#أنكسراتي_أنا
الحلقة السادسة والثلاثون
أنور : خشيت بسرعة سحبتها وكانت شارقه بالمياه ..... بسم الله قعدت نسكرلها في خشمها وننفخلها فيه
سما : طلعني انور وقعد ينفخ في خشمي حسيت الشرقه حولت
أنور : رفعتها وحطيتها علي الشط
أحمد : خالوا كويسه
رمزي : شن تحسي نسعفوك
سمآ : بحتث فيه يابارد اقتلني وقول نسعفك عليك خال هههههه
محمد : بطلي أهبال شن تحسي في روحك
سمآ : كويسه وبعدها بحتث لقيت ماما جاية من بعيد دفيتهم ونضت نجري ....ماااماااا
~~~~~~~~~~
سامي : في الليل رن أحمد عليا قالي تعالي لشاليه وسمآ تبكي مرايفه علي امها جيبها وتعالوا بس متخبرش اسومه
ماما : خش عليا قالي بكرا بنعدو مشور وتي روحك والعيال معك وفعلا نضت صباح بدلت العيال وفطرتها وبدلت وبعدها روح قال هيا
سامي : تأخرنا هيا
ماما : علي شن
سامي : بنعدو مكان بسرعة بس اطلعوا
ماما : طلعنا وعدينا ووصلنا الشاليات ....قصدك البحر عليك جو
سامي : اها هيا انزلي هاتي قاسم نمسكه
ماما : خليه توا نمسكه أنا
سامي : لا لا رملة توا انا نرفعه
ماما : علي راحتك ....مسكت البنات من ايديهن وعدينا شور شاليه أهلي شفتهم قاعدين وكانوا علي الشط الشباب حتي أهل عادل قعدين قعدت ندور بعيوني علي سمآ
سامي : شفتها ادور فيها انا شفت سمآ علي شط وشباب معشاشين خفت تنفجع منظر تقول في حاجة بس فجأة
~~~~~~~~~~
سمآ : مااماا جيتها نجري
مامآ : فطنتلها عديت نجري سمسم
سمآ : حضنتها بقوة وقعدت نبوس فيها ونبكي
ماما : رأيفت عليك ياماما
سمآ : حتي أنااا
ماما : خلاص بطلي ابكاء ياهبله بيقعد عمرك21 سنة وقعدة تبكي بنزوجك عاد
سمآ : بحتث فيها وضحكت شن عندك عريس
ماما : ههههههههه
سمآ : بحتث في سامي واعيال .....طاح سعدك مصرع كيف اتزوجتي جيتنا ب 3أعيال هابا ياعطيبه تفعلي
سامي : جت العبارة فوذني انحرجت طبست راسي
ماما : عيب ياسخيفه تعالي سلمي