أسطورتي (مكتملة)

البارت الخامس عشر

- كُنْ أنيقاً دائماً ..

فالحبّ يأتي على غفلة !

(نزار قبّاني)

_________________________________

هبط درجات السلم بطلته الساحرة، يرتدي بدلة سوداء داكنة وقميص بنفس اللون ضيّق يبرز عضلات صدره القوية من دون ربطة عنق، ليجد عائلته مجتمعة على مائدةالإفطار، يشاركهم أحمد الذي أتى باكراً للإطمئنان على صديقه..

أحمد بمزاح : صبح صبح ياعم صاحي بدري كده لييه؟

أدهم بابتسامة وهو يجلس على رأس السفرة: صباح الخير.. ملكش دعوة بيّا أنا حر ..

جمانة: صباح النور ياحبيبي، سيبه يا أحمد هو تأخر في النوم مبارح..

كان سيف يأكل غير مهتم بما حوله ليضربه أحمد على رأسه قائلاً: يخربيتك أنت علطول مفجوع كده يابني اتفاعل شوية قول حاجة..

سيف بتذمر وفمه مليء بالطعام: سيبنالك التفاعل ياخويا، أدهم قولّه يسيبني فحالي

أدهم: بس يا أحمد

أحمد: بتقولّي أنا بس !!؟ ده بدل ما تشوفلك حل معاه ! على فكرة أنا أكبر منه ب10سنين لازم يحترمني

سيف باستنكار: نعم !؟ يح إيه يا خويا !؟ مش أما تكون محترم الأول علشان احترمك

أحمد: أدهم سامع أخووك !؟

سيف: ويسمعني يعني فيها إيه؟

أدهم: بس ياسيف بس ياحبيبي

سيف بطفولية: هو اللي بدأ

أحمد: أنا أكبر منّك أعمل اللي أنا عاوزه وأنت عليك تخرس وتقول حاضر !

أدهم: بس يا أحمد !

سيف: انت بتقول لمين أخرس يالا؟!

أدهم: بس ياسيف !

أحمد: وأنت بتكلم مين كده يالا؟ احترم نفسك ياسيف أنا الكبير هنا لازم تحسبلي ألف حساب

سيف: أنا محترم غصباً عنك ثم أنت اللي مهزّأ طول عمرك، جاي لعندي دلوقتي وطالب احترام !! واسكت بقا سيبني أعرف أكل..

أحمد: لا انت..

أدهم بصوت عالي: كفاية بقا انتو التنين .. مالك يا أحمد أنت مصغّر عقلك كده ليه... !؟

سيف: قصدك إيه؟ يعني أنا اللّي عقلي صغير؟

أدهم بغضب: بس أنت التاني ولا حرف، وأنت يا أحمد اخرس ..

أحمد بخضوع: حاضر

سيف بسخرية: يا خسارة الرجولة إش حال لو مكنتش بعمره اخس اخس

أدهم: خلاص ياسيف

أحمد بحنق هامساً لسيف: ياعم بلا رجولة بلا قرف أنا مش لاقي عمري في الشارع، مش شايفه متعصب ؟