خطوة نحو الجحيم 3 ( باللهجة التونسية)

الحلقة 73

الحلقة 73 :
سيلا تحكي :
غزرتلهم كيف مكبشين يدين بعضهم ...سنين و انا معاه ...نحاول نخفف وجيعتوا فالتالي..تجي هي طيحو ..أما ورحمة أمي ...الا ما يكون ليا ..موش سيلا اللي تخسر..أصلا ضحيت بمهنتي فال FBI ...باش يكون ليا ..نعرف هكا اللي للموت.... باش يكون مصيري..خاطر كل عميل يخمم يخرج باش يكون مصيرو هكا ..وقعت الورقة بيدي .. و كانت أجمل حاجة عملتها خاطر ..عرفت أوس ..كنت وقتها خارجة من البيرو متاع الرئيس ..تخبطت فيه.. ملامحو كانت باردة علخر..أما انا لا .. كعبة مريتش كيفو من قبل ..اعتذر و دخل .. وانا خرجت ..سقسيت وراها عرفت اللي هو دزيري .. مع الوقت تعرفنا .. خاطر مدولو المهمة ليه متاع مافيا sanza frontiere ..وعرفت وراها اللي هو دخل للـ FBI على جال خطيبتوا لي قتلوها .. قدمت ليه كثر .. أول مرة جينا هوني لإيطاليا ..باش نفذ المهمة ..اللي فيها اليف توا ..اما انا منجحتش .. خاطر مجذبتش انتباههم ..يحوسوا على وحدة غامضة كيفها .. و انا كان تفكيري الكل مع أوس منجمتش نركز مع مهمتي .. و في إيطاليا تاكدت لي انا منجمش نعيش من غير أوس بن مالك .. الشي لي حفزني كثر ..انو اكا المافيا اللي دخل معاهم ..شافونا برشا مع بعض ..بداو يشكوا بعلاقتنا ...أوس باش يحميني خبرهم اللي أنا حبيبتو.. كان أسعد نهار في حياتي كنا في حفلة متاع نجاح الصفقات متاع المافيا..بعدها جمعنا المعلومات الكل. .سافرت انا للماريكان و هو لدزاير ..اما كان لازم نقدموا للزعماء كثر و هذا لي خلاه يجيب اليف ..من أول لقاء بينا ..عرفت للي انا لازم نفيق ..أصلا حد ما ينجم يقاوم جاذبية أوس.. وزادة هي زين موش نورمال .. خممت مليح مع روحي .. و فالتالي قررت نتخلا على مهمتي ..حياتي وكلشي باش ناخو أوس.. ال FBI متنجمش تمدهولي أما ال sanza frontière تنجم وقت ريت جاد ..حاط عينو على اليف ..عرفت لي هاذي خطوتي ..حكيت معاه و كان معانا مؤيد زادة اللي هو اليد اليمنى متاع السينيور الكبير..خبروا بكلشي بلي موش ألكس اما أوس بن مالك و قايضتوا بأني نكشف حقيقة موت نزار و السطو على فيلا متاع رائد و مراد و اني نديلهم كل القروب اللي خطط مقابل حياة أوس ..اللي شرطو انهم ينفيوه لبلاصة و انا باش نكون معاه ..أصلا حد ماهو راح يعرف لي انا جاسوسة توا.. مستعدة نعمل اي شي مقابل يكون أوس متاعي .. عيطلي مؤيد و خبرني اللي هو باش ينصبلهم فخ في تركيا و هذا اللي خلاني نقولهم بلي التتبع متاع تيليفونو ...يقول للي السينيور باش يكون هونيك.  . و مؤيد عمل روحو يحكي مع السينيور الكبير و بعثلي المكالمة لي سمعتهالهم ..نعرف هكا باز تظلموا معايا .. اما مستحيل نسمح اني نخلي أوس لإليف ..ريت كيف قعد هو و ياها هي من جيهة التاقة و هو قدامها ..كيم وهديل زادة مع بعض .. عيطولي باش نقعد قدامهم أصلا حجزنا من الدرجة الأولى ..أما لا منحبش نكون انا العبد الزايد ..يوم كهو و كلشي باش يكون في بلاصتوا .. هذا اللي لازم يصير ..غمضتاغزر  عينيا نحب الوقت يعدي فيسع ... نفيق كان على حقيقة انوا أوس ليا كهو ..
اليف؛ اغزر لاكا الصغرونة محلاها
أوس؛ ممم تحب تجيبلي صغرونة هكا انتي
اليف؛ أووووس يزززي
جبدتها من خشمها
أوس؛ بووو زينو الحشامة متاعي ..
اليف؛ هههه خليني نكمل الرقاد
أوس؛ اممم صحة ليك عندك واحد كيفي يخليك ترقدي ويبقى فايق خاطرك
اليف؛ ههه عيشو بطلي المتواضع
_____
هديل؛ كييم حبس التفدليك بربي نحب نرقد راني مزال ساعتين و نص
كيم؛ هههه تحب ترقد قتلي
هديل؛ آآآ توا فهمت تحب تردلي الفازة متاع الصباح انتا!!
كيم؛ ماو قتلك نردها
هديل؛ تي بصح انا نوضتك في مصلحتك ر
كيم؛ المهم انك نوضتني
هديل؛ تي شوف اليف كيف راقدة و معنقها زادة موش كيفك نازل فيا تقرص فكتفي طيرتوا من غير شعري اللي طيرتوا بسلامتك
كيم؛ اممم شقولك نوليو للشي أحسن توا
هديل؛ اععع احشمم
كيم؛ اممم باهي ارقد
هديل؛ ههه عامل فيها تغششت ياخي
كيم؛ لا
هديل؛ ههههه تي والله تقول شي طفل صغير راك
باقي ساكت يقرا فالمجلة.. فكيتها من يدو ڨحرلي .. و تلفت...جبدتوا من ذراعو .. غزرلي ..هزيتلوا بحاجبي فازة متاع شنوة ..هد عليا الهامل باسني .. و باقي محبش يبعد ..شوي و جبد روحو يتنفس بالقاوي و أنا زادة ...
أوس؛ الظاهر نسيتوا لي احنا فالطيارة موش ليلة الدخلة 
كيم؛ هههه شنعمل كان منجمش نصبر عليها
هديل؛ تي احشششم
أوس؛ هههه عندك حق صاحبي عيش اللحظة
كيم؛ ههه تربيتك
هديل؛ متحشموش جملة ياخي
أوس و كيم : هههه سمعنا حكاية عليها
قدملوا خاطر هو من الجيهة اللي منهيه ...ضربوا دبزة و ناضوا يضحكوا...تبسمت يبانوا خاوة موش صحاب كهو..اليف غايصة فالنوم .. تبان تاعبة خلاص تي حتى وجهها صفر.. أوس معنقها زادة .. مبين يحبها وهي زادة ..تلفتت لسيلا اللي ورانا ..تشرب فالجي متاع القارص ..و تقرا فالمجلة ..حكيت معاها لكان مليحة دوب حكات و نزلت راسها.. نعرف اللي هي تحب أوس .. أصلا من أول يوم راتوا تضربت فيه ..كنا صحابات فالشرطة .. ولا يوم عجبها واحد ..حتى لؤي اللي كان كيف ظلها ...منجمش  يخليها تحبوا.. نظن توا متغششة خاطر أوس يحب اليف ..أصلا ليها شهر موش قد بعضها دوب نشوفوها ..حطيت راسي على كتف كيم لف يدو عليا و كمل يحكي مع أوس ...
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#خطوة_نحو_الجحيم
#يسرى_أمجوج