يسعد مساكم بكل خير اعزائي🌹🥰
كل شي سيأتيك عندما تفقد لهفتك👌حين يموت داخلك و تعيش دون أن تنتظر شيئا
مليكة:اكول ايمن متعرف شخبار هاجر
ايمن:شذكرج بيه
مليكة:مااعرف جتي ع بالي
ايمن:مااعرف هيه ملت اخر شي ظلت تتصل ومن شافتني هيج عافتني لو رادت تبقه جان بقت بس اظاهر حبه الي مو مثل مجانت تكول
مليكة:لا يمة انته قسيت عليه نسيت صياحك وتركت الدوام شتريد البنية تسوي عجزت وياك
تتوقع تزوجت
ايمن:تزوجت؟؟
تتوقعين!!
الله يسهل امورهه ويسعدهه
رجعتني امي لحبي لهاجر حبيبتي تعرفت عليه مرحله اولى بلجامعه جانت طفلتي اعتبرهه بريئه ناعمه خجولة حبيته كلش اتذكر من ردت اعترفله نشلع كلبي متوكف وحدهه وتطلع ركض للبيت ومرتين كتله من رخصتج بس احجي وياج عافتني وراحت بعد متحول وجه للون الاحمر من الخجل شلعت قلبي لحد مادزيت ع صديقته وحجيت وياهه راحت وره مده حاجتني وكالت هيه تخجل ومتكدر تحاجيك كتله نتعرف بلتلفون ماامشي وياهه بلجامعه ولا احرجة بس خل تنطيني فرصه وبعد شلعان كلب لمده ٤ اشهر قتنعت ونطتني رقمهه جنت طاير طبعا اني ويه اهلي كلشي احجي جنت خابصهم اكلهم اليوم شفته واليوم هيج جانت طالعه ابويه الله يرحمة جان يضحك يكلي لتصير خفيف تخرج واخطبه جنت اكله اني احب اتزوج عن حب اريد احبه وتحبني واخطبه
لحد مفديوم حجيت ويه صديقته كالت هذه رقمه وهيه قبلت بس تكول خل يدزمسج ليخابر استحي احجي وياه وصدك كمنه نتراسل مسجات اقل اسبوعين واتصلت ردت عليه اول مفتحت خط
كتله اشتعلو اهلج وعشيرتج ع هلدكة حركتيني حرك
هيه ضحكت واخذت كلبي وعقلي تعلقت بيه كلش وهيه جانت كلش فقيره مو من ذني البنات الملعبات جانت اذا تشوفني بلجامعه تغير الطريق تكول اخاف انفضح وتصير سمعتي موخوش ابد محجت وياهه وجه لوجه مره بلكافتريا جانت تشتري وصرت وراهه بس اندارت شافتني اصفرت ههههه باوعت بعجيني رفعت تك حاجب وعيني بعينه وهمست احبج عافتني وراحت واني اضحك ابوية جان يلح يكلي نروح نخطبه بس اني جنت طالب ماعندي شغل كتله خل اتخرج مقبل كال نحجي بيه بس بنت الناس مو لعبة وصدك رحنه عليهم والناس رحبت بينه وابوهه جان خوش رجال اخوته والنعم منهم طلبنه ايدهه وقبلو وجان المفروض محددين موعد للخطبه كنله نخطب بس وره التخرج نتزوج بس للاسف صار الحادث ويانه وخسرت ابويه واخوية مظل الي احد لا سند ولا شي بقيت وحدي امي كلش قويه رغم الي صار مضعفت صح تغيرت وكبرت بهلسنتين ضعف عمرهه بس بعدهه قويه واكفه وياي وتريد تخليني اعيش بس اني رافض معيش روحي بعالم خاص حته اكدر اتناسه المي
هاجر شكد حاولت تخابر تتوسل اتذكر جانت تتصل ماارد امي تفتح خط وسبيكر واسمع بجيهه وتتوسل بيه وتكلي منتظرتك جنت اخلي ايدي ع اذني واصيح حته لا اسمع
حته خجلهه راح كامت من تخابر كدام امي تظل تكلي حبيبي لخاطري ولخاطر امك خطيه منطيته مجال
من تذكرته امي بعد هلسنتين شرجعتلي ذكريات شكد مشتاقله معقوله صدك تزوجت هيه هسه تخرجت معقوله نست وتزوجت اني ليش عفته ليش هيج سويت
