ضفائر صبريه

١٤...

#ضفائر_ صبرية١٤
بقلم وئام علي ..
ببيت خضر الماهود...
                    * بسم الله الرحمن الرحيم نبدأ *

ورى ما مرت نجم خابرت لسلفتها جان الحجي خضر  بباب الديوان طلع وهو يسمع الحجي
- اي ولج فضيحة هي لو منطتج تربيلها البنات والله احسن همزين اخذتي عفيف..

خايبة شنهي ما مصكدتني البنية حامل مغتصبيها سلابة  و ناس تشهر مرافجتلها غريب عن السلف تواعده  مرت ابوها طاشة الخبر .. اي خية دربالج خضر يتقشمر طلكوها احسن يلة اروحن ..

سدت مرت نجم السماعة وهي من جابو الخط بس تخابر للي عدهم تلفون و الغيبة مشتغلة .

رفعت راسها شافت الحجي خضر ماهود موسع عيونة و يجر النفس كوة ...

وتذكر  حجي شيخ رحيم كبل لا يكوم منه .  يتعذر و ما فهم ليش

- حجي ابو سهيل  ماكو نصيب الولد معاند يكول مامش قسمة يطلك نورية ووداها اهلها...

- شلون شنهي سلعة ويردها ..

شيخ رحيم مدنك ويلعب بلحيتة ..
- يمكن ما تدري الله يستر على كل اعراضنا وبناتنا

عيون حجي خضر وملامحة انخطفت وهو ما يعرف شصاير
- صاير شي بالسلف

- ها .. لا .. مامش شي يا الله سويلي طريج  اروح هم يا الله ازهب روحي اريد اطلع لبغداد بشغل و ابن اخوي وبت بتك موش متوالمين و الزواج غسمة و نصيب.

تركة وهو يحسب اسداس بخماس من طلع من باب الديوان للحوش هناك تلفون ثاني غير الي بالمضيف.

سمع السمعة وحس بخنكة وهو كوة يتنفس و طاح من طولة سودت الدنيا بعينة وما يسمع صوت جنته بس همس وصله انغلقت الدنية كلش وغمض عينه..

التمت النساوين صريخ ولطم ...

ورى ما اخذوه لمستشفى الدير تقرر انو متوفي بسكتة قلبية  مفاجئة...

البيت مخبوص و مرت نجم غلست ما حجت انو سمع حجيها ..
ووصل لولدهم انو شيخ رحيم كايلة ابن اخوه رد بت بتك لهلها ..

-------------------
ببيت سهيل ...

دخلت للبيت ببالي اروح احدد موعد الزواج وافضها ابد ولا اطلك وخل نشوف والله اخطفها من اهلها ولا اطلك ..

ما لحكت اكعد ارتاح تلكتني امي تعال طلك صابرين 

و من رديتها تكلي حامل ....
هنا صفنت بوجهها وكتلهة

- عوفج من هاي الدروب انت شتحجين ...

شنو حامل هو يمتة تزوجتها وتحبل ترى عيب وشنو طلك...

- يكولون مغتصبيها سلابة مرت عمك كلتلي و ناس تحجي وانفضحوا اهلهة اصلا اريد انبهك خاف جدك يكلك هي عرضنا وبت عمتك تسترها يمة الكاع التنداس مو مثل الي لسة جديدة التنداس مرة تنداس اكثر خليلك كرامة وطلكها ..