أسيرة عشق الفهد❤

..........البارت السادس.........

ركض كلا من فهد وعلى الى الفندق وصعدوا الى غرفة تاليا..ولكنهما وجدا انجى تقف امام الغرفة..فاتجها الى الغرفة وكان الباب مغلقا وانجى تطرق ع الباب بشدة..ويصدر من خلف الباب صوت شخصا يتألم وبشدة..انه صوت تاليا..
انجى: حد يفتح الباب..
فهد بعصبية:ابعدى كدا خلينى افتحه..
واخذ فهد يضرب الباب بكتفه بشدة عدة مرات حتى تم فتحه..وعندما دخلوا..وجدوا تاليا تتلوى من الالم ف الارض وهى ممسكه ببطنها..فاتجه اليها كلا من فهد وانجى وعلى وحملها فهد بين ذراعيه وهبطا من الفندق واتجها الى سيارة فهد وصعدوا جميعا وقاد فهد بسرعة الى المستشفى الاقرب الى الفندق..وعندما وصلوا..حملها فهد ووضعها ع السرير النقال وادخلها الطبيب الى غرفة الطوارئ وقام بعمل اللازم..وكان الجميع ف الخارج يقف متوترا جدا وخصوصا فهد..
على:اهدا ي فهد..ان شاء الله هتبقى كويسة..
فهد بعصبية:بقالهم جوا اكتر من ساعة..بيعملوا ايه دا كله؟!..
على:ي عم اهدا بقى ف يومك دا..هى هتبقى كويسة..
فهد وقد اسند ظهره الى الحائط ف حزن:مش قادر..كله بسببى..انا الى عصبتها وزعلتها..
انجى:اهدا انت بس..هى اصلا صاحية بطنها بتوجعها وعندها مغص بس ماقالتليش..وماعرفناش غير لما رجعت من عندك انت والست الهانم..
فهد بدهشة:هى تاليا كمان شافتنى وانا مع أروى؟!..
فحكى له على ماحدث..وهذا زاد من حزن فهد..وبعد عدة دقائق..خرج الطبيب من غرفة تاليا..فاقبل عليه جميعا..
فهد بلهفة:خير ي دكتور..طمنى..تاليا كويسة..صح؟!..
الدكتور:الحمدلله..احنا لحقناها ف الوقت المناسب..واديناها مسكن وركبنالها محلول..بس انا عايز افهم حالتها كانت ايه ولا اكلت ايه هيج القولون بالشكل دا؟!..
انجى:والله ي دكتور هى مااكلتش حاجة..هى بس كانت متعصبة شوية وكمان مالحقتش نفسها بالدوا لانها كانت ناسياه..
الدكتور:طب الحمدلله انكم لحقتوها لان لو ماكانتش جت ف الوقت المناسب ممكن كان يحصل اى حاجة للقولون..هى دلوقتى متعلقلها محاليل وباذن الله ع بليل كدا ممكن تخرج..عن اذنكم..
وذهب الدكتور الى مكتبه وتركهم ف حالة من الراحة والقلق ف ذات الوقت وخصوصا فهد..اتجه على اليه ووضع يده ع كتفه وقال له:ادخل بقى اطمن عليها..واحنا هنستنا هنا..
وبالفعل دخل فهد الى تاليا الغرفة..فوجدها نائمة ع السرير وشعرها مغطى بالحجاب ويوجد محاليل بقربها..واقترب اكثر وجلس ع الكرسى الموجود بجوار السرير..ونظر الى وجهها..وبعد عدة دقائق..بدأت تاليا ف استعادة وعيها شيئا فشيئا..اقترب فهد منها وقال ف لهفة:تاليا..قلبى..انتى كويسة؟!..
نظرت اليه تاليا ف تعب وارهاق..ولكنها لم تتحدث اليه وادارت وجهها الى الناحية الاخرى..عندها ادرك انها لازالت غاضبة منه بسبب ما قاله..
فهد بندم:انا عارف انى غلطت وقلت كلام وحش ويوجع بس والله غصب عنى..بس والله العظيم دا لا شك ولا غيرة..دا حب..انا بحبك اكتر من نفسى..انا حبى ليكى مخلينى انانى وعايزك ليا بس..بس والله ماشك..انا لو كنت بشك فيكى ماكنتش اعترفتلك انى بحبك..(وادار وجهها اليه ورأى عيونها الغارقة ف بحور الدموع)..هتسامحى حبيبك المتخلف الى بيقول كلام زى الدبش..صح؟!..
ابتسمت لها تاليا ابتسامة خفيفة واومأت له بالموافقة وقالت:بس ماتقولش ع حبيبى متخلف..
فهد بابتسامة:لا هو متخلف وحمار لانه بيدبش وبيقول كلام من غير مايفكر..
تاليا بابتسامة:ودى اكتر حاجة بحبها فيه..انه عفوى وبيقول الى ف قلبه..
فهد:يعنى مش زعلانة منى؟!..
تاليا:ولا عمرى اقدر ازعل منك حتى لو عملت فيا ايه..الى بيحب عمره مايعرف يكره..
امسك فهد بيدها وطبع عليها قبلة رقيقة:وانا اسف ع كل كلمة قلتهالك..
تاليا بابتسامة:ف الحب والصداقة لا يوجد اعتذار او شكر..
فهد بسخرية:ودى ف فيلم ايه دى؟!..
تاليا بضحك:ف فيلم هندى اتفرجت عليه الاسبوع الى فات..
فهد بمزاح:والنبى الهندى دا الى هيلحس دماغك انتى والهبلة الى برا دى..
تاليا:هى برا؟!..مادخلتش ليه؟!..
فهد:قلتلها هى وعلى ادخل انا الاول بعد كدا لما اناديلكم تدخلوا..
تاليا:طب نادلهم بقى؟!..
فهد بغزل:ماتخلينا لوحدنا شوية؟!..
تاليا ببعض من الخجل:بطل بقى ي فهد ونادلهم بدل مايدخلوا علينا..
فهد:طب يبقوا يعملوها كدا وربنا لاوريهم..بس عشان خاطرك هناديلهم..
ونهض فهد من ع مقعده واتجه الى الباب وقام بفتحه..فوجد.انجى وعلى جالسان ع المقاعد المقابلة للغرفة..
فهد:ادخل ياض منك ليها..
فنهضا من مقعدها ودخلت انجى الى تاليا بينما وقف على مع فهد وقال له:ي اخى خلى عند اهلك ذوق بقى..
فضربه فهد ع كتفه وقال:خليك ف حالك..
فاتجه على وجلس ع مقعد وامسك كتفه وقال لتاليا:الله يكون ف عونك والله ي تاليا..بتحبى تور..
تاليا بابتسامة:اعمل ايه بقى؟!..قدرى..
على:قدر اسود ومهبب..
فضربه فهد ع كتفه مرة اخرى وجلس بجواره وقال:ماتتلم ي خفة منك ليها..
فضحك الجميع..وحل الليل وخرجت تاليا من المستشفى..ومرت باقى الايام ف سعادة وهدوء..وذات يوم..ذهبت تاليا لكى توقظ فهد..فطرقت الباب..فوجدت أروى هى من فتحت لها الباب وهى مرتدية ثوب نوم اسود قصير وشفاف..صُدمت تاليا من ذلك..وبعد ثوانى قليلة..خرج فهد من الحمام وهو مرتدى شورت جينز..ودُهش كذلك من المنظر..
فهد بتساؤل:أروى؟!..انتى بتهببى ايه هنا ف الاوضة؟!..
فاتجهت اليه أروى واخذت تلعب ف شعره المبلل وقالت بغزل:انت نسيت ليلتنا سوا ولا ايه ي بيبى؟!..مافيش داعى تنكر..(ونظرت الى تاليا التى تقف بصدمة ع الباب)..ولا ايه ي تيلو؟!..
لم يكن فهد يدرك ان تاليا تقف ع الباب..فنظر اليها ف صدمة..وكان يرى دموعها التى تنهمر بدون توقف..وكان ع وشك التحدث ولكنها ذهبت مسرعة الى غرفتها..وكان ع وشك الذهاب خلفها ولكن أروى امسكت بيده واقتربت منه واخذت تلعب ف خصلات شعره وقالت بغزل:ماتسيبك منها بقى؟!..انا بحبك ي فهد وعايزاك..
فامسك فهد بيدها ف غضب وابعدها عنه وقال بنبرة تحذيرية:وانا مش طايقك..ابعدى عنى بقى..وقسمابالله لو قربتى منى تانى..لهوريكى اسوأ ايام ف حياتك..وانا راجل والى بقوله بنفذه..
واخذ قميص قطنى ازرق خفيف اللون وقام بارتدائه واتجه الى غرفة تاليا..واخذ يطرق ع الباب وهو يسمع الى صوت بكاء خفيف من خلف الباب..
فهد:تاليا افتحى الباب..عايز اكلمك..
تاليا بصوت باكى:امشى من هنا..مش عايزة اشوف خلقتك..امشى..
فهد:تاليا افتحى والا وقسمابالله هكسر الباب..وانتى عارفانى مجنون..
تاليا:طب ابقى اعملها ي فهد وانا اكلم بتوع الامن يجوا ياخدوك..
فهد:والله لو مافتحتيش هموت نفسى..
تاليا:احسن برضو..روح موت وريحنى منك..
فهد:كدا ي تاليا..ماشى..
وسمعت تاليا خطوات فهد وهو يبتعد..واخذت تبكى بشدة..وبعد دقائق..سمعت تاليا اصوات من الاسفل من الشاطئ..ففتحت الشرفة ونظرت الى الاسفل..فوجدت حشدا مجتمعا ف الاسفل..وينظر الى ناحية شرفة غرفة فهد..فنظرت هى كذلك..فوجدت فهد يقف ع سور الشرفة..فذهبت تاليا ركضا الى غرفة فهد التى كان بابها مفتوحا..فاتجهت اليه تاليا وقالت:انت بتهبب ايه ي مجنون انت؟!..
فهد:انت قولتيلى روح موت..
تاليا:وانت من امتى بتسمع الكلام؟!..جاى تسمع كلامى ف دى!!..انزل والنبى ي فهد..
فهد:مش هنزل غير لماتسمعينى..
تاليا:طب انزل وهسمعك..بس انزل والنبى بقى..
فهد:قلت مش هنزل غير لماتسمعينى..انا مااعرفش الزفتة دى دخلت الاوضة ازاى..بس والله العظيم انا ماعملت معاها حاجة ولا اعرف هى دخلت ازاى..
تاليا:طب انت اتكلمت وانا سمعتك..انزل بقى..والنبى ي فهد عشان خاطرى..
فنزل فهد من ع سور الشرفة واتجه اليها ونظر ف عيونها التى كانت تدمع من خوفها عليه وقال:يعنى مصدقانى ومصدقة حبى ليكى؟!..
تاليا:زى ما انت قلت قبل كدا..الغيرة مش شك..الغيرة حب..وانا بحبك بقى اعمل ايه يعنى؟!..
فهد بنظرة حب وهيام:مش عايزك تعملى اى حاجة غير انك تفضلى تحبينى وبس..
وقام باحتضانها وهى كذلك ومر اليوم عاديا جدا..ومرت باقى الايام جميلة وانتهت الرحلة وحان وقت العودة..وضب الجميع اغراضه ف الحقائب..وجاء الباص وصعد الجميع..وف الطريق..جاء لتاليا اتصال من والدها:الو ي بابا..انا كويسة..اه كمان ساعة ونص كدا وهوصل..خلاص تمام..محمدا رسول الله..
واغلقت الخط..فقام فهد بسؤالها:خير؟!..
تاليا:ابدا كان بيطمن عليا وبيسال هوصل امتى عشان يبعتلى العربية ع الكلية..
فهد وقد امسك يدها:تعرفى انى زعلان ان الرحلة دى خلصت..
تاليا:و ي ترى ليه؟!..
فهد:عشان مش هعرف اشوفك..امتحاناتنا مش ف نفس الايام غير اجازة نص السنة الى جاية دى..هشوفك ازاى انا بقى؟!..
فقام على بالدخول ف الحوار قائلا:انا عندى الحل..
فهد بعصبية:وانت مال اهلك..بتتدخل ليه انت اصلا؟!..
على:خلاص ي عم..الحق عليا كنت عايز اخدمكم..
فهد بسخرية:وهتخدمنا ازاى ي ابو العريف؟!..
على:ايه رايكم بعد الامتحانات نعمل فسخة صغننة كدا..ونخرج ونتفسح..
تاليا:تصدق فكرة..حلاوتك ي لولو..
فهد:ماتتلمى ي بت انتى..وانت خلاص مش قلت فكرتك..اطلع من دماغنا بقى..
ومرت الساعة ونصف..وعاد الباص الى الجامعة..فوجدت تاليا سيارتها موجودة ف موقف الجامعة..وكذلك فهد..وقف فهد مع تاليا بجوار سيارتها وقال لها بحب:والله ماعارف انا هعرف اعيش ازاى من غير ما اشوفك؟!..
تاليا بابتسامة:امال كنت عايش من غيرى قبل كدا ازاى؟!..
فهد:تصدقى مااعرفش..انا حسيت انى عايش من اول ماشوفتك حتى انى مافكرتش انا قبلك كنت عايش ازاى..
تاليا بخجل:ع فكرة انا مش قد كلامك دا..اهدى عليا شوية..
فهد وهو ينظر الى عيونها بهيام:اعمل ايه ف العيون الى تسحر دى؟!..الى من اول ماشوفتها مش شايف غيرها..ولا الابتسامة مع الغمازات الى تجنن دى..ولا الصوت الى ع طول ف ودانى حتى وانا نايم..فكل الى انا بقوله دا ولا حاجة بالنسبة للى انا حاسس بيه.. ولا انتى ايه رايك ي قلبى؟!..
تاليا بخجل:عايزنى اقول ايه بعد الكلام الى انت قلته دا؟!..
فهد:قولى اى حاجة؟!..
تاليا بخجل اكثر:مش عارفة اقول اى حاجة..مافيش كلام ف دماغى..
فهد بهيام ف عيونها اكثر:وانا مش عايزك تتكلمى..انا عايزك تفضلى قدام عينى بس وانا افضل ابصلك ومش عايز اى حاجة تانية..
(ع كدا هنفضل ف ام الكلية دى طول عمرنا)..
نظرا الى مصدر الصوت..وكان على برفقة انجى..فنظر اليهم فهد ف عصبية:عبو اشكالكم..بتطلعوا زى عفاريت العلبة..
على:ي عم انجز..عايز اروح انام..
فهد بعصبية:ي اخى ماتروح تنام ف اى داهية ع دماغك..هو انا خلفتك ونسيتك؟!..
ابتسمت تاليا ع طفولة فهد وعلى ثم قالت:خلاص ي فهد..روحوا بقى انت اكيد تعبان وعايز ترتاح..ونبقى نتكلم بعد كدا..
فهد:ماشى..توصلى بالسلامة ي قلبى..
تاليا:وانت كمان..
وصعد فهد وعلى ف سيارة فهد..وصعدت تاليا وانجى ف سيارة تاليا..وكلا منهما قاد ف طريقه..واوصل فهد على الى منزله وقاد هو الى المنزل وكذلك فعلت تاليا..دخل فهد الى المنزل وهو ف قمة السعادة وقابل والدته واخذ يرقص معها وهو يغنى مقطوعة من اغنية(بتلومونى ليه؟!)..