#فوبيا_الحب❤
الحلقة [57]
ناض باسم مضايق من زكمه يحس في روحه مريض وقعد يبحت فيا ويبوس فيا بشويش فتحت عيوني ورديت سكرتهن هو مازال يبوس ابتسمت شافني رد يبوس آخر تباعد مني شويه وعطس قعدت نضحك بشويش
باسم قرب مني مسك يدي : تضحكي يا فوبيتي
انا فتحت عيوني رقصت حواجبي بمعني اها
باسم باس كف يدي : ناعليا نا امس فوبيا طارت مره وحده فطنتي للروحك هههههههه
انا تحشمت غمضت عيوني
باسم يضحك : تقوقعتي ولا كيف
انا : خلاص بلا سماطه
باسم يكح ويضحك : نجك ليا ياروحي انتي شن رايك نعاودو جو امس "غمزلي"
انا : باسم صبح وامس عمليه انس ما رنيتش خليني نرن
باسم : باه خليك هنا ما تحركيش نعرف كيف نصرف معاك دواك عندي يا فوبيتي
انا غطيت روحي باسم صبي جاب فون ورد جنبي وحضني
باسم : نرن انا معه شباب انتي ما تهدرزيش
انا : نبي نطمن عليه
باسم يرن : توا نخليك تسمعي صوته
انا بحتت فيه رفعت حاجبي
باسم ابتسم : ايوه
انس : يا مرحبا بنسيب
باسم مبتسم ونزل تلفون : نعليا عليك نسبه عسل "باسني ع راسي "
انا فنصت رد تلفون
باسم : شن جوك الحمدلله على سلامتك
انس : الله يسلمك شنو جو عندكم
باسم : ميه ميه شنو جوك انت بعد عمليه
انا قدمت وحطيت وذني ع تلفون وباسم ماسك ضحكته ع حركتي ويشم فيا وغمض عيونه
انس : والله كويس غير دكتور مايبيش يطلقني قال لازم تقعد شهر
باسم مش فاطن للروحه : اهااا "بعدها فطن " يعني تروح نص رمضان ويفوت عليك فرح عمر
انس : لنقاني نبي نروح نشد حيلي بس
انا : تروح نوريك وحق ربي نبص عند بابا وماما واحمد
انس : منور يا باسم ان شاء الله ديما طيب
باسم وخرني : تمام شن قالك اخري
انا قمعزت وربعت ايديا ونبحت فيه
انس : والله لعند توا قالي حمدلله بس لازم راحه تامه
باسم : باهي خليك يا راجل كنك مستعجل
انس : هههه ان شاء الله ان شاء الله
خشت ممرضه ع انس وشاب اللي معه : صباح الخير
انس وشاب : صباح النور
باسم : توصي بشي ناقصتك حاجه
انس : لا سلامتك والله ديما طيب ان شاء الله
باسم : تسلم سلام
انس : اوكي
باسم سكر وحط فون جنبه بحت فيا : اطمنتي
انا : والله بعد نقعد دويت قول اطمنتي ولا مازالتي مشغوله
باسم : هههههه مره اخري توا تكلمي انتي
انا رقدت
باسم جاء جنبي : كيف فيش فطور
انا : لالا مافيش
باسم جاء فوقي : تمام بكل
انا ابتسمت : لا خلاص توا اندير فطور
باسم نزل عليا : لا معش نبي
ورحنا في خبر كان.....
...........
الاء : صباح خير حبيبي
انس : صباح الورد وياسمين
الاء : فش حد جنبك
انس : امالا عليش ران
الاء : نجك ليا ، روحي شن صار في شباب اللي معاك انس : واحد بعد عمليه حطوه في عنايه تعبان واخر طلع توا
الاء : ياروحي عليش عنايه
انس : وانتي شن دخلك شنو روحي هذه
الاء ابتسمت : وجعني بس
انس : ما يوجعك غالي خليك فيا انا بس دخلكش بالناس اخري فاهمه
الاء : باهي كنك انفصلت
انس : لا عادي
الاء : نحبك يا طويلي
انس : وانا نحبك يا روحي نبي نقولك
الاء : نعم حبيبي
انس : احتمال نمدد شويه
الاء : كيف يعني
انس : والله يا نقطه دكتور قالي كانت تروح يصير في مضاعفات وجو شين بكل يعني عملية تفشل
الاء سكتت
انس : اوي نقطه راه مكالمه دولية كنك سكتي
الاء : شن نبي نقول
انس : كنك مصره عليا نروح انتي شكلك مرايفه عليا لين بكل تقول متجوزين ههههههه
الاء : لا خلاص خليك اهم شي صحتك
انس : تي نا عليا نا بس حي كان متجوزين راه ناخذك معايا اه يا نقطه كان نحصلك
الاء : انس بلاش براده
انس يقلد فيها : انس بلاش براده
الاء : خلاص سكر ورن واتس نبيك في موضوع
انس : خش خش ، هيا اوكي توا ترن مره اخري
الاء : يعني توا لا طويلي
انس تنهد : اها "نقص صوته" كنك حبيبي في حاجه
الاء : لا تمام دير بالك على روحك حبيبي
انس : إن شاء الله، هيا اوكي
سكر انس كان خاطر يهدرز مع الاء ويفهم منها كنها صوتها صوت وحده مرايفه ع خايفه يبي يعرف كنها هو طمن فيه مع هذا كله مش مطمن ويبي يروح لكن دكتور قاله مافيش خروج دزلها صوره ع واتس شاب لابس بدله عسكريه يبوس في وحده قصيره كتبها تحتها" نحبك يا نقطه"
.............
عمر يسوق : شنو باهي
هنيده : وسع بالك عليا شويه مش دغري فهمتني
عمر : فيهش توسيع بال عمليه هرمنا من أجل هذه لحظه تاريخيه
هنيده ضحكت : كنك ع صبح
عمر : كني شي في وحده امس حكت معايا ساعه وبعدها دارت طروح وسكرت
هنيده : مسمطك والله حوش مليان وقعدن يضبحلي تعالي تعالي معش عرفت وين نقطع روحي
عمر : لا انتي تعاليلي بس تقطع خليه شوري "وضحك"
هنيده : عمرررر
عمر يضحك : خلاص سكري وصلت للمكتب
هنيده : ربي يرزقك
عمر : إن شاء الله سلام
سكرت هنيده مستغربه من كلام عمر كاين معاها ديما عاقل وكلامه هادي وراقي ماعمرش دوه كلام نفس هكي قعدت تضحك وطلعت
.........
ابراهيم : وينك
ايوب : في ميناء ازف متبهدل تعال معايا يا ### وجيب أصحاب معاك
ابراهيم : عليش نجيبهم منزلين سيارات
ايوب : لا منزلين دبش يا ### تعال تعبت وربي كعبه من 8 بروحي
ابراهيم : تي باهي ازف عمر دازني مشوار شور هله نشيللهم حاجات ونجيك مش مطول
ايوب : خلاص نرجى فيك
سكر ابراهيم وعدا للهل هنيده عطها بطاقه حجز وفلوس وعدا للاصحابه خذاهم وشالهم للايوب نزلوه معه سياره للمعرض وكسدو شويه وروحو قعدو ايوب وابراهيم
ابراهيم : ايوب نبي نسالك
ايوب يدخن : كنك
ابراهيم : نبي نعرف اللي حبيتها وخلاتك تفسخ عشانها
ايوب : ما تقول للحد خاطري ندوي اصلا غمه في قلبي قعدت
ابراهيم سقم تقمعزته : من ادوي عليك امان
ايوب : ايلاف
ابراهيم : من ايلاف
ايوب : بنت عمي صلاح
ابراهيم فنص وصبي : كيف كيف
ايوب : ما حبتنيش هيا سكرتها في وجهي وقالتلي اني اصغر منها وعناد فيها خطبت وما قدرتش نكمل معاها فسخت ودرت علاقه مع كم بنت ما كملتش معاهن اهو توا قاعد نكلم في غرباويه
ابراهيم : ايلاف متاكد
ايوب : اها كنها
ابراهيم : ما كنها شي بس اكبر منك
ايوب : ### ام قصه هذه وكان اكبر مني شنو يعني
ابراهيم : هذا كله عشان ايلاف
ايوب : اوووف اوف وربي كان ترد ناخذها
ابراهيم : ايوب ازف عيب عليك بنت عمك كيف اختك
ايوب : منور يا سبع البرمبه توا يجي يوم ننساها
ابراهيم : ومن غرباويه
ايوب : ههههه اللي غلطه في رقم يومتها طيحتها
ابراهيم : لنقانك صايع يا اخي
ايوب : شهاده نعتز بيها شكرا شكرا
ابراهيم قعد يضحك وقعد يدويله عليا وابراهيم يقوله فوت توا بنت اجوزت عيب وحرام ....
.......
احمد : قاعد في حوشنا جايب حاجات نركب فيهن
سناء : حي ع نشاط
احمد : هههه كنك تحسدي فيا
سناء : لا والله شن جبت
احمد : دولاب كوجينه رسيت علي واحد عجبني امس
سناء : اها صوره ليا مطبخ كله
احمد : بعد يكملو عمال توا نصوره لك
سناء : باهي نبي نقولك
احمد نزل فون : اصبري حبيبي العريس ع خط شكله روح
سناء : باسم
احمد : أين باسم خوك خلاص مش ديما عريس هذا صاحبي
سناء : ههه تمام
احمد سكر فتح ع فارس
فارس : طيرررري
احمد يضحك : يا مرحبا بالعريس طولت الغيبه
فارس : مرحبا بيك شنو جو
احمد : نسيتنا يا كلب
فارس : لا بالك نبي نذكركم
احمد : مش درجه هذه يا ### امتي وصلت
فارس : امس وصلت، رنيت ع حسن وقالي ع طحنه يا ### انتم معقوله هكي ونرن ع باشا مقفل وانت واحد مشغول واخري مقفل كنكم
احمد : تبينا نخربو عليك ولا كيف مهم زطت وشرفتنا
فارس : ههههه سكر فمك تي وين باشا
احمد : باشا مقفل في مشرق
فارس : اهااا بروحه ولا مع هله
احمد كح : لا هله معه
فارس ابتسم : تمام المهم حمدلله على سلامتك يا طيري
احمد : الله يسلمك
فارس : وين قاعد
احمد : في حوشي نركب في دولاب كوجينه
فارس : قربت امالا
احمد : بعد عيد ان شاء الله
فارس : ما شاء الله ربي يكمل عليك يا نصي
احمد : تسلم يا غالي
فارس : في ليل جايك انا وحسن
احمد : تم نرجى فيكم
فارس : هيا سلام
سكر ورن ع سناء قعد يهدرز معها وفات عمال
........
الاء : ماما نبي نسالك
هدي : شنو
الاء تحط في غداء : بابا شن قال ع شاب اللي جاي يبي يخطب
هدي : توا انتي مش مش موافقه عليش تسألي
الاء : لا قلت نبي نعرف بابا شن قال بس
هدي : قالي بنت مش عطيها توا لعند تكمل قريتها ان شاء الله يجيني ولد الوزير ماني عطيها مش ولد جاري
الاء حطت ساقم : شنو شنو كيف مش عطيها هذه
هدي : مش ماتبيش كنك توا وافقتي
الاء : لا مش موافقه ، بس شنو مش عاطيها هذه
هدي : حي كان تشوفي شروط باتك شنو تقولي كملها ليا بنتي الوحيده مش اي حد يأخذها
الاء خافت : كيف يا ماما
هدي تحط في سلاطه : يبيه متعلم مهندس ولا دكتور ولا محامي مهم شهاده وراجل سمعته كويسه ومحترم وشاب اللي متقدمك قال سلاسل مش داير سيور ع روحه قتله هي بروحها مش موافقه قالي هكي خير
الاء فنصت عيونها : مش ديما يقول رجاله محاظر مش مناظر شن فيها كان يلبس في سلسله ماه حتي ابراهيم يلبس فيها
هدي تحط في سفره : وانتي كنك حارقه كنك مش ماتبيش كنك غيرتي رايك
الاء : لا ما غيرتش رايى بس نظره بابا للشباب خطأ كنه هكي هو
هدي : حطي غداء وسكري فمك مش ناقصه انا اللي فيا سادني انا عقلي مع باتي وانتي عقلك في زيزه وراي بوك خاطيني
طلعت هدي والاء قعدت تحط في غداء ودمعتها في عينها حطت غداء للباتها وامها وخشت للدار وسكرتها
.......
باسم : نا عليا نا وخلاص
انا ابتسمت : باه افطر كيف الناس
باسم : فطرت خلاص
انا صبيت قعدت نلم وباسم ورايا كل مانلم حاجه نلقاه في وجهي وكان صبيت يبوسني
انا : باهي و بعدها
باسم عطس وضحك : نساعد فيك
انا : ركب الحاجات في سياره بيش نعدو للفندق نلمو ونروحو باهي عشان خاطري
باسم عض ع فمه : تي نعليا نا وخلاص عشان خاطري انا خلينا نقعدو اليوم
انا : باسم الفرح عاد
باسم : والله مريض مش قادر نسوق يوم بس "وقرب مني حصرني"
انا تنهدت : باهي نبي دبش اللي في فندق
باسم : هيا نعدو للفندق باه
انا : تمام نلبس بس
لبسنا وطلعنا دبش وطريق كلها وباسم ماسك يدي ويبوس فيها دهورني مشرق كلها وتغدينا في مطعم وانا فرحانه بكل مش قادره نعبر هو ينابش فيا ونضحك عليه بعد يعطس وجعني مريض ويكابر عشاني قتله خلينا نروحو تعشينا وروحنا وصلنا للفندق سرير طبي نعليا رقدنا دغري
........
رانيا : لا خلاص
عميمه : والله تقعدي اهن بنات كسدي معاهن
رانيا : مره اخري يا عميمه
سناء : خليها براحتها يا ماما شكلها مضايقه من حاجه
عميمه : من اللي ضايقك قولي عويل محمد ولا بنات
رانيا : لا والله ما في واحد ضايقني غير خلاص ليا كم يوم توا نجيكم مره اخري
عميمه : علي راحتك
فتح الله صبي : هي سلام عليكم
عميمه وبنات : عليكم سلام
عميمه : بالسلامه سلميلي ع مينتك
رانيا تكر في ساكو وراقيلها : يوصل
بنات ركبن في دار حنين ومعاها رحاب
رحاب : اقسم بالله كيف ما حكيتلكن لنقانها وجعتني اوفي يا خيا والله دمعتها في عينها
سناء : البنت طيبه و ماتدويش خوات احمد عارفتهن كلهن طيبات لين بكل ما ياخذنش في حقهن مع ان احمد قالي ايلاف أكثر وحده شخصيتها قويه ما تحبش تسكت ع خطأ بس بنت خالكن هذه اااااه منها ماهي ملعبه وحق الله
حنين : بعد خشت علينا يوم طيحه تبكي وحالتها حاله لكن ماجبتش سيره باسم
اسماء : كنك مع رانيا بالك بنت نيتها طيبه
رحاب : طيب لهااااتك يا قلبي تعرفي يوم مزرعه ع دروج قالت للاوفي ..... "قالتلهن شن صار "
بنات : هييي طح سعدها اللي ما تحشم
اسماء : وووه عليا عنجد تجيني قريبته تقولي هكي وين تندري راقد ع فجر ولا صبح
حنين : اسمعن جو سواسه هذا ما يمشيش معايا وحده فينا تدويلها
سناء : دويتلها وحق الله لكن شنو تقولي البراده
رحاب : حي كان تشوفن باسم كيف يجري يومها بعد شاف ايلاف شافته هههههه والله زرتني ضحكه يا بنات
حنين : يا روحي يا خويا يحبها والله باينه في عيونه
اسماء : حتي اوفي تحبه يهبلو بكل
سناء : يعوينهم انظر في يديرو في مشرق
رحاب : ان شاء الله يدهور فيها كلها وانا بلعاني قلتها قدامها ان ايلاف وباسم في مشرق هك بيش تنقهر
بنات يضحكن
حنين : هابا عليك حتي انتي
رحاب : تسخف البنت يا انتن والله وجعتني الي يخطم يعزقلها كلمه
سناء : باهي خلاص فوتن موضوع ، انتي شن قالولك
رحاب : بكرا ماشيه للمستشفي نبي نعرف
قعدن يهدرزن بنات لعند جاء محمود وروح هو رحاب حوشهم
..........
ثاني يوم نحن روحنا قبل ما نوصلو باسم شراء دواء خشيت للفيلا سلمت ع عميمه وبنات باسم قبل ما يخش سأل بواب ع رانيا قاله روحت لحقني سلم عليهم وخشينا للحوشنا باسم مايشوف في شي قدامه خذا دواء رقد دغري وانا قعدت نلم في حاجات وفتحت ع غساله ودرت دوش لبست روبي ومشطت شعري ودهنت كرعيا بالكريمه وجسمي بدلكه المغربية😍 ورقدت
......
فاتحين سكايب ع لابتوب احمد مقمعزين مع بعضهم
احمد : خلاص شريتهن لك كلهن امس في ليل
عمر : منور ياحمادي نصيبك في فرحك
انس : تسهفو فيا يا ###
ابراهيم : خليني نجيك ازف نمسكلك حتي تغذيه
انس : منور يا لقاق مانبيكش
ايوب : عليش ماشيله فوته توا نطلعو بروحنا
انس : أنت بذات سكرلي فمك معلومات كلهن عندي فكني من #### فاهم
عمر : كنكم يا كلاب تقول ماني مقمعز
احمد : هههههههه والله يا عمر عويل مهزلو بيك رسمي كلام نفس هذا في شقه العريس وع صبح اخري استغفر الله العظيم وخلاص
عمر : لا توا نلق امهم تو يفطنو للروحهم
ايوب : منور يا حمادي
احمد : بالجودة هههههه اي خدمه
ابراهيم بصوت واطي : مثقل ### هلك
انس : احم شباب راه انا مش جاي الا بدايه رمضان
عمر : عليش شنو صار
انس قعد يحكيلهم اللي قاله له دكتور
عمر : خلاص خليك
انس : تمام بس في بدايه رمضان توا نجيكم
احمد : بعد يقول روح روح ما تعاندش
انس : مليت من مستشفي ازف
ايوب : تحمل الله غالب يا نصي ان شاء الله توضلنا بخير
انس تنهد : ان شاء الله ان شاء الله هيا سلام شباب دكتور شويا يبي يمر
عمر : سلام دير بالك علي روحك
انس : إن شاء الله سلام
سكرو كل حد عدا شغله
.........
باسم يتحرك في سرير ونا كنت عاطيته بظهري فتح عيونه قرب مني وحضني من لاوراء نضت برمت عليه
انا : صباح خير
باسم : صباح العسل حتي وانا مزكوم بنتك في خشمي
انا ابتسمت : شنو كويس اليوم
باسم : مدام انتي حدايا ونفتح عيوني نشوف في عيونك وانا كويس
انا حطيت ايديا ع عيوني
باسم يكح وقرب مني حضني : ههههه شنو البنة سمحه هذه جديده
انا نوخر فيه : اها جديده باسم حول
باسم : كنك حبيبي
انا صبيت نجري للحمام نرجع وباسم لحقني وخش معايا
باسم مسكني من كتوفي : كنك ياروحي
انا نغسل في وجهي : مش عارفه "بحتت في مرايا " ورش توا يطلع عليك قصه
باسم : معدتك توجع فيك
انا : في وجع بس مش عارفه كني
باسم : البسي نشيلك مستشفي
انا : اها نبي نعدي ناخذ ابره بيش نعدي للهلي بعدين نلبس سريع
خشينا لبسنا وعدينا للمستشفي
ممرضه : ايلاف صلاح فلاني
انا صبيت ودزيت مسج للباسم اني خشيت جاء جنب غرفه دكتوره
دكتوره : من شنو تالمي
انا : بطني ونهايه ظهري ورجعت
دكتوره تكتب في تحليل : اها تمام ديري تحليل هذينا وردي عليا
انا : وابره مانبيش نرجع اخري
دكتوره ابتسمت : ديري تحاليلك وتعاليلي بس
انا صبيت شكرتها وطلعت للباسم خذاني وعدينا مكان تحليل درتهن وردينا للحوش حطني وعدا درت غداء وكلمت ماريا لمتلي الحوش كله وعدت جاء باسم حطيت غداء وتغدينا وقيلنا شويه وباسم نضنا حطني في حوش هلي وعدا يجيب في تحليل
باسم : سلام عليكم
ممرضه : عليكم سلام تفضل
باسم : نبي تحليل زوجتي مدام ايلاف صلاح فلاني
ممرضه قعدت ادور : اهوا تفضل
باسم فتحه مافهم شي ابتسم : ما فهمتش شي
ممرضه ضحكت خذاته منه : توا نقرالك انا
..........
يتبع ....
رايكن 😉
Fafy faa
