#أنكسراتي_أنا
باقي الحلقة حنكملها وحتنزل في الليل وياريت كلها تتفاعل مع الحلقة
الحلقة 12
حمادي : خوذو راحتكم توا انجي
أمجد : باهي ...طلع حمادي قلتلها ....كيف حالك
لميأء : بخير وانت
أمجد : واضح مرتبكه ... الحمدلله أنا كنك خايفه تريحي
لمياء : هههههه مرعوبه قصدك
أمجد : هههههه ليش هالرعب غوله قدامك
لمياء : لا لا حشاك بس هك اول مرة هك تصير
أمجد : انا متعود
لمياء : مش قصد هك أنا بس بحكم نحكي معك كراجلي
أمجد : عجبتني راجلي
لمياء : مش لازم تحرجني
أمجد : شن شروطك باهي
لمياء : أول حاجة الاحترام بينا لو شن صار يقعد بينا وجامعتي ونعدي لأهلي وخوالي واجدودي وعربك وصحباتي نحب نتواصل مع الناس بس
أمجد : موافق
لمياء : وشروطك
أمجد : اول شي أمي احترامها من احترامي وثاني حاجة كيف ماتواصلي أهلك واصلي أهلي ثالث واخر حاجة جامعتك ماتخلهش تخليك تهملي حوشك
لمياء : هذينا مش شروط هذينا اساسيات تربية الانسان
أمجد : وانا عارف تربيتك وشرف ليا توافقي عليا
لمياء : انا عندي شرط اخر
أمجد : لا خلاص سكرنا هههههه
لمياء : هههههه بطل تقيسني بزوجتك الاوله
أمجد : لا مدرتش هك بس شروطي هذينا قلتهن عشان لو صارت حاجة نقعد قايلها لكي في شروط
لمياء : تمام انا موافقه
أمجد : باهي العرس بعد شهر نبيه
لمياء : تمام
أمجد : حندير دفع وتلبيسه قريب
لمياء : باهي ماعندش مانع
أمجد : اتفقنا ياعروسه
لمياء : اتفقنا ياعريس هههههه
أمجد : هههههه تمام معناها نستأذن توا
لمياء : عادي ناخذ رقمك
أمجد : لا هاكي خزني رقمك
لمياء : خذيت خزنته ...تفضل
أمجد : تم تبي شي
لمياء : سلامتك
أمجد : سلام توا
لمياء : في آمان الله
~~~~~~~~~~~~
سمآ : ليا أيام عدول واخذ برد مريض وحرارته شينة ترتفع تنزل بعد وين عديت عاينته عطوني علاج
