خطوة نحو الجحيم 3 ( باللهجة التونسية)

الحلقة 76

الحلقة 76 :
اليف؛ متأكدة اللي هوما فالفيلا هادي ياخي!!
سيلا؛ وي هيا
جبدت سلاحي ..وجدتو
سيلا؛ فاش تعمل !
اليف؛ نحضر السلاح ماكش تشوف ياخي
سيلا؛ تعرف تستعملوا انتي !
اليف؛ بالطبيعة وينهم الرجال و هديل !! اصبر نطلبها
طلبتها باقي يصوني شي ..
اليف؛ متهزش
سيلا؛ شقولك نتسللوا
اليف؛ اما منين
سيلا؛ ايجا
نزلنا من الكرهبة غزرت للفوق فما زوز حراس عالباب .. بعاد علينا ..تبعتها كيف مشات جيهة الحشيش .. بعدتوا بيديها ..غزرتلها مبهمة كيف عرفت بباب هكا ..دخلنا على جاردان كبيرة ..
اليف؛ كيف عرفتي ببلاصة هكا
سيلا؛ حكاية طويلة بالمختصر خطفني من قبل مؤيد وقت كنت كان انا و أوس نفذوا فهاذ المهمة و هربت من هوني
اليف؛ و توا شنعملوا
سيلا؛ ابقا منبطحة فما كاميرات فالحيط اذاكا
اليف؛ نبقاو نزحفوا هكا
سيلا؛ نتأكدوا من الحراس و ندخلوا للفيلا
اليف؛ ششش فما حس جاي جيهتنا
حبسنا بالوقت .. لين راح ..تسللنا ورا الشجر ..حتى وصلنا للحيط ..طليت نشوف لكان فما رجال ..حسيت بحاجة نغزتني في رقبتي ..تلفتت غزرتلها الدوخة دارتلي تركزت فالحيط ..
اليف؛ انن تتي
سيلا؛ مفاااااجأة
طاحت فلرض ..نزلت عندها ..حكمتها من وجهها
سيلا؛ قوم تراه توا ... موش تحب تنقذ أوس ..أوس متاعي افهمها ..
فكيت السلاح من يدها .. وقفت ووجهتوا ليها ...قداش نحب نقتلها ..حط يدو على يدي .. و نحالي السلاح تلفتت نڨحرلوا ...
مؤيد؛ لا عزيزتي
سيلا ؛ وين أوس !
مؤيد؛ مرجعش ؟
سيلا؛ مؤيد موش وقت لعب راهوو بيناتنا صفقة
مؤيد؛ سييييلا ماو تعرفني وقت نقول كلمة منعاودهاش كان عملتلوا شي كنت نقولك
سيلا؛ اففففف وين راح
مؤيد؛ اكيد خدمة من ال FBI خاطر من جيهتنا كلش في يدي
سيلا؛ و جاد موش قلت لهو هوني
مؤيد؛ نو
طلع صبعو يشير للسما
مؤيد؛ اممم جاد صار هونيك
سيلا؛ ىش شتقصصصصد !!!
مؤيد؛ ماات
سيلا؛ مات ولا قتلتوا !!
مؤيد؛ اممم سيلا سيلا تعرفني من الصغرة موش قرينا كيف كيف
سيلا؛ و مبعد
مؤيد؛ و بما انك كيف اختي و تعرف كلش تعرف اللي وقت نحط عيني على حاجة ناخوها و منحب حتى حد يحط عينو عليها
سيلا؛ تقصصد لي
مؤيد؛ اممم حطيت عيني علا اليف من أول مرة شفتها في حفل نزار
سيلا؛ برررربي شفيها الطفلة هاذي حتى الكل يحب عليها
مؤيد؛ اهدا سيلا تعرف اللي أوس كنت باش نقتلوا خاطروا زادة يحب عليها اما عملتلك خاطر
سيلا؛ يعني السينيور الكبير ما يعرف شي عالحكاية هاذي الكل
مؤيد؛ بالطبيعة هاذي أمور تافهة ليه
سيلا؛ اففف باهي و توا
مؤيد؛ باش تبقى هوني و نبعث مساج لأوس من تيليفونك اللي انتي مخطوفة هكا باش يجي و ننكونو ناصبينلوا فخ
سيلا؛ فخ شنوة !!!
مؤيد؛ هه اهدا باش ندوخوه بعدها لازم يتضرب على راسو من التالي ..باش يفقد الذاكرة مؤبد و الباقي نعرفك شاطرة
سيلا؛ ههههههه هامل يطلع منك اه
مؤيد؛ هههه بالطبيعة نردلك الخير
سيلا؛ و هاذي
مؤيد؛ ههه باش نشيخ توا سامحني
سيلا؛  بصحتك شريك 
ضرب يدو في يدي ...ضحكنا...هزها ومشا ..
__________________________
أوس؛  متأكد هوني !!
الحارس؛ اي ملازمش تقرب كثر فما كاميرات
أوس؛ و هي وين بالضبط
الحارس؛ فالقبو متاع القصر
أوس؛ باهي
الحارس؛ باش نروح نشوف لكان القائد متاع الحرس هوني و نشوف الوضع و نعيطلك
أوس؛ وش يضمنلي اللي ماكش تلعب عليا
الحارس؛ معندكش خيار غير هكا
أوس؛ باهي
نزل باقي نتبع فيه بعينيا ..لين دخل ..الليل طاح ..غزرت فالمراية ريت كرهبة كيم ..شعلتلوا الضو باش يحبس هبط ...ركب معايا ..عيطت لواحد من رجالي اللي لورا باش يدي كرهبتوا ..
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#خطوة_نحو_الجحيم
#يسرى_أمجوج