#فوبيا_الحب❤
الحلقة [ 74]
مشن كم يوم كل حد ع حاله
انس يشتغل مابش يقول للاء ع كلام عمي محمد عشان ما تزعلش
الاء فرحانه عشان انس يحكيلها ع شقه شن يبي يدير فيها وينسي فيها تأخير رد باتها
ايوب فك جبس امتاعه عدا مصر مع خاله ولحقه ابراهيم عدا للجده وخواله
احمد قعد يجري ع حاجات فرح
الاء جابتلي شيشه كبيره[ بانقه] اميه رقية قعدت نشرب منها هيا بس و تريحت
اسامه وايمان جوهم سمح بس كل ما تنزل صبياتها يكشخن عليها ويهزبن
منذر اسبوع جاي يروح بنغازي عشان اجراءات يبي يطلع كندا ويركب يد
نسرين انخطبت رسمي وفرحها بعد سناء بأسبوع
رانيا فرحانه عشان لعند توا ما روحتش للحوش قرارت تجي وتبات مع بنات
دكتور مختار دواء للمحمود عطاء عنوان هل منذر وشال هله شافو حنان لكن ردو عليهم ما فيش حاجه تصير لين يروح منذر
صاحب محمد قاله نبي نجيب هلي وجابهم طلع شاب ومهندس وسطي في خوته وعنده اختين حنين قالتلهم نبي فتره نفكر
باسم قعد يوميا يجينا عشان يوضح للهلي ما في شي بينا وانا قاعده عشان نتريح هو خايف عليا ما نطولوش انا كل ما نطلع ندوي معه ع امل يقولي " أسف"
وعرفو كلهم اني حامل بالتؤام وعميمه جتني كم مره تطمن وباسم موصيها ما تقوليش كنك ما تردي للحوش تطمن عليا وتروح
جاء يوم نتيجة منتصر وعبدالله ونجحو من شهادة اعداديه وباسم حلف حفلة منتصر عليه في مزرعه وعازم هلي كلهم
خوال عبدالله دايريله حفلة
.............
باسم : بيش تجيبهم كلهم
احمد : منور والله
باسم : بالجوده يا رأس
احمد : قاعد بروحك في مزرعه
باسم : لالا جايب معايا شباب ينظفو بيش يذبحو
احمد : خلاص بعد ظهر نبقي عندك ونجيبهم بالمره
باسم : تمام بكل ، تبي حاجه
احمد : سلامتك منور يا غالي
باسم : تم اوكي
باسم سكر و رن ع حلواني أكد ع تورته
........
رانيا : صباح الخير يا عميمه
عميمه : صح النوم يا روينه
رانيا : شن مازالن راقدات بنات
عميمه : حنين في مطبخ مع سيلا يوتن ف فطور
رانيا قمعزت : قتلك يا عميمه ايلاف مراه باسم حرجانه ولا كيف
عميمه : والله يا بنيتي شكلها كل ما نمشي للمراه نحس فيها تعبانه حتي وجيها واضح عليه صفره البنت تقول ما تاكل وهو يقولي ما تضغطيش عليها وتقوليلها روحي دابيني عاركته لكن شي في مريره دويتلها قتلها بالك تروحي سلم بنيتي للحويشك وراجلك قالتلي ان شاء الله خير يا عميمه
رانيا : وحمها واعر خلوها عند هلها 9 شهور
عميمه : لا وين لها اسبوعين تقريبا و باسم لا ليله ليل ولا نهاره نهار لا يأكل عندنا مكملها نادي عمل ياكل في كلام فاضي
رانيا : اها
عميمه : ان شاء الله ربي يهدي نفوس بينهم
رانيا في سرها إن شاء الله لا " ابتسمت للعميمه " : دابينه حرجانه معناها باسم غالط فيها ولا هي دايره حاجه
عميمه : لا وليدي ما يغلط
رانيا : معناها منها صدقيني محمد ومحمود و باسم معروفين صراحه طيبين ما شاء الله عليهم مريحن صبايهم
عميمه : ان شاء الله ربي يرزقك بالوليد الحلال حتي إنت ونفرحو بيك
رانيا ابتسمت : ان شاء الله ربي يطيحني في واحد كيف عويلك هههه
عميمه : هههه ان شاء الله
رانيا : نعدي ندق ع باسم بيش يفطر معانا
عميمه : لالا امبدري في جاني ليا كم يوم ما شفته قللي يروح تعبان من عمل واليوم عازم انسابته ع عشاء في مزرعه وطالع من امبدري
رانيا : توا يجي ياخذنا
حنين : صباح الخير هيا تعالن ع سفره نركب نوض اسماء وسناء ونجي
رانيا وعميمه صبن وقعدن يفطرن ونزلت اسماء وحنين بس
.........
ابراهيم : جدي عنده جرعه ما نقدرش نجيك
ايوب : اها تمام توا انا نجيك
ابراهيم : وين قاعد
ايوب : كافي Lab
ابراهيم : لا خليك تبيلك ما توصل توا نكمل من جدي ونجيك
ايوب : تمام نرجاك بعدها بيش نشرو طروف للباتي قالي جيبهن من هنا ارخص
ابراهيم : تم اوكي
.........
انس : مش فاضي
الاء : وينك باهي
انس : في ميناء نكمل شغلي و نروح غريبه رنه توا
الاء : نبي نقولك اوفي قالتلي بيش تمشي معانا نعدي
انس : وين ماشين
الاء : مش باسم داير عشاء ع نجحت منتصر تبيش تجي
انس : لالا عندي شغل قالتلك عازم هله
الاء : مش عارفه
انس : كان عازم هله ما تمشيش
الاء : تمام قلت للماما تقول للبابا نشوف جو
انس : اها باه حبيبي نكلمك بعدين توا مش فاضي
الاء : دير بالك علي روحك حبيبي
انس : تمام اوكي
.........
احمد : هيا ازف ساعه 2 قتله توا نجيك بعد ظهر بس كان ع هكي عصر نوصل ان شاء الله
هبه : ايلاف قبل تبيش تمشي لين دوالها بابا
احمد بحت فيا
ايلاف غيرت موضوع : دايرات موالح مش عارفه ليش
ماما جتنا : مكلم هله راجل اختك
احمد : مش عارف
هبه بصوت واطي : مش يكلم في سناء عليك طروح
اسامه : اااحمد جيب معاك محمد
احمد خذا حمادي طلعه قعد يطلع في حاجات
ايمان : تعرفي كان سمعك راه قصلك رقبتك معش تلعبي معه إنت عارفتيه
هبه : هههه توا تشوفيه بعدين هذا
انا : هبه ضبحي الاء قوليلها هيا ونبي
هبه : لولي يا ألووو
الاء فتحت روشن : ايوه
هبه : هيا طالعين توا
الاء : بابا قالي لالا
هبه : عليش غريبه
الاء : مش عارفه
هبه : توا يدويله بابا
الاء : لالا توا ندويله انا
هبه : باهي خلاص باي
خشت وسكرت المنور
هبه : قالولها لالا
انا : عليش
هبه : انظر هيا خلينا نطلعو
كنت لابسه بنطلون قماش فيه زي شنشيب من لوطي وجاكه طويله لعند ركبه دميه تسكر بسوسته من قدام دايره مكياج خفيف وشاح جيشي بخيت عطري وطلعت
ركبنا انا وهبه مع احمد و بابا معه ماما و منتصر وايمان معه اسامه هاجر شاورت منذر قاللها عدي تكينا علي هاجر اسامه ورانا خذا عميمه فاطمه ومريم
رن تلفون احمد
باسم : ايوه وينك
احمد : في طريق
باسم : طولتو
انا : قولا يجيب البنات
احمد : قالتلك ايلاف جيب هلك
باسم : تمام توا نرن ع محمود يجيبهم
احمد : تم اوكي
رن باسم ع محمود
محمود : انعم
باسم : جيب هلي للمزرعه
محمود : كيف خشيت للحوش ازف
باسم : جيب امي وبنات وتعال انت ومراتك بعدين قول محمد يجيب عويل وزينب بعد يروح من عمل عشاكم في مزرعه
محمود : باهي ازف والله تعب
باسم : غير هيا يا حوده بالك يصير اللي في بالي بالك
محمود ضحك : تبي تنهي موضوعك
باسم : ان شاء الله ازف تمرمدت
محمود : تم اوكي
...........
منذر : " وصلتو"
هاجر : " لالا بعيده شوي مزرعتهم "
منذر : " راكبه من احمد "
هاجر : " اها "
منذر : " مازالتي زعلانه "
هاجر : " لالا عادي "
منذر : " عارف روحي وعدتك انروح بعد بكرا لكن ما صارش منها دكتور عندي معه جلسه وقت طيارتي قالي ضرورية آخر جلسة "
هاجر : " تمام عادي مهم تردلي بصحتك كيف قبل ما نبي من دنيا شي "
منذر : " إن شاء الله "
هاجر : " نحبك "
منذر : " وانا نحبك "
هاجر : " انا أكثر منك "
منذر : " عطيني دليل "
هاجر : " شن تبي "
منذر : " مفروض تعرفي بروحك "
هاجر : " انا متاكده إني نحبك أكثر منك وأنت عارف "
منذر : " بعد نروح نعرفو من اللي يحب أكثر ومن اللي مرايف أكثر "
هاجر : " هههه تمام "
منذر : " لبستي عبايتك "
هاجر : " لالا معش تجي عليا لبست بشت جابه ليا احمد في عيد "
منذر : " سامحيني حبيبي ان شاء الله نروح ونعوضك "
هاجر : " ما دورش انا متريحه وراحتي أكثر بعد تروحلي طيب "
منذر : " مرايفه ع اجرام "
هاجر : " هههههه نحن وصلنا بعدين توا نحكيلك "
منذر : " تمام ديري بالك على روحك ما تحركيش "
هاجر : " إن شاء الله وأنت "
...........
احمد يبيب فتح البواب وخشش السياره وراه بابا وراه اسامه
باسم : يا مرحبا نورتو
بابا نزل جاء باسم سلم عليه وهو ماما ومسك منتصر من رقبته
احمد نزل : اول مره نطول في طريق لعند تمزطت
باسم يضحك بعيد من سياره
نزلن خواتي
هاجر و هبه : خير يا باسم
باسم : خير كيف حالكم
هاجر و هبه : الحمد لله
نزل اسامه سلم ع باسم وعدا للبابا
