احيانا لا تحتاج لمن يعطيك مظلة تقيك المطر إنما تحتاج لمن يبتل معك، لان مساحة الشعور تفوق مساحة العطاء .🌸⭐️
يوم الخميس واكف ايمن وباله اهواي امور افكار مخربطه وقلق هو حيروح وحده بهذه اليوم المفروض ابويه وياي ياسر وياي ليش هيج الدنيه حقيره لا اب ولا اخ لو مهما اكون بهيج موقف اضعف نزلت دمعته بس تلافه الموقف ومسح الدمعه وهو يسمع صوت الهلاهل الي كان مصدره امه مليكة
امه الي ضحت ودضحي علموده الي تنتضر منه كلمه او ابتسامه حته ترجعله الحياه من جديد امه حاله حال اي ام عراقيه لاحت كلبه اللعنه الي لاحت اكثر الامهات العراقيات وهيه فقدان الابن والزوج والحبيب والملاذ الامن وتبقه صابره وقويه....
مليكة:صلوات ع محمد وال محمد يانور عيني ربي يحرسك ويحفظك وشوف جهالك يايمه
ايمن:رجعنه يوم هسه انزع وبطل مااروح كتلج كافي فدوه سدي هلسالفه البنيه بمكان واني بمكان لتحاولين
مليكة:دروح هسه وتعال وباجر خل نعقد والله كريم
ايمن:رحت لعمام سمره اول مطبيت سلمت ع الكاعدين وكعدت حجيت
الله بلخير يابه اني جايكم وانتو تعرفوني شاءت الظروف ميكون الي اب او اخ خوال ماعندي وانتو تعرفون عمامي من بعد الحادث الصار تقريبا حته مااعرف عنهم شي ولا يعرفوني اني جايكم وحدي وطالب ايد سمره منكم بنت خالتي اني اوله بيه
حسيتهم ممتمسكيت بيه ورحبو بلشغله وكالو كبع واخذ وكمنه نسولف موضوع يجر موضوع لحد ما ترخصت منهم وطلعت تمشيت ع الشارع العام باوعت ع الناس ع الشباب جريت نفس وتمشيت واني افكر شصرف زواج يعني مسؤوليه ياترى اني كدهه لو لا ظليت امشي لحد متعبت اجرت تكسي ورجعت للبيت
سمره:امي كاعده ع نار كل شويه تكول اني شجاني مرحت وياه شلون خليته وحده
الحجية:وانتي شنو زلمه وياخذج
ابتهال:ليش يمه شبيه اني جنتهم من يشوفوني يتغير الوضع
الحجية:هاي مو شغلتج اريدكم من اليوم ترتبون وتعزلون مااريد نطول بلسالفه اريد بساع يتزوجون
ابتهال:شنسوي يحسره اذا الولد مصر مينامون بغرفه وحدة
الحجية؛احنه منمشي بكيفه افتهمتي فتحي عقلج شويه البنيه اذا صارت كدامه وبنفس الغرفه وهيه حلاله حيتغير بس اذا بعدتيهه كلشي مراح يصير ونهاية بنتج تطلك
ابتهال:هااا والله يمه انتي مصيبة
الحجية:ولي من يمي يله روحي سوي الكتلج عليه الغرفه الجبيره الفوك الهم صعدو يله فرغوهه طلعو الغراض خلوهن بغرفته القديمه ونظفو الغرفه يله
سمره:صعدنه كلنه للغرفه هاي الجبيره بيبي مسويته مخزن كلش جبيره هيه بدينه نطلع بلغراض هلكنه امي كالت نص هلغراض خل نشمرهن زباله قديمات كلش وصدك نخبصنه ع النص وسمعت صوته كلبي رجف غمضت عيني وحجيت ويه نفسي شبيج سمره ثبتي ركزي ركزي ركزي اشغلي اول مفتحت عيني ذبيت المكناسه وطلعت ركض نزلت وشفته كاعد ويه بيبي
