#فوبيا_الحب ❤
الحلقة [99]
انس : شن جو ظهرك توا
الاء : حبيبي اسفه بس مالقيتش الا هك عشان ترد عليا انا ماطحتش
انس رقتلا : تي كنك يافرخه تحرقي في دمي إنت
الاء تضحك بدون صوت
انس : يارب صبرني يارب
الاء بصوت هادي : نبي ننزل نبيك
انس : أنا في المربوعه ارتزعي في مكانك
الاء : انا اليوم مسكرة راسي مافيش نوم الا بعد تسامحني علي اقل احترم موعد فرحنا الي تحدد
انس ساكت
الاء بتجعوين : حبيبي اطلع نبيك باي
سكرت تلفون صبت تنط سقمت شكلها بخت عطرها ونزلت
انس مابش يتحرك
الاء دقت ع باب مربوعه خارجي
انس عارفها هيا بصوت واطي : خش ياجعفر
الاء فتحت الباب مبتسمه : عيون جعفر ههههه
انس قارن حواجبه : هبهبي من وين ماجيتي عشان والله معلمه عندي مانبيش نسبسب في هالليل
الاء قمعزت ع صالون ماسكه مانيلات الباب توشوش : و الله آخر مرة سامحني
انس : قتلك طيري فوق ماعنديش لك جواجي
الاء حطت ايديها ع وجهه مسحاته صبت : تمام شكلك راقيلك مني بكل تصبح على خير
انس : وماترنيش
الاء مطبسه رأسها : تمام
انس : لين تحطي في ### #### ثقة تردي كيف مانعرفك تفوتي حركات فرخات
الاء بحتت فيه مسحت بيدها اليسار عينها ليمين مسكت بيه خشمها نزلته ع فمها وطلعت
انس رقد فتح تلفون حط علي صورتها غمض عيونه عزق تلفون : نحبك
..........
عمر طلع من دار لقاه هنيده ماسكه في مرمره مطبسه رأسها مسكها من وسطها : كنك
هنيده ارتخت : راسي يبرم
عمر برمها عليه قمعزها ع كنبه الصاله جاء مقابلها مش فاهم شي ماعرفش يصرف : هنيده كنك شن فيك
هنيده وجهه اصفر تحكي بتقطع : جيب حاجة حلوه
عمر خش للمطبخ خذا شوكولاطه وعصير من ثلاجه طلع يفتح ويبحت في هنيده قدم يوكل فيها
هنيده تاكل بشويش
عمر : هبوط ولا كيف
هنيده هزت رأسها
عمر قرن حواجبه : كنك ما تاكلي
هنيده ساكته
عمر خلها تاكل شوكولاطه كلها وعصير حط يده ع وجهه : هنيوه
هنيده : تعبانه خليني نرقد
عمر رفعها هنيده حط رأسها ع صدر عمر كانت مغمضه عيونها حطها ع سرير طلع فتح ثلاجه لقاه شيشه كبيره فتحها ذاقها لقاها ليم خذا باكو عصير عنب كبير معاه المق امتاعه وشوكولاطات وطلع حطهن ع سرير جنب هنيده وقمعز
عمر قرب من جنب رأسها رفعه :هنيده عصير الليم هذا من دايره
هنيده : أنا
عمر : عليش
هنيده : نشرب فيه
عمر ضغط ع سنونه : وماتاكلش صح
هنيده غمضت عيونها
عمر : باه صبي كولي
هنيده : معش عندي نيه
عمر نفخ : استغفر الله
هنيده صبت تاكل وكانت مضايقه عشان عمر يأمر أمر فهمت انه مش خايف عليها هي
عمر كاين خايف يصيرلها حاجة هو هك بعد يخاف ع حد يحبه يقعد يتأمر عليه عشان صحته هنيده فهمته ان يبي يمشي كلامه مش عشان خايف عليها
هنيده كملت اوكالها رقدت عطاته بظهر
عمر : الليم معش ينشرب
هنيده رقدت ماردتش
عمر طلع باقي شوكولاطات والمق وعصير كب الليم وعزق الشيشه قمعز في صاله شظزشزشششضزضزززن
........
ثاني يوم صبح
احمد : كان قالتلك بنت ولا عيل طول قوليلي
سناء : حاضر
احمد : كل مانمشولها تقول وعطي بظهر
سناء : شكله زعلان ههههه
احمد بحت فيها : متريحه توا
سناء : متريحه بس معش تزرني علي اوكال خير ما نعبي الدنيا نفس امس
احمد ضحك : باه وكتكوت الي في بطنت لازم ياكل
سناء : مش بالسيف انا شابعه
احمد درس سياره : انزلي باهي هههه
سناء نزلت واحمد نزل سكرها خشو للعياده احمد حجز ورجو شوي وخشت سناء كشفت عليها دكتوره
دكتوره : تمام تعالي قمعزي
سناء سقمت دبشها ونزلت ساعدتها ممرضه : ها دكتوره طمنيني
دكتوره : اطمني صحتها البنوته ما شاء الله عال العال
سناء ابتسمت : بنت
دكتوره تكتب : بنت اها
سناء فرحت
دكتوره كملت عطتها تنبيهات وطلعت
احمد : ها شنو
سناء تمشي : قالتلي قولي للراجلك يخاطاك
احمد قرن حواجبه بحت فيها ويمشي زر بطمه فتحت سيارة
سناء فتحت الباب ركبت مبتسمه
احمد ركب : قوليلها يخطه امك
سناء ضحكت : نبصر معاك ياهبل
احمد ولع سياره برم وجهه : شكلك خاطرك تقوليها إنت غير ادكي فيها في المسكينه الي كنتي عندها
سناء ضحكت : تي قتلك نبصر والله
احمد سكت قعد يسوق
سناء : مادو عاد
احمد مابش يبحت فيها : شن قالتلك
سناء ابتسمت : قالتلي مش باين
احمد سكت حطها عند ماما وعدا للعمل
........
هبه : فرح انس تحدد
عصام : تمام نجي نحدد معاه
هبه : خلي موعد زفتنا بعده باسبوعين
عصام : يالله الصبر
هبه ضحكت
عصام : حاضر شن تبي اخري
هبه : نبيش نقعد في شقه ثاني يوم نطلعو مشرق
عصام : من عيوني
هبه : نجك ليا ياعيوني
عصام : كملتي دبشك إنت
هبه : اها مازالي صالون هذا نحجز فيه ونشيله في نفس اليوم مافيش مكان عندي وين نحط
عصام : تمام "يكح"
هبه : حبيبي كنك
عصام : كحه معذبه امي
هبه : عدي عاين
عصام : لالا توا ننزل للصيدلاية ناخذ دواء للكحه جافه الي عندي
هبه : نعم ياروحي
عصام ضحك ويكح : كنك كان نعدي يقولولي من ارقيله انا مانبيش نسيبها ناخذ دواء من عندي وخلاص
هبه : لا لازم تعاين شوف روحك كحتك قويه بكل صدرك يلتهب
عصام : بعدين بعدين
هبه : تمشي فيا انت
عصام : وراسك نمشي خلاص هكي تريحتي
هبه ابتسمت : اها تريحت
عصام : حبيبي قتلك
هبه : نعم
عصام : يوم زفتنا متراهن مع شباب
هبه تفاجأت : شنو يا استاذ متراهن
عصام : هك جو شباب يعني نبي نفذه
هبه : شنو رهان الي تبي تفوتني عشانه
عصام : والله ماني فايتك كنك هبله إنت
هبه سكتت
عصام : ثاني يوم نقعد عندك
هبه : ثاني يوم خوذني من هلي
عصام : استغفر الله عليا العظيم
هبه : ماه ماتجيش فاطن للروحك شن تحكي
عصام : بايت مع شباب في مزرعه ثاني يوم نجي شن قلت
هبه : شن يقولو عليا هلك ان شاء الله طفش من أول يوم
عصام : فوتيهم ماتعبريهم كان نبي نطفش راه ماخذيتك
هبه : بس انا مش موافقه ع رهان
عصام : يا عليك ليله قيسها
هبه : عصام كنك انت كيف تزرد مع اصحابك يوم زفتنا
عصام : وهذا رهان كلهم نفذو انا الاثنين اخري مازالنا نقعد انا الي مش منفذ هو يوم مشيها لنا الله يستر بيتك
هبه : انت عارف ان يوم هذا اهم يوم لنا
عصام : عمري كله معاك جت ع هاليوم
هبه : عليك استهتار صراحه
عصام : مش استهتار يا بنتي رهان بس عليش تكبري في موضوع
هبه : الموضوع كبير بروحه
عصام يكح
هبه : فكر في موضوع باهي سلام
سكرت في وجهه عصام يرن مابطلش رن هبه دارته صامت وطلعت
.........
انا نرضع في عليوه نسمع في باب يدق حطيت عليوه وصبيت فتحت الباب
اسماء شايله سفره الغذاء خشت : هاي
انا : اهلا
اسماء حطت سفره ع طاوله : باسم روح
انا : لالا قالي مازال ساعه اخري قمعزي كنك مصبيه
اسماء قمعزت : عمي مريض احتمال يقربو الفرح
انا : باهي وعادي إنت اصلا دبشك واتي
اسماء : واتي اها قالي حكيت للباسم كاين جاي للمحمود شوي تكا عليه زاره
انا : ان شاء لله خير
اسماء : تعرفي قعد معش يكلم فيا واجد وانا مشغوله عليه
انا : توا يطلع الفرح تريحي إنت و ياه
اسماء : يارب المهم ياحنه هذا غذاك دزاته لك ماما
انا : تعبتكم معايا
اسماء صبت : لا عادي ماما المهم عينك من عويل هههه
انا : خليك تغذي معايا وتكسدي
اسماء : بعدين في عشية توا نجوك كلنا
انا : تنوره
اسماء فتحت الباب : سلمك باي
.........
هاجر ترضع في سند : ايوه
هبه : شن جوك
هاجر : تمام
هبه : تبي تجينا
هاجر : ولا نواطي خشمه ونحكي معاه
هبه : عشان انس ياحيونه
هاجر : انس مش حيزعل مني توا تجي ايمان وايلاف باسم مش فاضي قالت عمل ليه ليه هيا بروحها تعاني في فروخها
هبه : لعند امتي تبي تقعدو هكي
هاجر : لين يطيب خاطري بالله خليها ساكته راه دارها كبدي من كل شي
هبه : تي عادي مشي
هاجر : لا مامشيش خاطري وجعني من كلامه نحساب روحي إلا دايره فالطه بس انا الي نربيه عليها
هبه : لا حول لله ياراس مسكر
هاجر : فوتي قوليلي شن تبو تركبو معاكم
هبه : انس جاب تورته كبيره صندوق مشروب ومعاه شوكولاطه طبعا الفلوس الكسوه عطاهن للماما
هاجر : ربي يتمملهم علي خير وعقبالك
هبه : ان شاء الله هي اوكي خليني نركب نساعدها
هاجر : سلميلي عليها قوليلها ان شاء الله بالهناك
هبه : يوصل ان شاء الله سلام
..........
انس : كملت ديكور الصاله دار ضيوف ودار نوم
عامل : ايوه يا باشا
ايوب : خلي الراجل يشتغل وانت تركب ع واحد كرهتنا
انس : انت سكرلي فمك
ايوب طلع تلفون قعد يصور فيديو للانس غمز للعامل
عامل : باشا اقيبلك عمال ينشيفولك الشقة
انس : غير كمل انت بس، ايوب شن رايك اليوم نركبو الثريات
ايوب : تمام باه
انس : اسمع نطلعو نجيبو غساله وثلاجه تركبوهن ليا
ايوب : عليك الي يتآمر
انس برم عليه لقاه يصور : لنقانك عيل ا##
ايوب قعد يضحك : سلمك جيابه ياربي ان شاء لله برفاء وبنين
انس : سكر تلفون خير مانجي نكسره فوق راسك
باب يدق طلع ايوب بالتلفون فتح لقاه ابراهيم في يده غذاء
ايوب : جي شقة اختك ولا ولد عمك
ابراهيم عطاه بوني : لا جاي شقتك
ايوب ركع : ااااااه يا####
خشو تغذو وكسدو شوي وباب دق شباب اصحاب انس جايبله غساله دبش غساله مواعين وثلاجه اميه وثلاجه عادية كاينين شباب واااجد في الي مدله فلوس انقلبت شقة ضحك تركيب دارو غيطه للانس كاينين فرحانين للانس بكل
.........
هبه مقمعزه ع سرير الاء : قهرني الحيوان انا نفكر وحارقه دمي وهو يبي يزرد
الاء مقابلتها : بالك يبصر معاك
هبه : لا عارفني مانحبش البصاره ايام علاقه قيلتها له مرة بصر معايا قلبتها فوق رأسه شعف من يومها
الاء : حتي انا وانس جونا مش تمام
هبه : كنكم حسيت هو عادي قبل بعد تعاركو يقعد منفصل عليها كلها
الاء : مرة هذه انا غلطانه بس تاسفت مابش يعبرني
هبه : لنا الله مع جنس الحقير عديمين الاحساس
الاء ضحكت : عطك الخير
هبه : يقهرو اقسم بالله مستفزين
خالتي هدي خشت : الاء
الاء برمت : نعم
هدي : اطلعي خالاتك وعمتك فاطمه جن
الاء : هيا هي
مريم خشت : بعيييي
الاء وهبه بصوت واحد وعالي فرحن : جييتي
مريم ضحكت : اكيد
صبن كلهن قعد يحوسن ماما فتحت موضوع العرس انس وخالتها كلهن وافقن ماعاده وحده قالت مش وقته بس خوات هدي سكتنها تحدد فرح انس والاء بعد شهر ونص ...
.......
عمر روح جايب معاه عشاء حطه ع طاوله مطبخ طول خش للدار نوم لقاها مازالت في سرير بس نايضه تفرج علي تلفزيون مغيره دبشها بارمه ع روحها
عمر : سلام عليكم
هنيده مابحتتش فيه : عليكم سلام
عمر قريب عيونه يبلطن : احم شن جوك توا
هنيده : تمام
عمر : كليتي
هنيده : لا
عمر قرب قمعز مقابلها ع حاشية سرير : كنك
هنيده : ماعنديش نية
عمر : لازم تاكلي عشان صحتك
هنيده : بعد نتريح نفسيا توا ناكل
عمر صبي جا جنبها حصرها بيديه عند وسطها : شن اندير عشان تريحي
هنيده : خليني في حالي لو سمحت
عمر : عنجد خليني في حالي
هنيده بحتت فيه : كان مضايقتك نفس ما قلت شيلني من وين ماخذيتني
عمر ضحك
هنيده تعصبت من برود : اسمع ماتستفزنيش وخر خليني في حالي
عمر : وراسي تهدي هههه كنك متشنجه
هنيده تكتم في نفسها وساكته
عمر قرب اخري : بس قتلك شن سماحه هذه
هنيده : عمر آخر مره نقولك خليني في حالي عشان انا مش بجوك عشان تصرف معايا هكي علي فكره انا نفكر في عويل عشانك والله عشان نبيك تفرح تحسابني مانشوفش فيك بعد يجو سنودي ولد هاجر وحمادي ولد ايمان ولا مانسمعش فيك وانت تكلم في إيلاف " تغير صوتها وعيونها غرغرن " كيف متلهف علي عويله عشان تشوفهم حتي انا خاطري في اوليد منك عارفه ربي مازال ماكتبلنا بس ربي يقول اسعي وانا ماطلبتش منك حاجة عيب ولا حرام هو دواء ناخذو فترة معينه ان شاء الله ربي يرزقنا
عمر صبي قدم ع زيانه يسلح في قميص : ساهل
هنيده صبت ع سرير بصدمه : شنو
عمر برم عليها : قلنا ساهل فوتي موضوع
هنيده قربت ع حافه سرير حضنت عمر لفت قربته منها : يعني تفكر في موضوع
عمر ساكت وحاضنها
هنيده : حبيبي
عمر وخرها : انعم
هنيده : كنك ساكت
عمر : شنو دواء
هنيده : نعدي انا و ماما طبيبة عرب تسكن في شارع الي بعدنا تعطيني دواء أعشاب مش عارفه شن المهم قريبة ماما عدتلها حملت والله
عمر رفع حاجبه
هنيده : عشان خاطري نحاولو مرة وحده
عمر تنهد : بس هلي مش لازم يعرفو وهلك مش كلهم يعرفو ماتقوليش ليش أنا هك عقليتي تبي باهي ماتبيش تسكري ع موضوع بكل انا راضي يا سيدتي راضي حتي بلا عويل راضي ونبيك
هنيده قربت من عمر مبتسمه من فرحه : حاضر والله حاضر
عمر : جبت عشاء حطينا خلينا ناكلو
هنيده نزلت من سرير عدت تسخن في عشاء عمر دوش
لقي طاولة الاكل عليها عشاء بطريقة ملفته بكل قبل مايبيش ياكل بس قمعز تعشو مع بعضهم غسل هنيده المواعين
...........
في مصر
مالك قاعد في تاكسي معاه شابين اصحابه وصاحب منذر ...
صاحب مالك : كنهم سكنو بالشعبي ازح
سواق : افتحلك اي يامعلم
مالك : من تبي بو نقطه ولا الصافي
صاحب مالك : عندي اغنية بو نقطه اطلع طول
خذا الخيط من سواق فتح علاه الصوت
شباب قعدو يسفقو ويردو معاه وسواق يسفق ويضحك
مالك مبتسم يسمع في كلمات الأغنية ويتخايل في امل
