#فوبيا_الحب ❤
الحلقة [70]
اذن مغرب فطر باسم ع اميه وانا جابولي فطور
باسم : ايلاف ايلاف
انا نضت
باسم : افطري
انا : بعدين توا نعسانه
رديت رقدت
باسم عرفني ما نبيش ندوي معاه حط ماكله وطلع فم غرفه خش عليه ايوب
ايوب : سلام عليكم
باسم دفه من كتفه : برا برا وين جاي
ايوب عض لسانه : جاي نفهمك
باسم دفه بالقوه لعند طاح : انت واحد وسخ وحقير كان انت راجل راه مش هذا حالك
ايوب صبي التمو دكاتره وممرضين : انا راجل غصبن عليك
باسم قرب من ايوب وقعد يضرب فيه : توا نوري امك شكل رجوله يا ### ### ####
دكتور يحز : صلو ع نبي يا شباب وقت فطور راه انتم في عياده مش في شارع
باسم كر ايوب ودف دكاتره وطلع برا العياده
ممرضه : معقوله هذا خو دكتور محمود
ممرضه : مش شوره بكل دكتور محمود هادي
دكتور : كلمو محمود
ممرضه : مش ماسك الدكتور لكن توا نرن عليه
دكاتره لحقوهم برا
باسم حط ايوب ع سياره هو يضرب وايوب يدافع ع روحه مالحقش يضرب باسم فكوهم دكاتره
ايوب : انت واحد حمار واقسم بالله حمار
باسم : تي روح يا فرخ يا ### ورب الجلال كان ما تروح نقتل ### هلك توا
ايوب فك روحه من شباب : مش مروح لعند نفهمك
باسم : تي اطلقو امي ا## خلوني نقتله بيش تطفي نار اللي فيا
دكتور مختار : يا باسم مش هكي يا راجل كنك
باسم : لا هكي فوتو ### امي " دفهم عدا يجري للايوب " تعال يا ### تعال
دكتور مختار : رنو علي خوه هذا هايج ماقدرتش عليه
محمود درس سيارته جاء يجري : باااااسم
ايوب : تي وخر ازف " ضرب باسم بوني ع فمه "
باسم ردها طول ع فم كبده
ايوب ركع ومحمود جاء مسك باسم
محمود : كنك يا حيوان شن جو فروخ و سناكيح هذا
باسم : مش شورك انت محد دخله بيا انا وانت "وشير ع ايوب وداهش " والله هذا كله نقطه في بحر غلي عليك يا فرخ ###
محمود برم : ايوب كيف كنكم
ايوب ماسك فم كبده
محمود : خلاص فضت شباب منورين
دكاتره كلهم خشو
باسم داهش يمسح في فمه
ايوب : انا جاي نقولك كلمتين بس عارفك سمعت اللي قلته للابراهيم وبعد رنيت عليه رن عليا
باسم قرب مسكه محمود
ايوب : لكن اقسم بالله ايلاف ما دورتني قبل ما خذاتك ولا بعد خذاتك حتي كلام قليل نادر هو انا قلتلها لكن هيا قالتلي لا هذا قبل ما تاخذك طبعا بنت عمي بنت اصول وعارف تربيتها كويس
انا يا ما كلمت بنات ع قد عدد شعر راسي شرق غرب هي ما عمرهش كلمت شاب ممكن من كثر ما نكلم في بنات معش عندي ثقه فيهن وهذه عارفها مستحيل تلعب من وراء ظهري هذا عليش كنت متمسك بيها بس هيا رفضتني بكل
محمود : كيف انا مش فاهم شي
باسم فك روحه وعدا للايوب وضربه : انت واحد ### و$ ###
محمود دف باسم : تي خلاص كنكم ازف وانت هلي وهل مراتك يبو يجو شن منظرك توا
ايوب : انا قبل ما نبيش نعبرك ولا نجيك كان مش ابراهيم راه فتلك وانت اللي قلته للابراهيم مش تمام راه
باسم : تي روح يا كلب روح كان نشوفك جاي شورها بس والله نذبحك يا ####
ايوب : ياريت كلام هذا يموت هنا عشان عايله تقعد كيف ما هيا مانبيش يصير بين باتي وعمي صلاح اي مشاكل
عدا ماحويتك ما يمشي ركب سيارته
محمود : شنو هذا ما فهمت شي
باسم يمسح في راسه وجهه : استغفر الله العظيم استغفر الله العظيم
محمود مدله دبش : تعال نخشو للمكتب
باسم خذا دبش : نبي نغسل توا نلحقك
محمود : تعال حمام مكتبي
.........
احمد : ها شنو ناقص
هبه : تمام كل شي جبته بس نبي شاش عشان نغلف ولا تشيل تغلفه
احمد : لا هذينا امتاعات صبايا غلفي بروحك قوليلي شن تبي نجيبلك توا باقي توا نغلفه برا
هبه : خلاص جيبلي شاش ذهبي و فيونكه حمره بوكس سمح
احمد : بعد نروح من ايلاف توا نجيبلك
هبه : تمام
احمد : امي بيش تقولي للباتي بكرا نبي نحدد فرح في شهر 10
ماما : انت تبيه هكي
احمد : كان ع منذر كويس وانا يوميا نرن ع مالك مش مقصر وايلاف ما فيها شي خلاص اجلت كم مره
هبه : مش حوشك واتي حدد عليش تأجل
ماما : باهي توا نقوله
منتصر : مش حيقول شي عارفه باتي مهم اديرلي اللي قلتلي عليه
احمد : انت اطلع من شهاده اعداديه توا نجيبلك
ماما : شنو تبي انت
منتصر : حاجه كنك يا امي
احمد : ساهله يا امي يبي كويش كوره من برتغال صاحبي غادي قالتله بس مش توا يبي يدزه لين تطلع نتيجه
منتصر : هانت بعد عيد تطلع
احمد : باهي تمام
ماما : احمد شيلني للخيتك في مستشفي امس ما عجبتنيش بكل
احمد : باهي بسرعه البسي ورايا كم مشوار
هبه : وانا
احمد : لا
هبه صبت شالت معاها بغشه وخشت للمطبخ تغسل في مواعين
.......
انس يدخن : صحه فطور حبي
الاء : سلمك حبيبي شن جو
انس : تمام شن جوك إنت
الاء : الحمد لله
انس : كنه ثور ابراهيم نضبحله طلع يجري
الاء : مش عارف تلفونه رن رد في مربوعه ونزل يجري ما كملش فطوره وقالي قولي للبابا انه في حمام بعدها طلع
انس : شن داير مشكله
الاء : لالا اليوم ما طلعش مسكر ع روحه مربوعه تلفزيون ونت
انس : توا يرن عليا كان في حاجه
الاء: ان شاء الله خير حبيبي انظم مطبخ و نرن عليك
انس : ديري بسبوسه و نزليلي مش طالع لعند ناكلها مع طاسه قهوه
الاء : من عيوني
انس : نعليا نا منك ومن عيونك يا عيوني
الاء : شنو اللغه عيون هذه ههههه
انس عزق سبسي : لا مش هكي اللغه عيون بعدين توا نقولك كيف
الاء : امتي بعدين بعد انزل بسبوسه
انس : لالا بعدين في حوشنا
الاء : انس خلاص سكر
انس يقلد فيها : انس خلاص سكر ههههه لا شاهي مش سكر
الاء : سماطه ياربي سماطه
انس : توا نوريك ع كلمه سماطه غير تنزلي بس
الاء : باهي مش نازله
انس : انا نركب عادي
الاء : مش فتحتلك
انس : تحل خالتي ونخش نقولك صبي ديري قهوه وبسبوسه ونقعد مقابلك وانت اديري ان شاء الله امك تصبي تصلي ولا تعدي تجيب اي حاجه ونخشلك في كوجينه ونعضك وننزل ما نشربش ولا ناكل
الاء : مطبخنا فيه باب مش نفسكم بلا باب
انس : عادي نقولك تسكريش باب مرات تحطيلي شي حاجه بيش نخطبك قدام امك ندوي راه عادي
الاء : بلا حناطه توا انديرلك
انس : ما تعسليهش ونبي
الاء : كيف ان شاء الله تجيش لازم عسل
انس : إنت مدي طرف بيدك بس توا يقعد عسلها يقطر
الاء ابتسمت : نجك لي انت وخلاص
انس : راه يركبني سكر بس
الاء : بعيد سو عليك يا روحي
انس : هههههه خلاص عدي ديرلي نبي نحلي قبل ما نطلع
الاء : حاضر باي
انس : اوكي
......
ابراهيم : شن درت انت
ايوب : حليت موضوع من امس وانا نفكر في قصه يا راجل مش امس قلتلي يفنص وكان يلقاني نطلع
ابراهيم : اها هذا كله انا كان امس خشيت انت راه والله ضربك قدام احمد وانس موضوع كبر
ايوب : وانا مانبيش مشاكل بين باتي وعمي هذا عليش عديتله بيش ينحل موضوع من بدايه
ابراهيم : بس هابكك هبكه باهيه
ايوب : ثور ازف ما توقعدتش يضرب هكي بكل اقسم بالله يدي هذه مش قادر تحركها شكلها مكسوره ولا فم كبدي ضربني ضربه ولد كلب في بدايه تحشمت نمد يدي عليه بعدها تماده لنقاني ضربته
ابراهيم : ارقد عطك مرقد الله يفضح بيك ع علي امه كان يسمعوها انس واحمد ورب الكعبه يقتلوك
ايوب : انا مش خايف من حد راه انا متحشم منهم بس
ابراهيم : بالي تحشمت
رن تلفون ابراهيم
ابراهيم : هذا انس
ايوب : رد عادي
ابراهيم : ايوه يا طيري
انس : وينك يا معلم
ابراهيم : في مزرعه عمي علي انا وايوب
انس : سهره ولا كيف
ابراهيم نزل فون : قالي سهره ولا كيف
ايوب : قوله سحور مكمور تعال
ابراهيم : بشكلك هذا
ايوب : ### ### تخليش امي ننفصل
ابراهيم : هااا هااا تغطيه راحت اسمع قالك ايوب سحور مكمور تعال
انس : تم تبو حاجه
ابراهيم : مشروب يا غالي
انس : تم اوكي عندي كم مشوار ننهيهن ونجيكم
ابراهيم : تمام يا رأس سلام
سكر فون
ايوب : هيا نجيبو لحم
ابراهيم : ارقد توا نطلع بروحي نجيب حاجات ونجيك
ايوب : منور
ابراهيم طلع وايوب اتكي قعد يفكر فالي داره
..........
باسم غسل وجهه وغير دبشه وطلع للمحمود
محمود : شن في قول
باسم : شكلي لابزت دنيا "حط ايديه ع راسه ونزل مرفقه ع ايديه "
محمود : احكيلي شن دخلك ايلاف في ايوب وانت عليش ضرب راجل
باسم : معش تقولي اسم ### هذا بكل
محمود : باهي ادوي شن فيه
باسم : امس عديت للحوش هل ايلاف عزموني ونبي ندق لكن من شكاير معش عرفت حطت يمين في يسار ونبي ندق نسمع ....... قاله كل شي
بعدها طاحت عليا فطنت للروحي قعدت تعيط جبتها هنا
محمود : وانت من جدك تقول ع بنت هكي
باسم : مغبشه قدامي ازف معش شفت شي
محمود : شن قالتلك
باسم : امس قالتلي من عياده للحوش هلي حسها ضاقت بيا يا راجل
محمود : انا معاك انك تعصب عليه بس مش عليها مش قلتلي مش متاعت علاقات وين ثقه يا استاذ قريب تسكرو 6 شهور معاها مفروض عارفها مش سادك شهر وجك في وجها في تركيا اكيده تعرفت عليها
باسم : تي وربي واثق ثقه عميه وعارفها وحافظها بس كلام فرخ يقهر ازف مقهور راني مقهور
محمود : وسع بالك يا راجل توا تنحل قلتلها بالتوأم
باسم : ما نبيش ندوي معايا بكل
محمود تنهد : خليها تريح ما تضغطش عليها فتره هذه حساسه بالنسبه لها
باسم هز رأسه : نبي نردلها تبي حاجه
محمود : لالا عدي اقعد معاها انا نبي نعدي للمستشفي و اهدا يا باسم مش هكي تنحل قصه
باسم صبي هز رأسه وطلع جاني في غرفه لقاني مقمعزه نبحت في ساس
باسم : سلام عليكم
انا : وعليكم
باسم : خروجك بكرا الصبح
انا : تمام بكل " بحتت فيه انصدمت "
باسم : كنت نحز في عركه برا
انا سكتت وقعدت نبحت فيه خاطري نلمسه اندويه نبيه يجيني يقرب مني بس نزلت راسي تنهدت
باسم كر مناديل من كموديني اللي جنبي قعد يمسح في دم
احمد يدق : سلام عليكم يا جماعه
باسم : خش تفضل
ماما : سلام عليكم
انا وباسم : عليكم سلام
قريت ماما سلمت عليا
باسم : كيف حالك يا عمتي
ماما : الحمد لله كنه وجيهك يا باتي
باسم : حزاز ديما واكلها
احمد قعد يبحت فيه
باسم بحت في احمد : تعال خلينا نطلعو والنبي يا عمتي وكليها اي حاجه
طلعو باسم واحمد وماما قعدت معايا قلتلها بكرا ادزلي احمد ع ظهر وشويا وخشت زينب وحنين وعميمه جابهم محمد
احمد : كنه انت نحس فيك جوك مش تمام
باسم كان خاطره يدوي للحد يفش اللي في قلبه ابتسم : لا جو تمام بس مضايق عشان ايلاف تمرمطت في عياده
احمد : امتي تبي تطلع
باسم : بكرا صبح ع ظهر هك
احمد : تمام بكرا هلي جاينكم
باسم زمط ريقه
احمد ابتسم حط يده رقبته من لاوره : نبي نحدد فرح
باسم ابتسم : اها باهي ما شاء الله مبارك ان شاء الله
احمد : تسلم الله يبارك فيك
محمد جاهم قعد معاهم شويا وخذا عميمه وزينب وروح بيهن وقعدت معايا حنين احمد شويا وخذا ماما وروح وجت ايمان اسامه وهاجر رنت عليا باسم قعد مع اسامه برا
..........
الاء : بسبوسه جت حلووو باب يا عيت عمو صلااح "ادق بكراعها " تي هيا لا الله الا الله حلو
هبه : هي جيتك
الاء : ساعه بيش تحلي
انس طلع من حمام يمسح في راسه : شن جيبتيلنا
الاء ابتسمت : بسبوسه
انس : والله منوره
هبه : بعدك خاطري فيها "خذتها" كنك مش معسلتيها
الاء : اهو فازو عسل درته
انس : قبل ما تعسلي حوليلي كم طرف نصلي عشاء ديري قهوه
خش مربوعه
الاء : توا انديرها انا تعالي نبيك شن اللي كاتبته ليا واتس
هبه : هذا عصام مش انا هذا كلامه
الاء : اصبري عليه باهي
هبه : رنيت عليه ما ردش توا ندوه بعدين اسكتي
الاء دارت قهوه خش انس
انس : هاتي طروف مش معسله
هبه : ما عسلتش يا بارد كول
انس فنص فيها
هبه صبت مده طرف خذا منها كله
الاء مدت تبسي جنبه قعد ياكل
هبه : انس خلاص شن ناكلو نحن
انس : سمحه اصلا
الاء ابتسمت : صحه خليه ياكل توا انزل باقي طاجين
انس : لا خلاص منوره ع بسبوسه اوكي
طلع شويا وجتهن هنيده قعدن يهدرزن جت ماما طمنتهن عليا
...............
اسماء جوها عربها جابولها عيدها وانس عدا المزرعة اسحر غادي سأل ايوب قاله متعارك مع واحد قبل يبي يأخذ سيارتي بعد فجر جاء محمود روح بحنين وباسم ليل كله مارقدش هو سهران ويبحت فيا
ثاني يوم ع ظهر دكتوره دارتلي خروج
باسم يلم في دبش لقاني ساكته سكت فرح
احمد دق فتلحله باسم تفاجأه : صباح خير
انا طلعت : جيت صباح النور
احمد : توا شن فرق ونبي انك عندنا ولا غادي
انا بحتت في باسم : لا في فرق وكبير
باسم : أحم لا انا عندي شغل
احمد : تم يا طيري تبي حاجه
باسم : لا سلامتك
احمد خذا ساكو : سلام
طلع طلعت وراء طول باسم لحقني مسكني من مرفقي قعد يمشي فيا بشويش بعدها حط يده ع وسطي
باسم : تبيش تروحي معايا
انا سكتت
باسم بصوت واطي : زعلانه مني درجه تكملي احمد يروح بيك
انا غمضت عيوني
باسم : تبيش تردي عليا
انا : خلاص باسم خلاص
احمد : كاوكلي يا جماعه
باسم فتح باب وركبني وسكر باب : سوق بشويش " بحت فيا " توا نجيك بعدين
انا هزيت راسي
احمد طلع بسياره وباسم قعد يبحت معش عرف شن ايدير خايف عليا لكن يبيني نتريح ركب سيارته ولحقنا
..........
مالك : الف حمد لك وشكر يارب الف حمد وشكر لك يارب
دكتور
........
يتبع ....
Fafy faa
