#فوبيا_الحب ❤
تابع الحلقة [ 90 ]
احمد : سناء نوضي
سناء كانت راقده ع كنبه حاسه بروحها هابطه
احمد طبس عليها : كنك دايخه و لا تهيالي
سناء : جيبلي عصير
احمد عدا جاب عصير رفعها و قمعز مكان رأسها و قعد يشرب فيها
احمد : معقولة انا عابي عليك تاكلي و تشربي حتي الي في تلاجة خارب كنك ما تاكلي
سناء : تي كبدي انسحنت من كثر ما نستفرغ
احمد راقيلا بكل : شن حل باهي مش حرام عليك العيل ما تاكيش بكل في يوم الي نبقي حاصل عارفك ما تاكليش
سناء قمعزت ما عندهش نية تناقش : توا ناكل خلاص
احمد صبي بنرفزه : تمام توا نشوف طالع للعمل اوكي
.......
مالك : الله يسلمك
شاب : كفارة يا عم الناس
مالك : تسلم نتلاقو ان شاء الله
طلع و ركب في سيارة منذر قعدو يهدرزو و مالك يهدرزله ع شاب و قصته منذر حكاله ع خاله
مالك انفصل و يعيط : تي كيف يفسخ بجوه هيا بجوه
منذر : نقص صوتك الي في مفرق كلهم يبحتو فينا
مالك علاه صوته و يخبط ع طبلون السيارة : مش شوري بحد انا مش شوري بحد حتي بعد نقول انفتحت في وجهي ترد تسكر في وجهي ليش باهي شن داير في ام دنيا المسخه هذه شن داير ازف
نزل مالك من سيارة
منذر يضبح : مااااالك مالك تعال وين ماشي
مالك رفع يده : تي حل ازف
جت إشارة خضراء ركب في تاكسي الي مدرس في أول طابور و طلع شور حوش خاله
أول ما نزل قعد يدق بالقوه و راقيلا صاحب تاكسي يرجا فتح الباب خاله الي كيف مروح من العمل
سالم : ايوه أيوه خوذه في يدك الباب
مالك سمع صوت خاله وقف دق
سالم فتح تفاجاه بمالك
مالك : سلام عليكم يا خالي
سالم : عليكم سلام تفضل
مالك خش و سكر الباب صبي في سقيفة
سالم : خش كنك مصبي
مالك : لا ما خلينا نتفاهمو هنا ما نبيش نضايق حد جايك في موضوع انت عارف عليش جاي
سالم : و الله شن نقولك الدنيا قسمه و نصيب و أنتم مش للبعضكم ان شاء الله ربي يطيحك في الخير منها
مالك : تي شن تقول يا خالي انت مش فاهم شي و الله كيف فسخت الخطبة و انت مش فاهم موضوع
سالم : انا من بداية كنت مش موافق بس بعد شفتك في الأردن كيف مصبي مع خوك قلت هذا كبر وعقل و وافقت علي عيون امك و كلمتها ليا بس العرب لوله تقول الي فيه خصلة ما يحولهش انت عارف ما عندي الا هالبنات ما عنديش رجاله بيش كان برمت الدنيا بيهم يلقن خوت في ظهرهن و امل اصغر وحده فين يعني مستحيل تحمل الي ادير فيه كان انت راد ع وسخ أول حشيش و عرايك بنتي كيف نبي نطمن عليها معاك
مالك كاين يسمع في خاله و يغلي غالي من جوا
سالم : إن شاء الله كل حد فيكم يلقي نصيبه فضلي هالموضوع خذا اكبر من حجمه
مالك مقهور يدوي بعصبية : يا خالي اقسملك بالله ما رديت ع حاجة و الله فترة الي خذيت فيها وسخ ما طولتش منذر فيسع ما وصلته المعلومه طول خذني من محور و حاول معايا صح في بداية ما عبرتش لكن صارن معايا قصص فطنت للروحي اولهن امي مرضتها و تهديدات منذر وصيته ليا و اصابته هزاني غير موت اصحابي المشكلة انك عارف كل حاجة عالعينك كيف ماشية معايا الدنيا حاولت و نجحت اهو نشتغل ع حالي و الكورسه هذه كاتبلي ربي تصير معايا مشكلة شن اندير
سالم : خلاص انهي موضوع قتلك ان شاء الله تلقي نصيبك وتلقي خير منها
مالك كاين منظره متبهدل من رقده في حبس عقله دايخ معش فهم شي جاء يبي يدوي شاف ظل حد عند الباب وسطي وراء خاله بشوي
سالم : ما نبيش مشاكل مع امك يا راجل كيف ما خشينا بالمعروف نطلعو بالمعروف صح ما فيش حاجة رسمية هيا كلمة بس لكن في نهاية كانت ع اسمك
مالك فطن للظل يقرب لين بانت امل و شافها تبكي و حاطه ايديها ع فهمها عشان باتها ما يسمعهش وجعاااااته بكل كيف كاين منظرها هيا ملامحها دابلات واضح عليها حتي نوم مش راقده من امس
امل تهز برأسها يمين ويسار يعني ما تخلينش
مالك : و حتبقي ع اسمي يا خالي
برم طلع و سكر الباب أمل خشت طول
