#أنكسراتي_أنا
الحلقة الواحدة والاربعون
سامي : بعدت عني وبعدها سمعتها فتحت الدولاب بحتث شفتها خذت مخذه وغطاء وجت بتطلع .......فكينا من الطلوع برا الدار العيال يعاودو كان مش عاجبتك النومه جنبي ارقدي علي كنبه او الارض ....... وبرمت وجهي وفجأة سمعت صوت خبطه بحتث شفتها طايحة صبيت نجري ....سومه سومه ...رفعتها حطيتها ع سرير لقيت خشمها دم وجبت عطر بخيتلها مافش فايدة عديت نجري فتحت الباب وجيت طلعت اوراقها ومفاتيح السيارة وحطيت فوقها غطاء ورفعتها وطلعت نجري
سليمان : كنك شن في
سامي : افتح الباب سومه طاحت
سليمان : هيا ... حطها
سامي : العيال بروحهم قول لأمي تركبلهم .... وعديت نجري وصلت العيادة ونزلتها نجري خذوها وقعدت نستنا فيها
الممرضة : المدام ناضت
سامي : كويسه
الممرضة : الدكتورة تبيك تفضل
سامي : خشيت السلام وعليكم ...بعد خشيت سومه برمت وجهة لجهة الاخري كانت ع سرير
الدكتورة : استاذ سامي
سامي : نعم
الدكتورة : ضروري ندير للمدام دخول عشان عندها ضغط مرتفع وبنعدلها ضغط وعرفت ان حامل بما أن معندهش ضغط فأحتمال كبير يقعد ضغط حمل بس المدام رفضت
سامي : لا ديريلها دخول مش بجوها هذي صحتها وصحة الجنين
الدكتورة : تفضل مع الممرضة عبي اوراق دخول
سامي : تفضلي يا إختي
~~~~~~~~~~~
سمآ : نضت الصباح علي صوت الباب يرن خشيت الحمام توضيت وصليت وبدلت أدبشي وطلعت شور المطبخ ....صباح الخير
سوسن،رمزي : صباح النور
سمآ : نبي قهوة فيه
رمزي : هاكي
سمآ : شكرا من جاء
سوسن : سامي يبي بابا وماما
سمآ : كنه شن في
سوسن : مش عارفه خليتهم يحكوا وخشيت
سمآ : أكيد صايره حاجة صبيت بنطلع
رمزي : غير كملي فطورك كان في حاجة راهو سمعنا
سمآ : قعمزت بس متريحتش ...نقنا بنعدي نشوفه ...صبيت بسرعة عديت شور المربوعة وانا بندق سمعتهم
سامي : من أمس خشوها مستشفي بس جيت نبيكم تقولوا سمآ
سمآ : خشيت نجري ...ماما كنها شن صارلها ليش دخلتها مستشفي احكي
جدي : اهدي يابنتي مش هك
اجديده أمينة : اهدي مافهش شي بس ضغط ونزلوا لها
