من ياخذنا الحب لدرجة الهوس و من نفقد المحبوب نحرك الاخضر واليابس الي بطريقنا
قصة انتقام عاشك قصة تجمع الحب و طابع الاجرام
قصة تتغير الطيبة بكلب عاشكنا للشر
قصة ضفائر جانت حرز انتقام ..
و تخطيط لموت ضحاياه بكل برود و قسوة
قصة ضفائر صبرية قري...
الجمهورية صباح الأربعاء كعدت الصبح كلي نشاط ناوي اخذ أجازة بدل ما باجر ورى دوامي اروح من اليوم اخذ اجازة يومين وارجع الجمعة بالليل ( ذاك العهد السبت مجانت عطلة جانت دوام وبس جمعة عطلة )
مشاعر حلوة و انة اباوع للساعة بالسبعة ونص الصبح هسة صبرية تترس ماي او جائز كملت و تكف البيت وتروح للكيعان . تاخذلها صفنة على اماكنا ولو ما اقبل تروح وحدها هناك بس حبيبتي ادريها مشتاقتلي اكثر من شهرين بعيد عنها منا مدارس منا التمت علي مشاكل وي امي
طلعت من غرفتي وانعكست صورتي بمرايا طويلة مال بالممر . لابس بنطلوني كابوي و قميص مقفل ابو مربعات ابيض بيه تقفيلة رصاصي و تقفيلة رمادي طوخ ...
شعري مسرحة لورى امس رحت للحلاق زينته حفر مثل العادة بس يتركلي بكلة تسرح لورى ( مودة تسعينات ) وكفت يم الامراية و بتسمت وانة العب بشاربي ولحيتي جنت متردد من طلب الحلاق يسويهن مودة جديدة نزلت بالتسعينات اسمها (جورجيه ) بس ردت اطلع كلش وسيم و صدك اجت علي شوارب خفيفة ولحية (جورجيه )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تلاكيت وي عفاف صبحت علي ببرود هزيت ايدي وعيني عليها ضافرة شعرها الي صاير جوة كتفها.
- عفاف!
- ها خوية.
ابتسمت هاي الايام نازلتلي بخويه.. يلة الله يهديها
- اليوم اروح لقرية (..) تدرين الجمعة كعدة عقدي على صبرية..
ضحكت - اي ادري ومبروك ههههه اني الخميس ورى الدوام اروح وي خالي وخالتي ... سكتت وباوعتلي و رجعت تحجي وهي تغمزلي بعينها بضحكة. - بس شعجب تروح اليوم هااا يا لوتي تروح تتلاكة وياها لاخر مرة كبل لا تصير بالحلال.
باوعتلهة وزمخت بوجهها
- انجبي ولج شنو هذا الكلام ادبسز مو صوجج صوجي احاجيج عبالي معدلة و اسولف عليها و الله يا الله..
خليت وطلعت وعطري يسبقني...
مدرسة ( ...) للبنين بغرفة الادارة جان خضر يقنع المدير .. باجازة قبل ينطيه الخميس بس راد يطلع اليوم الاربعاء
