🌹مساء الورد
أكبر تنازل تقدمهُ في حياتك هو أن تتأقلّم على وضع لا يرضيك 💙
مليكة:هاا ايي لالا قصدي ع هذه لج سمره شسمه الولد
سمره:ها اي اي خاله هو اي صح خطية
ايمن:منو هو
مليكة:يمه شبيك تعال تعال اكعد اريد اكلك شي بيت خالتك حيسكنون ويانه
سمره:شو هذه خالتي تحجي دار وجه وكمل مشي
خرب حضي والله مخبل هاي شلون حنعيش وياه
مليكة:الله سترنه ولج لو يدري ع سالفه الدكتور النفساني تجي حالتين طبك مو حاله وحده هو طبيب عادي اكله روح يتخبل يكول ليش شبيه هدور نفساني
سمره:خاله وتالي هذه حيعيش عمره هيج والله انقهر عليه
مليكة:مااعرف يايمه والله مااعرف جنت اتمنى ازوجه وشوف جهاله هسه كلشي مااريد بس ضحكة اشوف ع وجه ومرتاح هاهية داموت بليوم الف موته عليه
سمره:اسم الله خاله الله كريم
تذكرت سرمد كلت اخابره من جهاز امي كمت ادور عليه شفته بلكراج كاعده ويه بيبي وخالتي بلهول ايمن بغرفته اخذت التلفون وصعدت بلغرفه مالتنه سديت الباب ودكيت
سرمد:الو
سمره:الو ها سرمد اني سمره
سرمد:هلو حبيبتي شلونج هاي امج صدك سوته
سمره:اي والله سوته هاهيه قررت باجر تجيب النقل مال شمة وسنان
سرمد:لعد بهلحاله شلون اشوفج
سمره:مااعرف
سرمد:هيه متقبل اذا كتيله تجين تشوفين خواتي
سمره:متقبل تدري امك مطيقني
سرمد:مو جاي اكلج نتزوج ونخلي امي كدام الامر الواقع
سمره:تذبحني امي والله
سرمد:لعد شلوووون شلون
طبعا انتي متحبيني
سمره:احبك والله شلون هيج تكول
سرمد:لعد سمعي كلامي
سمره:ميصير سرمد شلون هيج نسوي اذا انته ولد اني بنية
سرمد:لج شنو ولد وبنية حتصيرين مسؤوله مني بعد منو يوصلج
سمره:اخاف والله اخاف يمه عززززه اتخيل امي تعرف متلحك عليه والله
سرمد:لعد شنسوي
اني اعرفج جبانة وميطبع منج شي
سمره:روح بعدين نتخابر اخاف تجي امي
سديته واخذت نفس ورحت فتحت الباب شفت هدوء كلت اييي حمدالله طلعت وحسيت ايدي نجرت حيل رادت تنكسر باوعت ايمن يمه روحي ماعت كلت سمع شي
ايمن:شجنتي تسوين ويامن تحجين
سمره:مو ويه احد هد ايدي
