#فوبيا_الحب ❤
الحلقة [ 85 ]
بعد روحت من اسبوع جد الاء في ليل تكيت ع فيلا نسلم ع عميمه وبنات كيف مروحات من العرس
اسماء تشرب في حليب وشاهي : مش عارفه بس قالو خش فيها باسم
حنين : مش عارفه شن دخله كنك هذا يخشش في روحه مشاكل مش قلب الدنيا وهزبها وعيط وقريب ما ضربها توا يخش في مواضيعها هيا ما في واحد في الفرح ما قلتها له " قعدت تعلق ع رانيا " باسم رن عليا قالي موضوعك منتهي مش ما تبيش .. خزي هالبارده هذه
مع خشتي انا سمعتها صبيت
اسماء ضحكت : بس بجد كثرت في فرح اوفي مش حاضره وأخذه فرصتها ونازله تسعات
حنين : ريت هالمنظر لا لون لا عون
اسماء : ساعديني فيها كلمتك هذه كذابه
حنين : اقسم بالله ما فيها حاجه سمحه خاطي جسم وباقي استغفر الله ياربي مش هذك جمال
انا رديت للحوش لقيت باسم يكلم ويضحك
باسم : ههههه باهي جاتك في ريشه
سناء : والله نوريك يا باسم توا نقولها للاوفي
باسم ضحك : اه دويتي عليها اهي جت
احمد : سلملي عليها ديما طيبين ان شاء الله
باسم : يوصل يوصل هيا اوكي
سكر تلفون و رن التلفون اخري قرن حواجبه وسكره
باسم بصوت واطي بحيث نا وهو نسمعو بس : نعلي من حبيبي الي مرايف عليه ما طولتيش جوا
صبيت مقابلته ماسكه دموعي بسيف واضح عليا منغصره
انا : عليش تبيني نطول
رن تلفونه اخري
باسم بحت في تلفون وسكره وحطه في جيبه : لا احسن حاجه ما طولتيش
انا وجهي بانت فيه إني ع وشك انهيار نبيه يدوي بس ما نبيش يدوي عشان ما ننصدمش
انا بنبرة جدية : في من كنت تكلم ومن الي يرن
باسم بحت فيا مستغرب : كنه وجك
انا ضغطت على سنوني : قتلك في من كنت تكلم
باسم ابتسم : سؤال هذا كاثر ولا انا تهيالي
انا عليت صوتي : شوف روووحك ومكالماتك
باسم فنص فيا : كنك إنت فيش تحسي
انا بعصبية : ما تقوليش فيش انت الي شن درت فيا
باسم : خشي للحوش نتفاهمو جوا
انا : ما نبيش نتفاهم معاك
برمت نبي نعدي للفيلا
باسم قرب مني مسكني من ذراعي يخشش فيا في حوشنا بس ماسكني كويس و محاصرني عشان لا نفلت من يده ولا نطيح
انا نفك في يدي : وووخر ما نبيكش وخر
باسم رقالا : اسسس نقصي حسك
فتح الحوش وخشينا
باسم عزق مفتاح ع طول يده : كنك فيش تحسي ااه إنت الي شن جاك كنتي معايا في سياره جوك تمام انكلبتي ولا شنو قوليلي كنك
انا قعدت نبكي ندوي بعصبية : أنت كان ما في شي راه عطيني تلفونك لكن ما تبيش تقولي في مننننن تكلم عليش اااه عليش ما تبيش تقول
باسم تعصب من عصبيتي وصوتي يرفع تلفون ويطلقه في ساس المربوعه يطرطش تلفون وانا قعدت نبحت في تلفون حطيت إيديا ع اذاني
باسم : ع تلفون هذا كله ع تلفوون ع مكالمات عياط هذا كله عشان ما قلت مع من ندوي
انا حطيت ايديا ع راسي : معش نبي ناقش
باسم تنرفز : شن بجوك هيا إنت ما دويتي الا سامعه حاجه عارفك وحافظك شن سامعه اه قولي
انا رفعت راسي وجهه زعلان : أنت تكلم في رررانيا
باسم قرب مني ويتنفس بالقوه مسح وجهه بذراعه : شن قلتي شن قلتي
انا نبحت فيه ما بيتش نرد عليه ملامح وجهي ما يتفسرنش
باسم قمعز ع ركبيه هدا : توا معقولة كلام هذا
انا : ما تقوليش معقولة راه والله راكبتني نار راه مش قادره حرام عليك يا باسم واقسم بالله حرام عليك
قعدت نبكي وخرت الكرسي صبيت
باسم : تعالي وين ماشيه
انا خشيت للدار وسكرتها
باسم عدا خذا مفتاح خذا وطلع للفيلا دور البنات ما لقاء حد رد للحوش لقاني في حمام طلع برا في جنان وقعد يدخن
