بعضهم : خااب فيهم الظن💔
و البعض الآخــر : اجمل بكثير مما كنا نظن..!❤️🌸
ايمن:جيبي بنتج وتعالي يم بيبي جوة الحجي يصير كدامهه
ابتهال:بس كلي شمصخمه
ايمن:هسه ننزل جوة وتعرفين
سحلت سمره من جتفه جانت لابسه بدي تراك ونزلت بيبي وامي من شافوهه ظلن يلطمن لان دم من راسه شمرته بلهول وصحت ع سنان وشمه يطبون بلغرفه وهمه يخافون مني طبو ركض وسدو الباب
عيطه وحده عطت عليه كتله احجي كامت تحجي وتبجي وتشهك بيبي متحملت خطيه لزمت كلبه وكعدت ع التخم خفنه عليه خالتي هجمت عليه ملختهه امي ظلت تضرب ع وجه وتكول نفضحنه لحظه صفنت ع سمره وخالتي شلون جانت تضربه وتبجي وهيه مستسلمه جوه ايده شي بداخلي رادهه ردت احميهه حنيت عليه ركضت سحبته ورايه وهيه مثل الخاوية ماعدهه قوه خليته وره ظهري وكتلهم كافي انتو عرفتو السالفه واخذت جزاءهه وكالت مو اني هو ذاك الحقير
ابتهال:وين انطي وجهي كلولي شسوي ربك ستر الف الحمدالله يربي محبلت همزين والله رحم بحالي شسوي هسه دبروني يمه شسوي
الحجية:ايمن حبيبي تعال
ايمن:بيبي ع كيفج ويه صحتج تره هو جان زوجه صح هيه غلطت بس نكول مسوت حرام
الحجية:ابني اذا عندي خاطر يمك وتحبني اريد اطلب منك طلب
ايمن:شنو بيبي كولي
الحجية:تزوج سمره
تستر علينه هاي عرضك منريد فضايح
ايمن:شنو لا مستحيل تردون تذبوهه براسي شنو انسي
عفته وصعدت للغرفه سديت الباب وراسي حينفجر افكر بيه صدك يعني اتزوج اني ويني وين الزواج هو اني روحي مداري بيه
سمره:جسمي يون عليه وجع براسي فضيع خالتي ضمدتلي الجرح مو جبير بس عميق بحافة الجربايه وكتل امي كسرت جسمي
من شفت بيبي تكرل ل ايمن تزوجه تهستر عيونه صارن حمر و وجه عبالك يريد ينفجر من العصبيه بكلبي كلت حقه هو اني صرت عار منو يقبل بيه
عافنه وصعد كعدت امي دك وتلطم وخالتي تهدي بيه وشكد غلطت ع سرمد شكد سبته وسبت اهله اني ظليت كاعده بلزاويه بلهول مااحجي باوعت تراكسودي من جره ايمن الصدر جولك كلت اروح ابدل طبيت للغرفه نزعته لبست دشداشه ساده بس مخصره ع الجسم لونه تركوازي وبيه نقشه من يم الصدر بس ونص ردن عدلت راسي لميت شعري وطلعت شفت ايمن نازل من فوك ضل صافن بوجهي
الان كتله والله جبرني وكمت ابجي
ايمن:مكدرت ابقه فوك كلت خل انزل انقهرت عليه من ضربه راسه نزلت وشفته هستوه طلعت لابسه دشداشه ول اول مره اباوع الهه بهاي النظره سمره حلوه ولون الدشداشه والفصال شلون لايكله طالعه تخبل من شفته حجت وبجت انقهرت عليه كتله سكتي كافي لتبجين اني احلهه
سمره:شلون يعني
ايمن:يعني الجمعه تحضري نروح للكاظم نعقد
