشعرها طويل وطريقة رفعته تهبل أول مرة نشوفه شعرها وكان شكلها غير اتجنن بكككل
سمآ : وقف يبحث وانا استكيت من ارتباك خشيت نجري لداري
أنور : هههههه من فجعتهأ بالموقف خشت تجري جو سكرت الباب حوشهم ونزلت قعد شكلها بين اعيوني
سمآ : من اهبالي خشيت نجري بعدها فطنت الباب سكر خديت عبايتي ولبست وشاحي وخذيت هدية خالتواونزلت صدفت لبني في الدروج
لبني : هيا وقت
سمآ : اها ...نزلنا خدينا اجديده سمية وعميمه وطلعنا ركبنا طبعا بعد هذك اللقطة ماقدارتش نرفع راسي نبحث في انور انحرجت
اجديده : يا انور وقف علي حلواني ناخذو حاجة حلوه معانا عيب نخشوا فاضيين
أنور : حاضر ...وقفت علي الحلواني ..هيا واحدة منكن تنزل تختار أنا منعرفش فيهن
عميمه : انزلن واحدة منكن
لبني : لا انا فوتوني كعب نعرفش نمشي بيه وسمآ اقرب انزلي
سمآ : لا نعنجد ننزل زحمة جيب اي شكل
أنور : كنكن نجيب حاجة شينه تطلع بتاع شاهي والله مانردها
اجديده : انزلي ياسمآ مش ناقص راهو نتاخرو بعدين الحاجة الناقصه انتي جيبيها لخالتك هيا
سمآ : حاضر .. فتحت الباب ونزلت كنت خايفه نطيح مسكت في انور
أنور : كنك
سمآ : الارض محل سراميك خايفه نزلحق
أنور : باهي تعالي ...السلام وعليكم معلش نبوا انواع حلويات
الشاب : وعليكم السلام حاضر بس بشكولاطه او معسلة او شن بضبط طلب
أنا : نبوا بشكولاطه
الشاب : تفضلوا اهنا العينات اختاري
سمآ : نبي من هضا
الشاب : بحق كم
سمآ : بحتث في انور كم
أنور : مش عارف
سمآ : تي اجديده كم عطاتك
أنور : شي نحساب عندك افلوس
سمآ : فنصت فيه حتي شنطة معندي عشان ندس الفلوس فيها
أنور : عليك قصة حتي أنا مش معايا ... ياشاب حطنا حق 40
سمآ : تي كيف تدفع
