بسم الله...الفصل الثانى
..
.....
...
قصر الصعيدى صباحا......
...
...
يجلس جميع أفراد العائلة لتناول الفطور وتترأس ليلة الطاولة وتمسك بقطعة خبز صغيرة وتقوم بوضع قليل من مربى الفراولة فوقها وتنظر لأسر وتقول...
ليلة..أسر
أسر..نعم
ليلة..رجليك لو عتبت باب النايت كلب دا تانى متلومش إلا نفسك
يبتلع أسر لعابة بصعوبة ويقول. .
أسر..حاضر
ليلة..ولو شوفتك مع ابن أحمد اوغلو تانى متلومش إلا نفسك
أسر...بس عثمان صاح
ويبتر كلامة بعدما ضربت ليلة الطاولة بايديها غضبا وقالت..
ليلة..ومن امتى بقول الكلمة مرتين
أسر..حاضر
ليلة..ومتبقاش تروح مع اى واحدة بيتها دا غلط على صحتك
ليشعر أسر بالحرج الشديد من معرفة والدتة بما يفعلة خفية ويقول
أسر..بعتذر آسف يا ليلة حاضر
ليلة ..تمام ..اتمنى انك تنفذ كل ال لا قولتلك علية عشان متندمش بعد كدة
أسر..حاضر
يوسف..المفروض كنتى اشتغلتى مخابرات يا ليلة
ليلة..حضرتك لما عرفت بعاميل البية عملت اية
يوسف يحرج..معلش يا لولا عندى انا المرة دى
ليلة بغضب ..المرة دى انا هعدى الموضوع بمزاجى واة متنساش يا يوسف بية تبقى تغير السكرتيرة اللى بتتجسس عليك ونقلت أسرار الصفقة الجديدة لأحمد اوغلو
يوسف..نعم..انتى بتعرفى الحاجات دى ازاى
يونس ..دى ليلة الصعيدى يابنى ..والله يتخاف منك يا لولا
ليلة ..هههههههههه يتخاف منى فعلا اة صحيح يا دكتور يا محترم...ابقى خلى بالك وراجع حسابات المستشفى بنفسك هتلاقى فى عجز
يونس بصدمة ..نعم...وانتى عرفتى منين
ليلة..ههههههههههه انت نسيت انا مين ..غير المحاسبين يا يونس
يونس..حاضر
ليلة..عهد
عهد بقلق..والنعمة ما عملت حاجة
ليلة..هههههههههه عارفة انك معملتيش بس الفيزا بتاعتك مش هيتحولك فيها فلوس غير مرة ف الشهر إنما نظام كل أسبوع دا انسية فاهم يا يوسف
يوسف ..حاضر
ليلة ..الكلام للكل..بكرة احنا مسافرين مصر عشان فرح إقدام اخويا ولو حصلت غلطة واحدة بس هناك صدقوني هنسى أنكم بقيتو رجالة وهربيكو من أول وجديد فاهمين
الجميع ..فاهمين
ليلة..عهد..هدومك تبقى محتشمة احنا رايحين الصعيد يعنى الفستان الجديد اللى جبتية امبارح متحلميش انك تلبيسة اصلا
يوسف انت المسئول قدامى عن اى غلطة بما انك الكبير ونفس الكلام ليك يا يونس وأسر اتمنى انى مقتلكش وادفنك هناك كلامى واضح للكل
يوسف ..تمام يا ليله متقلقيش
ليلة ..انا فى الاسطبل ولو وراكو شغل اتفضلو خلصوة وانا مش جاية الشركة النهاردة واستعدو للسفر بكرة
وقالت ليلة آخر كلماتها وتركتهم وذهبت للاسطبل
عهد..يانهار مش فايت ودى سفرية ولا حرب
أسر..اتلمى لحسن تكون سامعانا
يونس..ربنا يستر من اللى جاى
يوسف ..أنت بتقول فيها لو فى غلطة بس حصلت هناك أمك هتشلوحنا ربنا معانا يلا قومو كل واحد يخلص اللى وراة
الجميع..تمام
........
............صلوعلى الحبيب..........
......
..........منى الاسيوطى..........
....
.....
فى ثريا الهوارى...
أتى يوم الحناء سريعا والكل يعمل على قدم وساق استعداد لحفل زفاف حفيد هوارة وتم ذبح الذبائح بأمر من عبد القادر الهوارى...
فى قاعة الضيوف (المندرة )
يجلس عبد القادر وهو يستند على عصاة ويتجادل مع ابنة أحمد...
عبد القادر..بكفاية عاد ياولدى
أحمد بغضب..بكفاية اية يابوى مش حرام الفلوسات دى تترمى اكدة على الارض
عبد القادر..فلوس اية اللى اترمت على الأرض دا فرح ولدك الوحيد وبعدين انت ناسى دا فرح مين افكرك انا دا فرح إقدام أحمد عبد القادر الهوارى حفيدى احنا أعيان البلد وبكفايةكلام ماسخ متضحكش علينا الخلق
أحمد ..كيف يابوى دا...
ويبتر كلماتة عندما ضرب عبدالقادر الأرض بعصاة وقال. .
عبد القادر. ..جولت خلاص
ويصمت أحمد عندما رأى اختة الصغرى وهى والدة العروس تدلف للقاعة بجوارها ابنتها العروس وحفيدتها اليتيمة وهى تدعى سارة (سارة بقى ليها حكاية معانا نعرفها بعدين)
تنحنى ثريا وتقبل يد والدها وتقول...
ثريا..كيفك يابوى
عبدالقادر..زين يابتى. .كيفك يا هنا
هنا..بخير ياجدى
عبد القادر..ناجصك حاجة يابتى
هنا..لاه يا جدى امى جابتلى كل اللى انا عاوزاة
عبد القادر..ربنا يهنيكى يا بتى. ..كيفك يا سارة
سارة بخوف من نظرات أحمد لها...ب بخير
عبد القادر..مش هتسلمى عليا
سارة بخوف..ح حاضر ياجدى
وتذهب سارة بخطوات بطيئة وتنحنى تقبل يد جدها وتقول..
سارة ..ازيك يا جدى
عبد القادر. ..بخير يا جلب جدك هاااا جوليلى خلصتى الثانوية ولا لسة
ثريا ببسمة. ..طبعا يابوى وطلعت من الأوائل
عبد القادر بسعادة...طمنينى بجى جبتى مجموع كام
سارة ..جبت 98%ياجدى
عبد القادر بفرحة عارمة..النهاردة الفرحة اتنين جوليلى هتدخلى جامعة اية. .
أحمد بغضب. .واااااه جامعة اية يابوى داانا اكسر رجليها لو فكرت تخطى برة البيت
عبد القادر. .اجفل خاشمك يا احمد مالكش صالح بسارة
أحمد ..أنت خابر يا بوى انى مهحبش البت دى
عبد القادر..جولت أخرس وأخرج شوف وراك اية يالا
أحمد بنظرة حقد...ماشى ...ماشى يا سارة
ويخرج أحمد من الغرفة وهو غاضب من حفيدة اختة
عبد القادر...ثريا
ثريا..نعم يابوى
عبد القادر..بكرة هتلاقى فى حسابك فى البنك عشرين الف جنيه دول هدية نجاح حبيبة جدها وانتى يا سارة شوفى الكلية اللى انتى عاوزاها وانا هتكلف بكل تكاليف الجامعة
ثريا بسعادة..ربنا يخليك لينا يا بوى
سارة..ربنا يخليك ياجدى
عبد القادر..يلا همتكم عاد النهاردة الحنة وعاوز أشوف ليلة تفرح جلبى
ازيك ياعمتى ...
قال تلك الجملة إقدام وهو يدلف للداخل
ثريا مقبلة إياه من وجنتية قائلة ..
ثريا..اهلا بالغالى. .كيفك يا عريس
إقدام. .الحمد لله ياعمتى..ازيك يا هنا
هنا بخجل..الحمد لله بخير
(نسيت اعرفكم بهنا. .هنا فتاة محجبة حاصلة على بكالوريوس تجارة صاحبة الشعر البنى القانى والعيون البندقية والبشرة الخمرية وتتميز بتلك الغمازات التى تظهر عندما تبتسم )
إقدام. .ازيك يا سارة
سارة..بخير يا خالى
إقدام...يابت بلاش خالى دى متكبرنيش
سارة..هههههههههههه لية بس داانت احلى خالو فى الدنيا
إقدام. ..هههههههههههه اة يابكاشة ماشى عملتى اية فى الامتحانات
سارة..داسؤال برضة يا خال جبت 98%
إقدام..اة يا دحيحة والله برافو عليكى عاوزة اية هدية نجاحك
سارة ..مش عاوزة حاجة
إقدام..انا بسالك لية اصلا ...بس اقولك اول اجازة اخدها هوديكى انتى وهنا تركيا
سارة بسعادة..أحلف
إقدام..ههههههههه بص البت مش كانت مش عايزة حاجة
سارة بمزاح. ....قلبك ابيض يا خال دى تركيا برضة
إقدام. ..ههههههههه ماشى يابكاشة
عبد القادر..يلا كلها ساعات والضيوف هتوصل روحى يا ثريا وخدى البنات عند الحريم
سارة..بعد إذنك ياجدو هقعد فى الجنينة اللى ورا
عبد القادر...براحتك ياست البنات
ثريا..بعد إذنك يابوى
عبدالقادر...روحو يلا
......
..........
..............اذكرو الله.............
.....
.......
قصر الصعيدى مساء. ......
......
تجلس ليلة فى بهو القصر وتقرأ إحدى الروايات الرومانسية ويقاطع صفو لحظاتها دلوف الأبناء الأربعة سويا وهم يتمازحون ...
ليلة..حمدلله على السلامة
يوسف مقبل جبهتها قائلا...الله يسلمك يا لولا
يونس..قاعدة كدة لية
ليلة..مفيش كنت بتسلى يلا اتعشو واطلعو حضرو شنطكم لأن هنسافر الساعة عشرة الصبح
عهد..اية دا مش هتاكلى معانا
ليلة..سبقتكم يلا تصبحو على خير
الجميع..وانتى من اهلة
......
..........
........
..........شفيعى يا محمد................
ثريا الهوارى مساء....
ضجيج يعج بالمكان بسبب تلك النغمات المرتفعة الصوت ورقص بعض الرجال بالعصا وبمجلس يجتمع بة أعيان الصعيد يجلس عبد القادر يتلقى المباركات من أجل زفاف حفيدة ويحضر إحدى الحرس الخاصين بالمنزل وهو يدعى رحيم..
رحيم..سيدى عبد القادر
عبد القادر..فى اية يا رحيم
رحيم..احنا خلصنا وحطينا الوكل لأهل البلد كلهم
عبد القادر...زين ادخل حط الوكل فى المندرة لكبارات البلد
رحيم..حاضر ياسيدى
.....
.........
.............
نهاية الفصل الثانى
مجنونة قلم
منى مصطفي الاسيوطى
.......
انتظروني فى الحلقة الثالثة ومفاجأة حضور ليلة للصعيد يا ترى أي هيحصل بكرة
