يسعد مساالغالين🌹❤️😍
لَمْ يَعُدْ يَهُمّني كيفَ تَجْري الرِّياحُ
لأنّني بِعْتُ السَّفينةَ وَمَنْ فيها !!
سمره:سويت صينية مثل مكالت امي الي عرفته هن اثنين رتبته واخذته ورحت للهول باوعت بلمرايه مال البوفيه شفت مابيه شي ودكيت باب الاستقبال وفتحته طبيت شفت نسوان اثنين كاعدات وحده جبيره بلعمر و وحده بكصت امي وخالتي هن شافني وكامن يصلن ع محمد وال محمد
ابتهال:تعالي يمه سمره تعالي
سمره:مشيت الهن قدمت الضيافه جان تدنه العجوز وكلتلي تعالي هنا طبطبت ع التخم بينه وبين المره الثانيه اني هم رحت كعدت كصتني كص من فوك ليجوة كعدت وهن ظلن يسولفن بعدين جان تحجي المراه الجبيره كالت حفيدي علي ذاك الشاب طول وجسم وجمال وشاغول الف وحده تتمناه واحنه شكد جبناله بنات كلبه مهواهن بس هو اليوم شاف بنتكم الصبح واجه كال بنيه رزنه ومؤدبه وطلب نجي نفتح الموضوع وياكم ونعرف رايكم البنيه عجبت الولد واحنه جينه من الباب وشارين وشتردون حاضرين
ابتهال:يا يمه صلوات حجيه تكبعين وتاخذين صدك جذب
مليكة:اوكفي ابتهال
حجيه والله انتو ع الراس صار سنين نعرفكم وتعرفونه بس احنه نعرفكم كنسوان لازم تنطونه مهله نسال ع الولد لان تعرفين شباب هلايام
المراه:اي حقكم ابنه كامل مكمل والكمال لله حته بيته وحده وهو الولد شاريهه مااكلج شسوه من الصبح لحد مااجيناكم شلشنه شلش شوكت ترحون وشوكت تحجون بس لا طولون علينه حبيبة اني اريد افرح بي
ابتهال:لا ان شاء الله منطول يومين تلاثه بس نسال
مليكة:اسبوع حجيه اسبوع علما نستشير عمامهه ونسال ويصير خير
سمره:اني كاعده اسمع والدنيه تفتر بيه شنو اتزوج شلوون واني سرمد كسرني وعافني شسوي وين انطي وجهي هاي امي مستقتله لو بيدهه هسه تلبسني عباتي ودزني وياهم خالتي دتلزم بيه كوه شسوي يربي الحل يارب شلون شدعي عليك ياسرمد شدعي والله لو الدعه يفيد لدعيت عليك الليل ويه النهار
بس ميفيد راحن النسوان وخالتي استلمت امي
مليكة:انتي شبيج تخبلتي ترخصين بنتج بدال متكعدين تشرطين وتحجين تخليله قيمه ترخصين بيه هيج تالي وياج
ابتهال:ولد ذهب ميتفوت ليش انتي مو تعرفي علي مو جان صديق ولدج الله يرحمة ياسر جانو اصدقاء وايمن هم يعرفه بعد شكو تخلين عكده بلمنشار
مليكة:مو اخلي عقده بلمنشار بس يسترخصوهه بهيج اسلوب واذا همه من الناس الي تحب المظاهر والفخفخه يعيروهه باجر عكبه ع ابو امج مصدكت تنطينه
سمره:اني ماازوج سمعتو ماازوج لو ع كص ركبتي
مليكة:هاج استلمي وجماله البنية مراضيه
