#أنكسراتي_أنا
الحلقة 68
أمال : حبيبتي عادي طبيعي هو بس يحذار فيك عشان تفطني ماتخافيش بس خففي زعل وخوف وتوثر
سمآ : صح ياماما عادي
أمال : عادي نفس ماصارلي في أنس بس دكاترة يديرو ف سريب بس افطني انتي وديري شن قالك بس
سمآ : نجك ليا فرحتيني كنت خايفه
أمال : ماتخافش شوفي أنس راجل ولدك حيطلع هك
سمآ : يارب ادعيلي حبيبتي
أمال : ربي يحفظك ويحميك ويعطيك كل خير ويتمم فرحتك بولدك
سمآ : نجك ليا ماما سلمي علي الشباب وبنات واجد
أمال : يوصل
سمآ : سلام حبيبتي ،،،طوووط.....سكرت وعديت شور مطبخ خاطري في بطاطا خديتها وطلعت نسمع في صوت قدام شقة فجأة الباب قعد يخربش تقول حد بيفتحه ارتعبت عديت نجري جبت مفتاح حطيته من جوا نسمع في دوتهم يحكوا رجالة يحكوا ايطالي رنيت علي أنور ماردش خالوا نفس شي رنيت طول علي صفاء ....الو صفاء ألحقني أنا في الحوش في وحدين قادم الشقة بيفتحوها نرن علي خالوا وأنور مايردوش وسلوي ماحصلتها
صفاء : سلوي جنبي ماتخفش حنرن ع ايمن وانا جايتك توا سكري دار عليك بس ماتخافيش
سمآ : بسرعة ..طوووط .....يارب يارب خشيت لدار سكرتها عليا قعدت نقرأ في أيات اللي تخطر عليا نقراها عشان مانخافش
~~~~~~~~~~~~
أنور : كنا في مطعم العربي نتفرجوا علي مباراة الريال والبرشا وانشجعوا وحط نقالي صامت وأحمد نفس الجو فجأة رن نقال ايمن
أيمن : الو
صفاء : تي وينكم تعالوا بسرعة لحوش انور
أيمن : كنك تعيطي شن في
صفاء : سمآ قالت في واحدين يحاولوا يفتحوا في باب شقتها
أيمن : شن
صفاء : ابسرعة أنا حنقول لجارنا جيمي يعدي معانا بسرعة تعالوا ،،،طوووط
أنور : شن في احكي
ايمن : صبوا في حد يحاول يفتح باب شقتك وسما رنة ع صفاء
أنور : شاطت فيا نار وطلعت نجري
أحمد : صبيت في جرته نجري
أيمن : ركبنا في سيارة وعدينا شور حوش
أنور : بسرعة هيا ..فتحت نقال قعدت نرن علي سمآ بس نقال مقفل طلع .....نقال مقفل طلع شن صار
أحمد : يارب سترك يارب احفظها
أيمن : ماتخافش صفاء حتوصل قبلنا تعرف تصرف وعدت مع جارنا ايطالي شرطي اهدو بس
