أسيرة عشق الفهد❤

........البارت الخامس......

كان فهد قادما باتجاههم..حتى فجأة وبدون سابق انذار وقعت أروى بين ذراعيه وكانت ترتدى ثوب سباحة اسود اللون قطعتين..غضبت تاليا وهذا ظهر ع وجهها..وحاول فهد ان يجعلها تفلت يده من حول عنقه..
فهد:ايه الى انتى بتعمليه دا؟!..ابعدى..
أروى بنبرة حزن:مش قادرة ي فهد..رجلى بتوجعنى اوى..
فهد وهو ينظر الى تاليا التى يبدو ع وجهها الغضب:الله يخربيتك..هتودينى ف داهية..ابعدى..
أروى بغزل وهى تلعب بشعره:يعنى يرضيك تسيبنى وانا مش قادرة امشى..
فهد بغضب:عايزانى اعمل ايه عشان تحلى عنى؟!..
أروى بغزل:ممكن تشتالنى تودينى تحت الشمسية بتاعتى..
فهد:اشتال مين؟!..دا انا كدا هروح ف داهية رسمى..
أروى بابتسامة لئيمة:خلاص خلينا كدا..
فنظر اليها فهد وحملها وقال بقلة حيلة:امرى لله..(ونظر الى تاليا التى كانت سوف تنفجر من الغيظ)..ربنا يستر..
وبدا فهد بالتوجه الى مقعد أروى..فمر من امام تاليا ولكنه لم ينظر اليها..وعندما ابتعد قليلا نظرت أروى الى تاليا واخرجت لها لسانها ف غيظ😛..فغضبت تاليا اكثر واكثر..وكذلك انجى..فحاوت انجى تهدئه الموقف قائلة:تيلو..ماتيجى نروح نتمشى؟!..
كانت تاليا تنظر ناحية فهد..ولم تجبها..ورأت أروى وهى تطبع قبلة ع خده..وبعد عدة دقائق..عاد فهد اليهم..
فهد:معلشى اتاخرت عليكم..
تاليا وقد نهضت من معقدها:لا ولا اتاخرت ولا حاجة..كنت كمل جيت ليه؟!..(نظرت الى انجى)..لو عايزة تتمشى اتمشى لوحدك..
وتركتهم وذهبت..فقالت لها انجى وهى ذاهبة:طب انتى رايحة فين؟!..
تاليا بغضب:رايحة ف داهية..
وذهبت باتجاه الشاطئ..فقالت انجى لفهد بغضب:عجبك كدا ي خويا؟!..
فهد:وانا عملت ايه يعنى؟!..
انجى:لا ولا حاجة ي خويا..وادى دقنى لو تاليا بصت ف خلقتك باقى الرحلة..
فهد بتوتر خفيف:هى ممكن تعمل كدا؟!..
انجى:والله بقى انت وحظك..اصلها لما بتقفش من حد صعب انها تكلمه تانى..
فهد:طب اعمل ايه؟!..دا انا طالع الرحلة عشانها..تقوم تقفش منى..دا ايه الحظ دا بس ي ربى؟!..
اعطت له انجى تى شيرته الكات الكحلى اللون وقالت له:خد البس وروح وراها..
فهد وهو يرتدى تى شيرته:عندك حق..
وتركها وذهب بالاتجاه التى ذهبت اليه تاليا..ولاحظت انجى ان أروى تقول لصديقتها مى شيئا ما..ومى ذهبت خلف فهد..فذهبت خلفها انجى..ذهب فهد واخذ يبحث حتى وجدها جالسة بمفردها ع الرمال امام البحر..فاخذ يقترب حتى وجدها تتحدث مع نفسها..فتوقف واخذ يستمع اليها..
تاليا بغضب وهى ترمى بعض الحصوات ف البحر:بقى شايلها وقدامى كمان..وهى بنت الجزمة بتطلعلى لسانها..ليا انا..ي نهار اسود ي نهار اسود..بس ماشى..والله ماعدت هكلمه عشان يتربى ويفضا للزفتة بتاعته دى..اللهى اشوفكم غرقانين ف البحر..لالا..هى بس..فهد لا..
قاطعها فهد مع ابتسامته الساحرة:وياترى بقى فهد لا ليه؟!..
فنظرت اليه تاليا..وجدته يقف مبتسما..فنظرت اليه بغضب وقالت:انت بتعمل ايه هنا؟!..
توجه فهد اليها وجلس ع الرمال بجوارها وقال بابتسامة:ابدا كنت معدى كدا من هنا لاقيتك قاعدة تكلمى نفسك انا بصراحة خوفت عليكى اصلا تكونى اتجننتى ولا حاجة..قلت اجى اتطمن بس.
تاليا بغضب:ع فكرة انا مااتجننتش..
فهد:بعد الشر عليكى من الجنان..طب بتكلمى نفسك.ليه؟!..
تاليا بتوتر خفيف:عادى يعنى..انا بحب اتكلم مع نفسى..فيها حاجة دى؟!..وبعدين مايصحش انك تتصنط ع حد ولا ايه؟!..
فهد:لا طبعا مايصحش..(امسك بيدها وتلاقت الاعين وطبع قبلة رقيقة ع يدها)..عمرك ابدا ماتفكرى انى ممكن ابص لواحدة غيرك..او حتى افكر ف واحدة غيرك..انا قلبى ملك واحدة بس..وهى انتى..
تاليا بدهشة وتعجب:انا؟!..
فهد:ايوا انتى..انتى بس..
وظلا معا هكذا حتى شاهدا الغروب معا..
(يخربيت رومانسيتكم😂❤)..
ف اثناء ذلك..كانت انجى مع على ف الكافية المطل ع البحر..
على:قوليلى بقى عايزة ايه؟!..
انجى:الزفتة الى اسمها أروى دى مش ناوية تجيبها لبر..
على بعدم فهم:ازاى يعنى؟!..مش فاهم..
انجى:قعدت تتسهوك وتمثل ع فهد ان رجليها مش عارفة مالها ومش قادرة تمشى فاشتالها فطبعا تاليا زعلت وسابتنا ومشيت ولما بعت فهد لتاليا عشان يصالحها لاقيت أروى بعتت وراه صاحبتها الى اسمها مى..فروحت وراها..
على باهتمام:وبعدين؟!..
انجى:لاقيتها واقفة تصور فهد وتاليا وهما مع بعض..ومتاكدة ان الصور دى لأروى..
على بتساؤل:طب وبعدين؟!..
انجى:لازم نحط عينا عليها عشان ماتبوظش الجو عليهم..اصلها سوسة..
على:اه والله..المهم سيبك بقى من أروى وفهد وتاليا وخلينا ف نفسنا بقى..وحشتينى ي انوجى..
انجى:وحشتك فين ي نصاب؟!..ماانا معاك طول النهار..
على:تصدقى انى غلطان..عبو شكلك وش فقر تاتك نيلة..
انجى:شوف انا بتكلم ف ايه وانت بتتكلم ف ايه..ماتخلى عندك دم..
على:انا الى اخلى عندى دم برضو!!..
وكان على ع وشك النهوض ولكنها امسكته من يده وقالت له بغزل:خلاص بقى ي لول..بهزر معاك..وانت كمان..
على:وانا كمان ايه؟!..
انجى ببعض من الخجل:وانت كمان وحشتنى..
على:طب ماكان من الاول..وحشتك قد ايه بقى؟!..
انجى:وحشتنى اوى اوى..
على:اوى اوى بس؟!..
انجى بخجل:اممم..
على:ماشى..امشيها اوى اوى ي انوج..تشربى ايه بقى؟!.
انجى:جوافة باللبن مع ساندويتش جبنة رومى وكيس شيبسى حجم كبير بالجبنة المتبلة..
على:ايه ياما اهدى..انا بقولك تشربى ايه مش تتعشى ايه..
انجى بغزل:يعنى خسارة فيا ي لول؟!..
على باستسلام:لا ي قلبى مش خسارة فيكى ولا حاجة..ماشى هجيبلك الى انتى عايزاه وبعدين نروح ندور ع الاتنين دول..
انجى:هتلاقيهم قاعدين ع الشط وبيتفرجوا ع القمر..
وبالفعل بعد عدة دقائق انتهوا من تناول وجبتهم وذهبوا الى مكان فهد وتاليا..وجدوهما جالسان ع الرمال بجوار بعضهما البعض وكانت تاليا تستند براسها ع كتف فهد وكانا ممسكان بيد بعضهما البعض وينظران الى انعكاس القمر فوق سطح البحر..
على:ي سيدى ي سيدى ع الناس الرومانسية..
فانتبه كلا من فهد وتاليا الى على وانجى اللذان ينظرا اليهما بابتسامة واسعة..
فهد:انتوا بتعملوا ايه هنا؟!..
على:ابدا..بنتفرج..
فهد:بتتفرج ع ايه؟!..
انجى وهى تقف بجوار تاليا:كنا بنتفرج ع المشهد الرومانسى الى فيه البطل والبطلة قاعدين قدام البحر..ولا ايه ي تيلو؟!..
تاليا بخجل:انتى مالك غتيتة كدا ليه؟!..
وتركتهم وذهبت باتجاه الفندق..
فهد بغضب:عاجبكم كدا يعنى؟!..
على:تصدقى ي انجى ان احنا ناس غلسة..بوظنالهم القاعدة الرومانسية..
فهد:طب كويس انك عارف عشان لما ابقى اعملها فيك ماتبقاش تتدايق..
وتركهم وذهب هو الاخر الى الفندق..وقف كلا من على وانجى بجوار بعضهما البعض ونظرا الى بعضهم بابتسامة عريضة..
على:شكل الرحلة هتحلو..
انجى:انا اعرف اخليها تحلو اكتر..
على:ازاى بقى؟!..
انجى:عايزاك لما تطلع لفهد الاوضة تعمل الى هقولك عليه..تمام..
وبعد حوالى ساعة..صعد على الى الغرفة..فوجد فهد جالسا ف الشرفة مرتديا بنطال رمادى اللون وقميص ابيض..وكان يبدو كانه مغيب ف عالم اخر..
على بابتسامة:الى واخدة عقلك ي دكتور..
فهد بهيام:وهى واخدة عقلى بس..دى واخدة عقلى وقلبى وكيانى وكل حاجة حتى مستولية ع احلامى..
على:احمدك ي رب انك خليتنى اشوف الفهد وهو عاشق وواقع ع بوزه كدا..
ابتسم فهد ع كلام على لانه لم يكن يتوقع انه سيجد الحب الذى يجعله الفهد العاشق..
على وقد جلس ف الكرسى المقابل له:وقعت ولا حدش سما عليك ي فهد..المهم قولتلها ع مشاعرك ولا لسه؟!..
فهد وقد ارجع ظهره للخلف:لا..مش عارف اقولها ازاى..
على:هو ايه الى مش عارف تقولها ازاى..ماتقولها عادى يعنى زى الناس..
فهد:جبت التايهة..ي حمار انا عايز اقولها بطريقة مميزة..تبقى ذكرى مميزة بينا احنا الاتنين..
على:طب ماتقولها ف عيد ميلادها..
فهد باهتمام:طب عيد ميلادها دا امتى؟!.
على: بكرة..وكنت بفكر انا وانجى نعملها حفلة مفاجئة..ايه رايك؟!..
فهد وقد لمعت ف راسه فكرة:لا دى سيبوها عليا..بس بشرط..
على:ايه هو؟!..
فهد:انا الى هخطط واعمل كل حاجة وماشوفش خلقتك انت وانجى..مفهوم؟!
على بابتسامة انتصار:مفهوم ي كبير..(ونهض من مقعده)..اروح اخد دوش بقى..
وذهب على الى الحمام وترك فهد ف الشرفة يضع الخطة ف رأسه..كان على يبعث برسالة الى انجى ع الواتس اب يقول لها..
(كله تمام ي قلبى..والى خططناله حصل)
كانت انجى مستلقية ع السرير بجوار تاليا عندما استلمت تلك الرسالة..وظهرت ع وجهها ابتسامة انتصار ونظرت الى تاليا التى كانت مغيبة ف عالم اخر و مسلطة نظرها ع الحائط فوقها..
انجى ف نفسها:ي رب كمل الموضوع ع خير وابعد عنا ولاد الحرام..
ومرت الليلة بهدوء..وحل الصباح..استيقظ على ولم يجد فهد ف الغرفة..وبعد عدة دقائق..نزل على الى الشاطئ وهو مرتديا شورت جينز وقميص زيتونى ذو نصف اكمام ونظارته الشمسية..وانتظر حتى نزلت انجى وتاليا..كانت تاليا مرتدية دريس سماوى اللون بنقوش ورود ملونة وحجاب سادة نفس اللون..بينما انجى مرتدية بنطال اسود اللون وبلوزة بنفسجى اللون وحجاب ابيض..واتجهتا وجلستا مع على..
تاليا:امال فين فهد ي على؟!..
على:والنبى ي اختى ولا اعرف..انا صحيت مالاقيتهوش ف الاوضة..مش عارف راح فين؟!..
انجى:هتلاقيه هنا ولا هنا..المهم بقى هتفطرونا ايه؟!..
على:ع طول همك ع بطنك..
تاليا ف نفسها ويبدو ع وجهها القلق:هتكون روحت فين يعنى ي فهد؟!..
وبعد عدة ساعات..شعرت تاليا بالقلق..هاتصلت عليه بالهاتف ولكنه كان مغلقا فهذا زاد من قلقها..وانقضى اليوم وحل الليل..ولم يظهر فهد حتى الان..وكانت تاليا قلقة عليه طوال اليوم..كانت جالسة ع طاولة ع الشاطئ..
انجى:هنفضل قاعدين كدا ولا ايه؟!..
تاليا بزهق:بقولك ايه من غير ماتوجعى دماغى..عايزة تطلعى اطلعى..انا مش طالعة غير لما اعرف البيه دا راح فين..
وبعد عدة ساعات..صعدت انجى الى الغرفة وتركت تاليا جالسة ع الشاطئ ..وتقريبا الساعة التاسعة والنصف مساءا.. جاءت الى تاليا رسالة واتس اب من فهد مكتوبا فيها..
(تعالى ف المكان الى كنا قاعدين فيه مع بعض)..
تاليا بتعجب وتساؤل:هو ايه الحكاية؟!..
وبالفعل ذهبت تاليا الى المكان وقبل ان تصل اليه..وجدت فهد يقف منتظرها وهو مرتديا قميص اسود وبنطال اسود وساعة فضية اللون..اطمئن قلبها عندما رأته امامها معافيا وزال قلقها الذى كان يتملك قلبها طوال اليوم..عندما رأها فهد ابتسم واتجه اليها وامسك بيدها وقبلها قبلة رقيقة ثم قال:وحشتينى..
تاليا بابتسامة:لما انا وحشتك..ماخلتنيش اشوفك النهاردة ليه؟!..وكنت مختفى فين طول النهار؟!..
فهد بابتسامة:هقولك بس تعالى معايا..
تاليا:هنروح فين؟!..
فهد:هنروح للمكان بتاعنا..بس بشرط..
تاليا بتساؤل:شرط ايه؟!..
اخرج فهد من جيبه شريطة سوداء وقال لها:تحطى دى ع عنيكى..
تاليا:ليه بقى؟!..
فهد:هو انتى لازم تناقشى ف كل حاجة..ماتعرفيش تسمعى الكلام ع طول.
تاليا بابتسامة:بصراحة لا..
فهد:ودى احلى حاجة بحبها فيكى..يالا اربطيها بقى..
نفذت تاليا كلام فهد وربطت الشريطة ع عيونها..وامسك فهد يدها واخذا يسيران حتى توقفا..
فهد:بصى انا هشتال الشريطة بس خليكى مغمضة عنيكى لغاية مااقولك تفتحى..
تاليا بمزاح:مع انى مش مطمنالك..بس ماشى ي فهد..
فهد بضحك:ليه بس كدا سوء الظن دا؟!..
وازال فهد الشريطة من ع عيونها..وشعرت به وهو يبتعد عنها..
تاليا:فهد..انت روحت فين؟!..
جاء لها صوته من بعيد وهو يقول لها:افتحى عيونك..
وبالفعل قامت تاليا بفتح عيونها..فوجدت جلسة خشبية مربعة الشكل ويوجد ف منتصفها طاولة خشبية ويخرج من زواياها الاربعة اعمدة خشبية ويوجد اشرطة بيضاء وسماوية اللون بين الاعمدة الاربعة وحول تلك الجلسة شموع حمراء ع شكل قلوب ف كل مكان..وكان فهد يقف مبتسما لها ف وسط الجلسة الخشبية..وكانت تاليا تنظر الى ذلك بدهشة وبابتسامة عريضة وهى غير مصدقة..فاتجه اليها فهد وامسك يدها واخذها ووقفوا ف منتصف تلك الجلسة الخشبية..ونظرا ف عيون بعضهما البعض
فهد:عجبك المكان؟!..
تاليا:عجبنى بس..دا تحفة..دا يجنن..
فهد:طب كدا تمام..كدا الهدية الاولى تمام
تاليا بتساؤل:هو ف غيرها ولا ايه؟!..
فهد:حاجة زى كدا..دلوقتى بقى نروح للهدية التانية..
وقام فهد بالتصفيق..فأتى نادلا من مطعم الفندق وهو يحمل كعكة بالشيكولاتة ومزينة بالقلوب ومكتوبا عليها..
(عيدميلاد سعيد ي حب عمرى كله❤)..
ووضعها ع الطاولة وعاد الى الفندق مرة اخرى..عندما رأت تاليا الكعكة..دهشت اكثر..
تاليا:انت عرفت ازاى ان النهاردة عيد ميلادى؟!..
فهد بابتسامة:العصفورة قالتلى..
تاليا:لا بجد ي فهد..عرفت ازاى؟!..
فهد:هكون عرفت منين يعنى بذكائك دا؟!
تاليا بابتسامة:صح..فاتت عليا دى..
فهد وهو يقترب منها:طب سيبك بقى من الحكاية دى وخليكى معايا..
تاليا بخجل:احنا مش هنقطع التورتة ولا ايه ي عم انت؟!..
فهد بابتسامة:ماشى ي تيلو..لا هنقطعها ي اختى..
وقاما بتقطيع الكعكة واخذ كلا منهما قطعة صغيرة ف فمه..
فهد:عجبتك التورتة؟!..
تاليا وهى تاخذ قطعة اخرى ف فمها:مادام شيكولاتة تبقى اكيد هتعجبنى
فهد:بتحبى الشيكولاتة اوى كدا؟!..
تاليا:بحبها اوووووووووى..
اقترب منها فهد وقال لها بحب:طب وانا؟!..
تاليا بخجل:انت ايه؟!..
فهد وهو ينظر الى عيونها:انا عندك زى الشيكولاتة ولا لا؟!..
شعرت تاليا بالخجل اكثر..فحاولت التهرب من الموضوع قائلة:هى المفاجأت والهدايا بتاعتك خلصت ولا ايه؟!..
فهد:صبرنى ي رب..لا ي اختى ماخلصتش
وصفق بيده مرة اخرى..فجأ هذة المرة نادلان..الاول حمل الكعكة والثانى حمل الطاولة الخشبية واتجها الى الفندق..
تاليا:هما رايحين فين؟!..انا لسه مااكلتش من التورتة..
فهد:لا مااحنا مش هنقضيها اكل..
تاليا بغضب طفولى:امال هنقضيها ايه؟!..
فقام فهد باخراج هاتفه وفتحه ع موسيقى اغنية ما..ووضعه ف احد الزوايا ثم اقترب من تاليا وجعلها تقترب منه حتى حاوط خصرها بذراعيه وهى حاوطت رقبته بذراعيه واخذا يتمايلان معا..
تاليا بخجل:هو موبايلك مافيهوش غير ميوزك بس؟!..
فهد:مش كله..بس الاغانى الى بحب اغنيها بجيب الميوزك بتاعتها بس..
تاليا بتعجب:هو انت بتعرف تغنى؟!..
فهد بابتسامة:الى هغنيه دلوقتى ليكى انتى وبس..ووعد منى عمرى ماهغنيها لحد تانى..
تاليا بابتسامة خجل:وياترى هتغنيلى ايه بقى؟!..
بدأ فهد ف غناء اغنية(قرب كمان❤)..
"وانا جمبك حبيبى بجد مش عارف اقولك ايه؟!..
معاك الوقت بيعدى ماحسش بيه..
واى كلام هيوصف ايه ف لحظة بعيشها وانا وياك؟!..
كفاية عليا تبقى ف حضنى وابقى معاك..
قرب كمان ..من حضنى وحس باللى بحس بيه..
دا انا من زمان..مستنى اعيش وياك اللحظة دى..
(ورفع وجهها اليه وتلاقت اعينهم)..
ي حبيبى قول..بحبك..وانا اقولها معاك..
حبيبى يفوت سنين وايام على حبك ف قلبى يزيد..
كأنى بعيش من الاول ف حب جديد..
بعدت كتير..وحضنك عنه مهما بعدت برجع ليه..
وقلبى يدوب ف احساسه اللى عايش فيه
قرب كمان..من حضنى وحس باللى بحس بيه..
دا انا من زمان..مستنى اعيش وياك اللحظة دى..
ي حبيبى قول..بحبك..وانا اقولها معاااك.."
فهد بهيام وهو ينظر الى عيونها العسلية:بحبك ي تاليا..
تاليا بخجل وهى تنظر الى عيونه الزرقاء كالبحور:وانا كمان بحبك ي فهد..
فهد:من قلبك الكلمة دى؟!..
تاليا:طبعا..من كل قلبى..انا بحبك ي فهد..
فهد وهو يقبل يدها:وانا بعشقك وبموت فيكى ي قلب وروح وحياة فهد..
وقام باحتضانها وهى بادلته الاحتضان وظلا هكذا لوقتا لم يشعرا به..وبعد عدة دقائق جلسا ف منتصف الجلسة الخشبية وهما ممسكان بيد بعضهما البعض وكانت تاليا تسند راسها ع كتف فهد وينظران الى القمر ف السماء..
فهد:تعرفى ان الليلة دى اسعد واجمل ليلة ف حياتى كلها..
تاليا:وانا كمان..دا احلى عيد ميلاد ف حياتى كلها..
فهد:ولسه لما اقدملك الهدية الاخيرة النهاردة..
فاعتدلت تاليا ف جلستها ونظرت اليه كالطفل المنتظر هدية العيد:ايه هى؟!..
فهد بابتسامة:لا..دى بقى ليها تمنها..
تاليا بتساؤل:وايه تمنها بقى؟!..
اقترب منها قليلا وقال:اخد بوسة..
تاليا:نعم ي عنيا!!..
فهد:ايه؟!..بقولك بوسة..
تاليا بابتسامة:لا ي حبيبى مافيش بوسة..ف بوكس..تحب تاخد..
فهد:لالالا..وع ايه؟!..الطيب احسن ي شبح..انا كنت بهزر..
تاليا:ايوا كدا اتعدل..
فهد:مع ان لسانك طويل احيانا ولمضة..بس بعشق لماضتك وطولة لسانك..هديكى الهدية ماتزعليش..بس تغمضى عنيكى..
تاليا:حاضر..اما نشوف اخرتها معاك..
وبالفعل اغمضت تاليا عيونها وشعرت ان هناك شئ ما حول عنقها..
فهد:افتحى عيونك..
فتحت تاليا عيونها..فوجدتها ترتدى سلسلة فضية اللون ورقيقة وبها قلب..فنظرت الى فهد ف محبة وسعادة..
تاليا:تحفة..ربنا يخليك ليا ي فهد..
فهد وهو يقبل يدها:ويخليكى ليا ي قلب فهد من جوا..
تاليا وهى ممسكة بها:حلوة اووووى بجد..
فهد:طب كويس..البسيها بقى..اهو يبقى اسمى قريب من قلبك..
تاليا بعدم فهم:اسمك؟!..
فهد:اه..ماهو انا خليت الجواهرجى يكتبلك عليها اسمى..عشان افضل دايما معاكى..
تاليا بحب:انت فعلا دايما وع طول معايا من ساعة ماشوفتك..
فهد:وانا كمان..من اول ماشوفتك وانا بتمنى افضل دايما معاكى..
وقبل راحة يدها بحب وعادا الى جلستهما الرومانسية..وبعد ساعتين..عاد كلا منهما الى غرفته وهو ف غاية السعادة..حتى انهما كانا يشعران انهما سيحلقان ف السماء من شدة السعادة التى ف قلبهما..حتى انهما لم يستطيعا النوم..فكلا منهما يفكر ف الاخر..وانقضى المساء وحل الصباح المشمس..وهبط على وانجى وقضيا اليوم معا..واستيقظ كلا من فهد وتاليا بعد صلاة العصر..هبط فهد مرتديا قميص ازرق فاتح اللون وشورت جينز مع نظارته الشمسية..وجلس مع انجى وعلى..
على:نموسيتك كحلى ي خويا..ايه النوم دا كله؟!..
فهد وقد نزع نظارته:وانت مالك..ماانت بتنام وبتشخر..حد بيقولك حاجة؟!..
انجى:يالهووووى..هو بيشخر ي فهد؟!..
فهد:لا هو مش بيشخر..عشان اكون صريح يعنى..هو بيحب يعزف سنفونية منفردة وهو نايم..
على:ماخلاص ي خفة منك ليها ع المسا..
فهد وهو ينظر حوله:امال فين تاليا؟!..
انجى:هتلاقيها نازلة الوقتى..
وبعدة حوالى ربع ساعة..هبطت اليهم تاليا وهى مرتدية بنطال ابيض اللون وبلوزة بيج عليها بعض الرسوم الكرتونية وحجاب بيج وكانت السلسلة بارزة وظاهرة..وجلست معهم..وتحدثوا وضحكوا معا..حتى جاء الى تاليا اتصال هاتفى..فاستاذنتهم وذهبت للرد بعيدا..ي ترى مع من تتحدث؟!..ولماذا ذهبت بعيدا للرد؟!..من الممكن ان يكون جدها كالمرة السابقة؟!..كان يراقبها وهى تتحدث وتضحك ولكن مااثاره حقا انها قبلت الهاتف كمن يبعث بقبلة للمتصل ..ترى من هذا الشخص؟!..واستمرت المكالمة تقريبا عشر دقائق..وعادت اليهم وهى سعيدة ومبتسمة..
انجى:ايه؟!..كنتى بتكلمى مين؟!..
تاليا:هبقى اقولك بعدين..
تعجب فهد من ذلك الرد..لماذا لاتريد ان تخبر احدا باسم ذلك الشخص؟!..وانقضى باقى اليوم..ولاحظت تاليا ان فهد يتجنبها وان هناك شئ يزعجه..وف المساء عندما كان فهد ف غرفته..جاء له تسجيل صوتى ع الواتس اب من رقما مجهول..واستمع الى التسجيل وظهرت ع ملامحه الغضب الشديد..
ف غرفة أروى ومى..كانت أروى تحمل هاتفها وتنظر اليه ف سعادة لاتوصف..
مى:ها..عملتى ايه؟!.
أروى بابتسامة:خلاص..نفذت الى ف دماغى..وتبقى تورينى بقى الست تاليا هتعمل ايه؟!..
مى:دا انتى لئيمة ي ريرى..
أروى:وايه الجديد؟!..انتى اول مرة تعرفى عنى كدا..
وغمزت لها واخذتا تضحكان ف شر..
وانقضى الليل سريعا..وحل الصباح المشمس مرة اخرى..وهبطت تاليا وهى ترتدى بنطال اسود وبلوزة نبيتى وحجاب اسود اللون..وجلست مع على..
ً على:امال فين انجى؟!..هى لسه نايمة ولا ايه؟!..
تاليا:لا..دى واقفة قدام الدولاب محتارة تلبس ايه..فقلتلها مع نفسك بقى وابقى حصلينى..وفين فهد؟!..
على بعفوية:فهد مع أروى..
تاليا بدهشة:نعم ي خويا!!..
على:اهدى وافهمى..انا وهو نزلنا..وبعد شوية لاقيناها جاية علينا وبتقول لفهد يروح يساعدها اصلا الشمسية بتاعتها مش عارف مالها وهو راح معاها..بس..
تاليا بغضب:بقى كدا...ماشى..
ونهضت من مقعدها..واتجهت الى حيث تجلس أروى.. فوجدت فهد يقف معها ويتحدث بطبيعية رغم انه كان ينزعج عندما يراها..كان فهد يرتدى تى شيرت كات كحلى اللون مع شورت جينز اسود ونظارته الشمسية بينما أروى كانت ترتدى دريس قصير فوق الركبة وردى اللون..لم تستطع تحمل المنظر..فعادت مرة اخرى الى الطاولة ووجدت ان انجى قد هبطت من الغرفة..
انجى:ايه مالك متعصبة كدا ليه؟!..
تاليا وهى تمسك معدتها ويبدو عليها الألم:لا ولا حاجة..ماتاخديش ف بالك..
على:ايه مالك ي تاليا؟!..ف حاجة بتوجعك؟!..
تاليا بألم:مافيش حاجة..انا كويسة..
انجى:انتى اخدتى الدوا ي تاليا؟!..
تاليا بألم:لما جيت افضى الشنط..مالاقيتهوش..شكلى كدا نسيته..
انجى:ي فرحتى بيكى ي اختى..طب خليكى هنا وانا هروح اجيبه من اى صيدلية..خلى بالك منها ي على..
على:انتى هبلة ي بت..هتوصينى ع اختى..يالا شوفى انتى راحة فين؟!..
وتركتهم انجى وذهبت لتجلب الدواء..وبعد عدة دقائق..جاء الى على اتصال هاتفى..فذهب للرد عليه بعيدا..وجلست تاليا بمفردها حتى جاء فهد..ولكنه لم يظهر اى اهتمام ولم يتحدث معها..
تاليا:فهد..مالك؟!..
فهد ببرود وهو ينظر الى هاتفه:ايه مالى؟!..ماانا كويس قدامك اهو..
تاليا:حاساك متغير شوية..خير..ف حاجة مديقاك؟!..
وضع فهد الهاتف وخلع نظارته وقال لها بهدوء:تاليا..هو ف حد ف حياتك؟!..وارجوكى ماتكذبيش..
تاليا بتعجب:ايه الى انت بتقوله دا؟!..لا طبعا مافيش..
نهض فهد من مقعده وقال بعصبية:قلتلك ماتكذبيش عليا..
تاليا:انا مش بكدب..وبعدين انا هكدب ليه اصلا؟!..لو كان فيه حد ف حياتى انا كنت هقول..ماكنتش هخاف..
اعطى لها هاتفه وقال لها:عايزك تسمعى الريكورد دا وتركزى فيه اوى..
وبالفعل استمعت تاليا الى الريكورد..انه صوتها..عندما كانت تجيب ع المكالمة..وعندما انتهى الريكورد..قال لها فهد:ايه رايك؟!..مادام مافيش حد ف حياتك..ممكن اتطفل واعرف مين زين دا الى انتى قاعدة تحبى فيه وتبعتيله بوسة ع الموبيل؟!..
تاليا بتعجب:انت بتشك فيا ي فهد؟!..
فهد بغضب:ماتجاوبيش ع السؤال بسؤال..مين زين دا؟!..
كان الألم قد زاد عن حدة وهى كانت غاضبة منه فقالت له ف عصبية:وانا مش مضطرة اجاوب ع الاسئلة المتخلفة بتاعتك دى اصلا..
وتركته وصعدت الى غرفتها..وهو جلس بغضب..وبعد دقائق..عاد على ولم يجد سوى فهد..
على:ايه ي عم؟!..مبوز انت كمان ليه؟!..وفين تاليا؟!..
فهد بضيق:مااعرفش..
على بتعجب:ايه ي عم مالك؟!..
كان فهد ع وشك الاجابة ولكن قاطعهم عودة انجى وهى تحمل معها كيس به علبتين حبوب..
انجى:هاى ي جماعة..امال فين تاليا؟!.
على:اسالى البيه..
فهد بضيق:قلت مااعرفش..
انجى:ف ايه ي فهد؟!..
فهد بسخرية:ف ان انا طلعت حمار..وصدقت بنت خالتك..
انجى:مش فاهمة..
فاعطاها الموبيل وجعلها تستمع الى التسجيل..وعندما انتهى التسجيل..قالت له:التسجيل دا جالك ازاى؟!..
فهد بغضب:هو احنا ف جالى ازاى ولا ف زفت الطين الى اسمه زين دا؟!..
انجى:طب وفيها ايه لما تاليا تكلم زين..هو مش اخوها ولا ايه؟!..
فهد بدهشة:اخوها؟!..
انجى:اه..اخوها الكبير الى عايش ف امريكا..وبعدين هى فين اصلا؟!..
فقص عليهما فهد ماحدث بينه وبين تاليا.
انجى بغضب:الله يخربيتك ي فهد..
وركضت سريعا الى الفندق ونسيت الكيس الذى به الادوية..ولاحظه فهد ورأى الادوية التى به..
فهد بتساؤل:هو الدوا دا بتاع مين؟!..
على:بتاع تاليا..اصلها لما نزلت كان جنبها واجعها فانجى راحت جابتلها الدوا دا..بس دا بتاع ايه؟!..
فاخذ على الكيس ورأى علب الحبوب وقال بصدمة:القولون العصبى..
فنظر اليه فهد ف صدمة وركضا مسرعان الى الفندق وصعدا الى غرفة تاليا..ولكنهما رأيا منظرا يُصدم...

ي ترى ايه المنظر دا؟!..
ي ترى فهد هيعمل ايه؟!..
ي ترى هيعرفوا الى باعت الريكورد؟!..

كدا نكون خلصنا حلقة النهاردة..ونتقابل ف الحلقة الجاية..استنونى😎😉