ضفائر صبريه

١٦ جزء ثاني...

#قصة_ضفائر_صبرية١٦
الجزء الثاني
وئام علي
عدد كلمات البارت ٤٠٧٨ كلمة

انه ذاك الغريب التوجعه الناس
انه اليذكر هله اعله مرورت الكاس

انه ال لا ياخذه الله ولايخلي
انه المايدري وين يسولف البي 

انه الشدته الدنيه بريلهه جروخ

انه المايدري عدمن باجر يبات
انه الباكن مكاتيبه الحمامات 

انه الكل ذني بيه وعاشك وحاب
انه المحبوبته بضحكتهه الف باب

#مرتضى_العگيلي

❣❣❣❣❣❣❣

كاعد يم عائلتي ورى يومين من جبتهم وهاي المرة خابر ابو جواد
- عد ساعاتك... لو تنفذ الي نريده
- ابو جواد شتقصد...

غلقة و انة ما اهتميت يهوبز هواي ..

ثاني يوم ب ٥ الفجر كعدت صليت و كالعادة صليت  ركعتين لروح ابوي وصبرية ...
و حتى جدي ...

و طويت السجادة وعفاف تفتر تحضر ريوكي ..
طلبت منها ترجع تنام...
- نامي ام علاوي .. ما اشتهي شي اتريك بالفوج
- خضر ما خابرت خالتي طولت هاي المرة هناك

- يومية اخابرها شو جنها متونسة ترجع وين تروح ...يلة اودعناكم

بوست جهالي ومرتي وطلعت طلعت سيارتي من الكراج رجعت سديت الباب ما خليت عفاف تطلع جو بارد اكدر اسد الباب ..

برجعتي شي بخصري وصوت هامس

- خضر اصعد سيارتك !
تلفتت جانو ٣ افراد....

- منو انتم شتردون ؟...

ايدي على خصري اريد اخذ سلاحي

- كنالك اصعد..

فتحوا اقسام سلاحهم..

عاندت ما صعدت...

حسيت التاريخ يعيد نفسة اليوم الي ابوية قاوم وقتلوه يم بابه...

واحد منهم دفعني يريد يصعدني عرفت كل الي بالهم خطفي.

امنت ما يقتلوني 
تلاويت وياهم ...

ما حسيت الا الثالث الواكف رماني ..

شهكة .. غواش ظلام ...

صوت سقوط على الارض صوت شخطة سيارة و هروبهم...

عيوني رمشات سريعة شوي شوي ببطء ...

  نقزة بكلبي .

وياها صوت بجي ابني
خليت ايدي على كلبي ورحت لعلاوي ارجع نومته
ما كلفني دقايق قليلة

توني تمددت  يم جهالي اسم الله ابني كل ساع كعد ويبجي مدري شبيه حلمان . 

حظنت علاوي و مناك صبا مدت رجلها على بطن صابرين عدلت نومة البنيات ورجعت تمددت وتغطيت ...