مساء الخير....
مع الاسف مااعرف ليش التفاعل وية القصه زفت هذه اخر بارت بعد مااضغط ع روحي ضجت من القصه ع وقتي وفراغي انشر شكرا للي تابع واهتم ❤️🌹
🤛و يبقى السؤال الاخير : هل سنعيش الحياة التي نريدها
يوماً ما . .💔
#ايمن ☝🏻
ايمن:باجر اروح لعمامي اصلا البسهم الغلط هيه الي ندكت بيه وهاي الرسايل موجودات وتثبت .....
سمره:احسب حسابك لو اني لو هيه
ماطول وصلت بيه الجرئه تحجي ل اخوته يعني هاي متريد تعوفك مجلبه بيك وكله منك انته السبب انته نطيته مجال وظليت تسولف وياهه بلتلفون حبجيات لك انته شنو انته دمرتني وكعدت ليش مطلكني طلكني انته مو متشرف بيه واني عار سترت عليه يله طلكني وعيش حياتك
ايمن:سمره امشي من وجهي تره كوه متحمل لتنرفزيني
مليكة:شكو شبيكم ليش صوتكم عالي بيبيتكم نايمة شبيكم
سمره:ابنج المصون مدري شداز لذيج الساقطه من رسايل ورايحة كايله ل اهله مدري همه شايفيهن ومخابره اخوهه يكله لو تزوجه لو نسويه عشاير وتجيب عمامك
مليكة:يبوووو صخام الصخم ياايمن
ايمن:اكلج شو انتي السانج طولان اني صوجي كبرت راسج شو تعالي
صار عليه ضغط مااعرف شلون جريته من شعرهه وظليت اضربه راشديات واحجي
شايفه بعد اذا تجاوزتي لو غلطتي السانج اكصه ادبسز
شمرته بلكاع ونداريت ع امي كتله علميهه خل تتادب
سمره:ضليت اباوع عليه بحقد فوك شينه كواة عينه بسيطه ياايمن عبالك تذلني وابقه
مليكة:سمره هسه ليش تحجين سكتي يمه خل نشوفه وين تصفه
سمره:لا مااسكت اني اعرف تاليته حيذبوهه براسه وحيزوجة
واني مااقبل بهلذله مااتحمل شلون اتحمل يتزوج عليه دتفهميني خالتي احبة والله احبة مااااكدر
مليكة:استغفرالله ربي مو اني عرفت وطردته اااخ بس لو اعرف شلون وصلتله شلون
ايمن:صعدت بلغرفه اهدي بروحي وحسبه تاخذني وحسبه توديني هاي صدك اخاف يذبوهه براسي قررت ثاني يوم اروح لعمامي بحديثه
حديثة الي مطبيتله صار ٣سنين كارهه وكاره طريقه حته الناس الي بيه الي همه عمامي وبيت جدي كارهم بس لازم اروح مو مال اروح لبيت هاجر وحدي
سمره:بيومه مصعدت لغرفتي بقيت جوه يم خالتي وبيبي هن غرفتهن سوه منمت كل شويه هسه اكول حيجي يصالحني ماكو منزل لحد ماايست ونمت
