بسم الله. .الفصل الحادى عشر....
.......
.........
......
...........
قبل عقد القران بساعات...منزل مصطفي. ..
صوت تحطم الزجاج بالمطبخ فهرولت مجدة إلى المطبخ وتقول..
مجدة ..واااة فى اية
جويرية بتوتر..معلش يا خيتى الكوباية اتكسرت
مجدة..مالك ياخيتى خايفة لية
جويرية. .هما مستعجلين لية على كتب الكتاب
مجدة. .ومالة ياخيتى سيدى عبد القادر عاوز يفرح واحنا كمان نفرح وربنا يهنيكى ويسعدك
جويرية. .طب هما هيعملو فرح مش اكدة
مجدة..اكيد دول أسياد البلد وبعدين انا سمعت من الناس أنهم كانو عايشين فى بلاد برة
جويرية. .ايوا مصطفى جالى أنهم عنديهم بيت كبير فى تركيا
مجدة. .ربنا يسعدك ويفرح جلبك ياست البنات يلا روحى اجهزى عشان الناس جربت تيجى
جويرية..طب انا هلبس اية ..انى معنديش حاجة تنفع تتلبس
مجدة بصدمة..يا حزنى كيف نسينا انك عايزة خلجات جديدة انا هروح اتصل بمصطفى واخلية يجى بسرعة يجبلك فستان
جويرية. .لاة ياخيتى بكفاية مصاريف اكدة وانا هلبس اى حاجة
مجدة..جولت لاة. .اطلعى اتسبحى وانا هكلم مصطفى
وخرجت مجدة وكانت متجهة إلى غرفتها لكى تحدث مصطفي عبر الهاتف ولاكنها توقفت عندما استمعت لصوت طرق على باب المنزل فقامت بفتح الباب وتفاجأت بليلة وعهد وسارة ويونس
مجدة بترحيب..اهلا وسهلا ازيك يا بية
يونس..هو اية موضوع بية فى البيت دا ما علينا مصطفي هنا
مجدة بارتباك..ل لاء بس هتصل بية يجى حالا
يونس..لاء سيبية ونتقابل كمان ساعتين..بس انا كنت جايب فستان لجويرية وشوية حاجات تانية ..اة احب اقدملك ليلة الهوارى امى
مجدة ..واااة خابرها اتفضلى ياست الناس
ليلة..شكرا ليكى ممكن تقوليلى ليلة ودى عهد بنتى وسارة مرات ابنى يوسف
مجدة..اتفضلو نورتو يا مرحب يا مرحب
يونس..طب همشى انا وهجيلكم كمان ساعتين
ليلة..ماشى
مجدة..اتفضلو
ليلة..شكرا
دلفت ليلة وعهد وسارة وجلسو بغرفة الضيوف وقالت ليلة
ليلة..امال عروستنا فين
مجدة..هناديها حالا ثوانى وهعاود
ليلة..براحتك اتفضلى
خرجت مجدة وقالت عهد
عهد..عارفة يا لولا برغم أن البيت بسيط بس ارتحت اول لما دخلت حسيت بدفى العيلة فية
ليلة..تعرفى أن البيوت اللى من طين دى مفيش احلى منها
سارة..معاكى حق يا ليلة فيها ريحة حلوة وراحة نفسية كبيرة
ويقطع حديثهم دلوف جويرية ومجدة
مجدة..تعالى ياخيتى سلمى على حماتك وصبيتك وسلفتك
عهد..مين دول
ليلة..ههههههههههه انتهى الكلام دا يا ام زياد بصى يا جورى دى عهد بنتى وزى أختك يعنى تقوليلها عهد بس وسارة كمان تقولى سارة بس..أما انا فتقوليلى يا ليلة او لولا مش عايزة اسمع منك كلمة حماتى او طنط
جويرية ..واااة كيف دا لا ميصحش
ليلة..وبعدين معاكى بقى اسمعى الكلام
جويرية بخجل ..حاضر
ليلة. .اتفضلى يا ام زياد دا فستان ليكى عشان تحضرى بية كتب الكتاب ودى بقية الاكسسوارات بتاعت الطقم
مجدة بخجل..لية اكدة بس
ليلة..اسمعى الكلام بقى ..تعالى يا جورى
جويرية بخجل..حاضر بس انا اسمى جويرية مش جورى
عهد بابتسامة..ما هو جورى دلع جويرية
ليلة ..بصى يا ستى دا الفستان بتاعك ودى الاكسسوارات والجزمة بتوع الفستان وكمان هتلاقى الحجاب جوا الشنط
جويرية. .شكرا
ليلة..خدى دا كمان
جويرية. .اية دا
ليلة..دا كشف بحسابك فى البنك انا فتحتلك حساب والفلوس دى نقوطك
جويرية بصدمة...يا خبر مجندل نص مليون جنية دا دا كتير جوى
ليلة..مفيش حاجة تغلى على بنات العيلة وانتى دلوقتى من العيلة
عهد ببسمة..ودى هديتي انا
وقدمت عهد علبة قطيفة حمراء اللون فقامت جويرية بفتح العلبة وقالت بذهول
جويرية. .وااااة اية دا
ليلة..دى اسورة الماظ نقوط اخت العريس
مجدة بسعادة..بس دا كتير
ليلة..لاء مش كتير
سارة ببسمة..بصى بقى انا كنت هديكى فلوس بس يوسف رفض وهو اللى باعت النقوط بتاعك اتفضلى
وقدمت سارة مظروف مغلق ابيض اللون وقامت جويرية بفتح المظروف وشهقت وقالت
جويرية. .لاة دا كتير معاوزاش
ليلة..بطلى هبل بقى الفدان دا هدية كبير عائلة الصعيدى وممكن تسيبى اخوكى يزرعة ويستفيد منة وعلى فكرة هو الفدان اللى ورا بيتكم يوسف اشتراة مخصوص عشانك
مجدة بسعادة. .ربنا يبارك ليكم ويزيدكم من نعيمة
ليلة..يالا بقى يا ست العرايس اطلعى البسى الفستان والبنات هيساعدوكى فى الميكب
جويرية. .حاضر بعد اذنكم
ليلة. .اتفضلى
.......
.........
.........حبيبى يا رسول الله. .............
.......
..........
ثرايا الهوارى...
غرفة يونس....
يجتمع بالغرفة كل من يونس ويوسف وأسر وإقدام وأسامة وصوت ضحكاتهم يملئ المكان....
يونس..بس يارزل واوعى هتموتنى فى إيدك
أسر..اسمع منى بس هعملك خط فى رأسك دى الموضة
يونس..أنت عبيط ياض خط اية غور من وشى يا يوسف حوش المتخلف دا
يوسف....ههههههههههه والنبى سيبة مش قادر أتخيل لو بوظلك شعرك هتكون عامل ازاى
يونس..أنت بتتريق يا إقدام ماتشوف العيال دى انت مش خالى ولا اية
إقدام..طب عشان خاطر خالى دى ياشحط انت ماليش دعوة
أسامة...هههههههههههه والله انتو نكتة
يوسف...خلاص يااسر بلاش الليلة فى الفرح اعمل اللى انت عايزة
أسر..بسيطة كلها يومين
أسامة..شرير الواد أسر دا
يوسف..هههههههه قصدك رزل يلا ألبس يا يونس على ما نجهز احنا كمان
يونس..تمام
..........
..............شفيعى يا محمد........................
........
فى الأسفل.......
يجلس عبد القادر فى غرفة الضيوف وبرفقتة هنا ووفاء وثريا
هنا...ها ياجدى وافق بقى
عبد القادر. .لاء مهروحش انا مصر دى
هنا..والله ياجدى هتتبسط جدا وهدلعك آخر دلع واهو كمان تغير جو
وفاء..وافج يابوى وروح غير جو يومين
ثريا...عندك حج ياخيتى روح يابوى وريح دماغك شوية
عبد القادر بصرامة..جولت لاه انا مهسيبش بيتى ويالا جومو البسو عشان منتاخرش
وفاء..حاضر يابوى يالا ياخيتى يالا يا هنا
......
..........
..........استغفرو لعلها ساعة استجابة. ........
.......
.........
فى المشفى التى تعمل بها شهد ...تتمشى شهد بالرواق وتتابع مرضاها ويأتى لها ذلك اللزج وهو يدعى الدكتور هشام وهو دائما يتعرض لشهد وهى لا تحبة....
هشام..ازيك ياشوشو
شهد بغضب..اسمى الدكتورة شهد وإياك تقولى شو شو دى تانى فاهم
هشام..طيب خلاص اتجوزينى وانا اسكت
شهد..لما تشوف قفاك غور من قدامى بقى
هشام..براحتك بكرة تندمى بس انا بحب الصبر لأن لو صبرى خلص مش هيعجبك اللى هعملة
وتركها وذهب فحدثت نفسها قائلة ..
شهد. ..يقصد اية ..اية اللى مش هيعجبنى ..ربنا يستر هشام دا مش مضمون
.........
...............
.........لا إله إلا الله...................
.......
.........
منزل مصطفى. ...
وصل أفراد عائلة الهوارى وبرفقتهم أسامة ودلفو للمنزل ووجدو مصطفى بانتظارهم وبرفقتة المأذون ...
وبعد مرور بعض الوقت تم عقد القران وقام مصطفى باستدعاء شقيقته ..دلفت جويرية إلى داخل غرفة استقبال الضيوف وتفاجأ الجميع من جمال تلك الحسناء حيث كانت ترتدى فستان سماوي وحجاب من نفس اللون وحذاء فضى اللون وبعض مساحيق التجميل التى اظهرتها فى أبهى صورة جلست جويرية بجوار أخيها وهى تنظر أرضا ولا تتحدث ...
ليلة..مبروووك يا جورى عقبال مااشيل عيالكم
جويرية..الله يبارك فيكى
عبد القادر. ..طب يا مصطفى يا ولدى إن شاء الله الحنة بعد بكرة واليوم اللى وراها الفرح وبكرة بإذن الله ليلة وهنا وعهد وسارة هينزلو مع جويرية يشتروا الهدوم وكل لوازم الفرح
مصطفى. .تسلم يا كبير بس انا شايل ملمين عشان جهاز جويرية وانا هجبلها
يونس..دى بقت مراتى يا مصطفى ولا انت شايفنى قليل
مصطفى. .لاه داانت سيد الناس
يونس. .يبقى خلاص هى دلوقتى مسئولة منى وبقت من عيلة الصعيدى..ممكن بقى اخدها ونخرج نتعشى برة
مصطفى. ..واااة بتستاذن دى مرتك براحتك يا بية
يونس..طب بطل بيةدى وكنت عاوز شوية ورق رسمى عشان هعمل لجورى بسبور عشان هنسافر تركيا بعد الفرح لأن عندى شغل كتير متعطل
مصطفى. ..حاضر يا خوى كل الورق هجيبهولك
يونس..تسلم ربنا يخليك يالا ياجويرية
جويرية. .اروح ياخوى
مصطفى. .روحى يا جلبى دا جوزك دلوجت واذنك تاخدية منة مش منى فاهمة
جويرية..حاضر ياخوى
يونس..بعد اذنكم يالا يا جورى
...........
...............
.........حبيبى يا رسول الله.............
......
.........
فى أحد المطاعم يجلس يونس برفقة جويرية يتحدثون..
يونس..حابة تسألى عن حاجة
جويرية بخجل. .اسأل فى اية
يونس...يعنى اى حاجة انتى متعرفيش عنى حاجة ومتكلمتش معاكى قبل كدة
جويرية. .احم طب انت بتحب تأكل اية
يونس..بعشق المكرونة وانتى
جويرية..بحب الملوخية
يونس..ليكى اى هواية
جويرية..اة بحب التطريز والتريكو وانت
يونس..انا بحب الخيل وعندى هواية غريبة انا ويوسف وليلة بنحب الطيور النادرة
جويرية..أنت بتعرف تركب خيل
يونس..احنا كلنا بنركب خيل حتى ليلة وعهد
جويرية ..واااة كيف الحريم يركبو خيل
يونس..عادى وفيها اية حتى انتى هعلمك ركوب الخيل والسواقة بتعرفى تعومى
جويرية..لاه مبعرفش
يونس..يبقى هعلمك العوم كمان ...انتى هتكونى معايا فى كل حتة اروحها وهلففك العالم كلة انتى متعلمة
جويرية ..اة معايا دبلوم
يونس..تمام بس لازم تتعملى تركى والمانى وانجليزي
جويرية. ..واااة كل دا
يونس ببسمة..اة لأن انا بسافر ألمانيا وأمريكا وعايش فى تركيا وواحدة واحدة هعلمك الشغل بتاعنا وهتنزلى مع ليلة وعهد الشركة وهيبقى معاكم سارة كمان بس بعد ما تتدرب
جويرية. .أسألك سؤال
يونس..ياريت..اتفضلى
جويرية. .اشمعنا انا اللى اخترت تتجوزنى
يونس..بصى بصراحة مش هكدب عليكى واقولك بحبك وبعشقك والكلام دا بس شوفت فيكى ام لاولادى شوفتك زوجة صالحة وميمنعش انى مستلطفك وانتى شخصية مؤدبة ومحترمة انتى بقى وافقتى لية
جويرية بخجل..بصراحة انا وافجت عشان اخوى جالى انك محترم وزين وجالى لو وافجتى عمرك ماهتندمى وانا بصدق اخوى فى كل كلامة لانة عمرة ما هيضرنى
يونس..ربنا يقدرنى واسعدك يا جورى ..يلا نطلب الأكل
جويرية. .حاضر
........
..............
........يتبع.........
نهاية الفصل الحادى عشر
مجنونة قلم
منى مصطفي الاسيوطى
.............
توقعاتكم للفصل الجاى...باااى😍
