الحلقة 92 :
اليف؛ كيم صافا ؟
كيم؛ صافا حمد الله
اليف؛ الكل مليح
كيم؛ من التالي شتحب ؟
اليف؛ شبيك تحكي هكا ياخي
كيم؛ اليف المالكي وااو مفارقة متوقعناهاش الكل..هاك طلعت من عايلة المافيا و احنا مفيبالناش
اليف؛ كيم فما برشا حوايج تفسرت توا و
كيم؛ و اللعبة وصلت للتالي هاني باش ننصحك توا ..خلي أوس و سيرين يعيشوا حياتهم ..راهم راكحين محلاهم ... ماك وصلت للي تحبي عليه عايلة و نفوذ و كلشي .. خليهم في حالهم .. وزادة و رحمة أمي يا اليف ..كان تطلع في وجهنا موش انا كهو اللي باش نقتلك ..أوس اول واحد يعملها ... من غير ما تشقي روحك ... Game Over
اليف؛ هذا الكل خاطرني من عايلة المالكي !!!
كيم؛ هه مفيبالكش مبينة هاذي او دير في حسابك القضية متوفاش هوني لين نحكموا أدلة على خوك و كل عايلة المالكي ..باش نتشرفوا انا و أوس نحطوكم فالحبس بالواحد
علق عليا ...طاح التيليفون من يدي ...حطيت يدي على فمي ... نحاول نكتم شهقاتي ...هزيت كاس ما شربتوا .. عديت عينيا عالبيت .. نحاول نستوعب اللي سمعتوا توا .. خاطرني من عايلة المالكي ...هكا .. و .. رمشت بزربة منحبش نبكي ...لا محال نكون ضعيفة ..ضرب في راسي الدوا ..قمت من فراشي نجري .. لازم نشربوا ...محال نضعف لا ... نزلت نجري ..حليت الباب و خرجت ..
اليف؛ حل ..حل الباااب فيسسسع
الحارس؛ مدموزال مسيو سراج أمرنا
اليف؛ قتلك حلل
الحارس؛ موش قبل ما نخبروا ..
هزيت راسي ڨحرتلوا ضربة ..طاح على ركايبوا قدموا ،،،الرجال بالوقت ..ڨحرتلهم ...
اليف؛ جربوا ترا قدموا و تشوفوا..
وقفوا يغزرولي .. تكيت عالجهاز تحل الباب ... ڨحرتلوا و خرجت ..نسمة باردة ضربت فيا ..منعرفش مدريد بالقدا ...اما اللي يهمني أني نلقا فارماسي كهو .. قبل ما نضعف.. هزيت راسي وقت حبست كرهبة كحلة قدامي بالوقت ..الغبار طلع ...هزيت راسي غزرت لواحد كي جبد سلاحوا ... ووجهوا ليا .. حبست بالوقت ...دوب ماصاوب ...حسيت بيديه كي حاوطوا وسطي و لف بيا ..هز سلاحو و رما على الخزان متاع ليسونس ...طربقت الكرهبة بالوقت ...جبدني من يدي ..
أمير؛ هيا فيسع
ركبنا الكرهبة طار بيها ... حطيت راسي للتالي ...نستوعب فلي صار توا ... معادش نتفآجأ اكثر ..غمضت عينيا ...تعاود كلام كيم في وذني .. بالحرف و الكلمة ...غصيت ..عضيت شفافي و بلعت ريقي ... هزيت يديا لفيت روحي .. باقي نكبس بظفاري على كتافي ،..بلاكشي وجيعتي تحبس .. ركا الكرهبة بالوقت .. حسيت بيه كي نزل و قفل الباب ..حليت عينيا نغزر للبلاصة .. صال متاع البوكس ..قاعد فوق الكرهبة من القدام ... نزلت قدمت ليه ...قعدت قدامو .. يغزر لتحت و يرحي فالدخان ..
اليف؛ مرسي
تلفت ڨحرلي ڨحرة متاع موت ..
اليف؛ من غير ما تڨحرلي هكا ..خرجت نشري دوايا .. مكنتش ننجم نستنا دقيقة
أمير؛ اليييييييف ما *********** تخرج على ال 00 متاع ليل وحدك .. و في إسبانيا ... شصار كون قتلوك توا ...
اليف؛ كنت باش نتهنى أمير
أمير؛ تتهناي حلك ديما هو الموت كان موش الدوا
اليف؛ المهم منتوجعش
أمير؛ اليف لازم تتعلم تفرغ وجيعتك
اليف؛ هه كتت نفرغلك ليك تتذكر أما انتا رحت كيف نا يعملوا الكل يجي النهار باش نروح انا
جبدني من كتافي جا ..وجهي مع وجهوا ...يتنفس بقوة ..رمشت منحبش نبكي ..
أمير؛ وراس امي يا اليف مكانش بيدي نخليك تتوقع اني سنين و أنا نفركس عليك فالتالي نخليك هكاك خمم .. كان ملحقتش تعرف شكان باش يصير فيا ..
اليف؛ باهي غلطت سامحني و صحيتك توا ميسالش نمشوا نشريو الدوا
أمير؛ باش تنحيه الدوا على هاذي احنا هوني
اليف؛ شمعناها؟
حكم يدي وصل للباب متاع الصالة ... قدم العساس بالوقت حل الباب ..دخلنا ظلمة ..كبشت في يدو كثر...غزرلي و طلعنا الدروج ....شعل ضو خفيف ...قابلني كولوار طويل .. فيه كيس متاع البوكس ...دورت راسي غزرتلوا ..
طلق يدي و راح هز قفازات متاع البوكس ...قدم حطهم في يدي ..
اليف؛ شنوة ؟
أمير؛ ريت الكيس اذاكا هذاك هو حياتك الفاشلة ..اذاكا غلطاتك ..اذاكا ضعفك ..اذاكا الهدرات اللي يوجعوك ..اذاكا الناس اللي حطموك .. فرغ غشك هونيك ..موش تهرب منو ..و تجري للحرابش ...متكونش ضعيفة هكا ..
غزرتلوا فعينيه .. اللي يحكي فيه صحيح ..دايما انا اللي نضعف ... و نبكي ..حكمت عليه القفازات لبستهم ..قدمت لاكا الكيس بديت نضرب ...ضربت ضربت لين تهديت ..جبدت روحي للتالي ناخو فالنفس ..و زدت وليت ..حبست وقت جبدني جيت في حملتوا .،،ظهري على سدرو ..حكم يديا تجرحو ..
اليف؛ سيبني
أمير؛ يكفي
طرشقت بالبكا ...وجيعة موش نورمال ... انو نحب واحد و هو تو مع خطيبتوا .. و كلش يتقلب عليا في ساعة ...لفني ليه و عنقني ...كبشت فيه نبكي ..نحب نرتاح ...نحب معاد نخمم في حتى شي ...
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
تعرفوا اللي فما بنات حافظتهم تالمون ديما يشجعوني متفاعلين معايا .. موش كيف الجماعة اللي تجي تنقط برا لي كومنتار تفشلوا و البروبلام نفس العباد نروح نجي نلقاهم ينقطوا برا دوك باه متلومني حتى وحدة اللي نلقاها تنقط و تقول كملي برا الحلقات بلوك كثرتولها
YOU ARE READING
خطوة نحو الجحيم 3 ( باللهجة التونسية)
Action🔥خطوة نحو الجحيم 🔥3🔥 اكسترا الجزء الثالث 👇: اليف؛ شكون قال بلي يجي النهار و نتواجهوا هكا أوس بن مالك أوس؛ زايد الكلام معاك اليف؛ هه بالطبيعة ماك خذيت اللي تحب عليه أوس؛ ههه تعرف اللي كنت ق*** كيف أي وحدة عديت معاها أي ليلة أما انتي لا شيختني...
