ضفائر صبريه

١١ جزء ثاني..

/

❣ ارجو التفاعل على الفقرات
ارجو التصويت وشكرا
__________________///
#قصة_ضفائر_صبرية١١
الجزء الثاني
وئام علي..

"من بعد كل معاناة وجدنا انفسنا في طريق مسدود"
----------------

ايران ...
مستشفى في شيراز

صرختي وانة اشيل ابني الميت بين ايدي

عرفت حوبتها ما تخطيني ...

و الله عرفت ... ثاني طفل الي واحد اسقاط بالسادس واحد انولد ميت

عرفت هذا العقاب ..

عقاب دنيوي لكل افعالي ..

مشيت بعيد ... مهموم مجروح.

و انة اتذكر ... و يمر كلشي ببالي .. بخصوص .. السويته...
انتقامي من حجي راضي بدمار بناتة وشنو النتيجة تحملت ذنب بقت خطية صبرية و ابنها بركبتي ..

ما جنت اخ جبير جنت اله انتقام دفعتها اهوائي..
ما احتويت غازي ولا محسن..

كل همي ابوهم الطخ سمعته بالطين ...

متناسي ولده هم اخوتي وعرضه هو عرضهم يعني عرضي ...

يمكن ندم داخلي بس ادري ماكو خط رجعة لورى الصار صار ودمر الكل ..

و هذا عقابي اشوف ذريتي تنولد وتموت كدام عيني ....
جان هروبي لايران اخر حل هروبي من فعلتي ومن الحكومة ...

وحيد بلا معين... بس فلوس تابعة للعصابة بكتهن وشردت..

عن طريق الهور جان هروبي ...

اول ما لزموني حرس حدود ايران ..

-او دشمن است اوه، بلند شو !انه العدو اوه.. انهض
بس اباوع بعيوني

ضربة على جتفي خلتني اركع كدامهم ...

و سلبوني جنطتي فتشوها شافوا الفلوس بالعملة الصعبة..الي جانت بس الطبقة الغنية بالعراق تملك هل عملة خاصة تجار لان فلوس العراق جانت ممعترف بيها والطبع مو سويسري ..

رجع واحد باوع للثاني و هم يبتسمون...

-خدایا مبلغ زیادی است ..( يا الله هذه فلوس كثيرة )

كلبجوني واخذوني..

الفلوس تصادرت...

المكان الخذوني اله مثل معتقل ..

يومية تحقيق ...

و كل جوابي اني هارب من البعث قتل اهلي و اغتصب خواتي بس طلعت بروحي وفلوسي..

بعدين اخذوني مكان بيه عراقين..

و عرفت بديت اندرج لامور اخرى ...

تقريبا سنتين هيج شي شوي اكثر بقيت بايران ..

انتميت منظمة *** ...
الي يدخل ايران لازم يندرج لهاي المنظمة والا يسفروه او يقتلوه او ينسجن .. على اعتبار انه جاسوس او عميل