Seven Reasons to Love Again [Seven Series #4 | ON-GOING]

[PART 1] Two

CHAPTER TWO

Kinagabihan, nagkayayaan silang kumain sa Subic bilang celebration sa pagbabalik ni Dylan. Biglaan iyon at hindi pa nakakuha ng gate pass si Ruby kaya itinakas nila ito.

"Jusko, feeling ko, nagkaroon ako nang claustrophobia nang wala sa oras," hinihingal na sabi ni Ruby nang ilabas nito ang katawan sa luggage compartment. Lumapit naman si Kenneth dito at kinarga ito.

"Yiiih, sweet!" hirit pa nga ni Josel habang pinapasok ni Kenneth ang nililigawan nito. Nagkasya ang tatlo sa back seat ng Camaro ni Dylan; si Michelle ang nasa passenger's seat.

Nang makapasok ang dalawa, nagpatuloy sa pagmamaneho si Dylan.

Si Michelle naman ay maya't maya napapatingin sa kamay ni Dylan na nakapatong sa kambyo. She was tempted to touch it pero nag-aalangan niya. Baka kasi may magawa siyang mali at maaksidente sila. Kaya naman ipinatong na lang niya ang kaliwang kamay sa gilid ng upuan niya. She hoped Dylan would get it.

Kaso, nakarating sila sa Subic nang hindi man lang nito iyon ginagawa. Actually, ni hindi man lang din siya nito kinausap!

Okay lang iyan, Michelle. Hindi ka rin kasi nagsalita at naka-focus siya sa pagda-drive, pagkonsula niya sa sarili kahit ba kinokontra rin iyon ng isip. Nakikipagkwentuhan si Dylan sa mga nasa likod nila pero sa kanya, hindi? How was that?

Naroon na sa parking lot ang kambal nang makarating sila.

"Papa Dylaaaaan!" hirit pa ni RJ nang makita sila. He almost lunged at him, kung hindi lang mabilis na hinablot ni MJ ang tenga nito.

Lumapit sila sa dalawa. Nakipag-brofist si Dylan sa kambal. Si RJ naman ay may pagyakap pang nalalaman.

Nabatukan tuloy ito ni Josel. "Gusto mong pagselosan ka ni Mich?" sabi pa nito pa nito, dahilan para mapangiti si Michelle.

"Oo nga! Inaagawan mo ako ng boyfriend." Hinigit niya ang braso ni Dylan at pabirong inirapan si RJ.

"Ay, ang possessive!" hirit naman ni MJ. "Iba! Iba!"

Nagtawanan sila. Si Michelle naman ay tumingala kay Dylan. But the latter didn't even look at her. Nasa mga kaibigan nila ang atensyon nito. Again, she felt how disappointment lunged at her.

Pumasok sila na sila sa loob. Vintage na American diner ang itsura niyon. Alternating black and white tiles ang sahig, kulay pula ang mga upuan at may jukebox pa sa isang tabi.

Tumawag si Kenneth. "I'm Kenneth Cristobal, yung nagpa-reserve kamo ng table for seven."

Tumango ang waiter saka sila dinala sa reserved table nila. Pabilog na mesa iyon. Magkatabi sina Ruby at Kenneth. Sa kanan nila ay ang kambal, sa kaliwa si Josel, sa harapan ay sina Michelle at Dylan.

Mabilis din silang binigyan ng menu.

"Guys, order what you want. Hahatian ko na si Dylan sa bill," anunsyo naman ni Kenneth.

"Naks! Galante pala si Papa Kenneth ngayon," sabi ni RJ.

"Hindi naman sa galante. Alam ko lang na patay-gutom ka at baka ubusin mo ang pera niya," pambabara naman ni Kenneth.

"Boom!" bulalas ni MJ habang ang iba naman ay natawa. Si RJ naman ay biglang natahimik.

"Nawala lang ako, biglang ka nang naging pang-asar," kumento naman ni Dylan. "Thanks nga pala. Kanina ko pa iniisip kung kaya ko bang bayaran lahat."

"No problem, p're. Treat ko na rin ito sa iyo. At kay Ruby kasi hindi ko pa siya nadadala sa restaurant mula nang ligawan ko siya." Inakbayan nito ang katabing babae saka binigyan ng bugoy na ngiti. "What do you think? Okay ba?" Tumaas-baba pa ang mga kilay nito.