خطوة نحو الجحيم 3 ( باللهجة التونسية)

الحلقة 82

الحلقة 82 :
أمير؛ مكانش لازم تحكي معاها فهاذ الموضوع توا ...تي الطفلة معندهاش يومين حاولوا يغتصبوها ..تزيدي تحكيلها هكا
ماريا؛ أمير لازم تعرف هي اصلا كانت تعيط على سراج فالتالي باش تعرف توا ولا مبعد
أمير؛ متزيدوا تحكيولها حتى شي توا باهي ...
سراج؛ أمير مشكرتكش عاللي عملتوا
أمير؛ من وكتاه بيناتنا هاذ الشي
ماريا؛ و توا هي مليحة ؟؟
أمير؛ امم تو يتنحا مفعول متاع البرة تقوم متخلوا حتى طبيب يجيها خطرة خلاف غيري
سراج؛ علاش؟
أمير؛ مفماش ثقة و فحالتها موش اي طبيب ينجم يتعامل معاها راهي في صدمة نفسية أقل شي تزيد تسمعوا توا باش يخليها تدخل فالأفكار متاع الموت و الانتحار
سراج؛ باهي فهمت ماريا
ماريا؛ فهمت يزي من التسوميم يا ولد
أمير؛ باش نمشي توا
سراج؛ تهلا فريرو
أمير؛ تشاو
سراج؛ ماريا عندي خدمة باش نروح رد بالك تحكي معاها لين نرجع باهي
ماريا؛ باهي
.........
سيرين؛ تعرفههاااا !!
أوس؛ سيرين جيب جود و هيا
نحيت الفلاشة هزيتها و خرجت ... صدمة كبيرة صراتلي ..دوب ما راني نمشي فالخطوة..كنت باش نشك انوا وحدة تشبهلها اما لا نفس الغزرة ...كلش نفسوا...فشلت كل هاذ الوقت كانت تكذب ياخي...اما علاش هكا ..و عايلتها اللي ماتت و التبرع متاع الكلية ...كلش طلع كذبة ...تي حتى سلمت في روحها كذب...شنوة كانت غايتها من اكا الشي الكل و الحكاية هاذي ..تطلع كذبة ...ركبت الكرهبة ...غمضت عينيا كلشي صرا بيناتنا تعدا بين عينيا ...لاول مرة جبتها عندي للين تفاهمنا نكملوا للتالي ..حفلة نزار ...وقت اعترفتلي بلي تحبني..النهار اللي عرفت بلي مدتلي كليتها ...كلش كذب ...حلت سيرين الباب ركب جود من التالي ..قفلت الباب و ركبت غزرتلي...خدمت الكرهبة و مشيت ..منيش قادر نحكي حتى حرف ..كل مرة تطلعلي حاجة ...مخي تحرق ..فالتالي كلش كذبة ..منعرش شباش نعمل توا ..شبيني منحبش نصدق اللي هي اللي عملت هذا الكل ...غزرة سيرين تذبحني ... كلش صارلها كنت انا السبب فيه .. نظن هي الخاسر الوحيد فهاذ الشي الكل ..ركيت الكرهبة ...نزلت من غير ما تحكي حتى كلمة ...حلت الباب هزت جود فيدها ..و دخلت ...خدمت الكرهبة باقي نسوق ...تفكيري بعيد نحب نننسى كلشي ... نحب نرجع لفكرة انو اليف باش تكون معايا باش نعيشوا كلشي كيف كيف .. الفيديو هاذا خربطلي الحسابات الكل ... باز تكون خاطيها وحدة تشبهلها لازم نتأكد ..محال نصدق بالسهولة هاذي ...فما شي وراها اكيد ...هزيت التيليفون كلمت هديل ..طلبت منها تعمل تحليل لفيديوا و طابقوا مع فوطو متاع اليف من جيهة التفاصيل يعني المسافة بين العينين ...حجم دائرة االعين ...مقاييس الأنف ...هكا مستحيل ..نغلط ...ركبت الفلاشة في تيليفوني و بعثتهالها ...
........
هديل؛ اليييف لا مستحيل
كيم؛ متأكدة اللي هذا الفيديو اللي بعثهولك ياخي؟؟
هديل؛ كيم متأكدة اما اليييفف لا لازم نتأكدوا
كيم؛ زعما تطلع هي سباب كلشي صرا لأوس و سيرين
هديل؛ كيييم تشك في اليف انتا ماك شفت بلي وصلت تمد كليتها لأوس
كيم؛ باز ملعوب هديل هاي سيلا  سنين نعرفوها فالتالي هاك شفت شعملت
هديل؛  كيم يزي خليني نركز
ركيت الكرهبة قدام البحر...نزلت لين وصلت للشط ...قعدت نغزر تفكرت اكا النهار اللي خبرتها اللي مزالني نحب سيرين .. دموعها و هي تبكي ...غزرتها جامي ننساها ...ضرب في راسي الدوا متاعها واللي هي كانت مريضة نفسية...يعني تكون عملت الشي هذا خاطر مريضة .. اما حتى المريض ميعملش هكا تعدا برشا وقت...يمكن 3 ساعات يمكن اكثر ..فقت من سرحتي ...على صوت تيليفوني ينوقز ..غزرت لقيتوا كيم يطلب فيا ..هزيت عليه ..
كيم؛ وينك توا !!
أوس؛ طلعت هيا !!
كيم؛ ايجا توا للدار
أوس؛*** احكي هيا !؟!!
⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم