🌸✴عشقي المشوه ✴🌸(كرونيك باللهجة التونسية : مكتملة )

💚 part 38 💚

اذا قلبها مازال يحبو ومانساهوش فهذا يعني انو هو مانساهاش ، هذا هو الامل ايلي ماحبش يموت فيها ، وجودو معاها فرد بلاصة خلاها ترمي كل شي وراها حتى حقيقة انها مرت راجل اخر ، وهي هابطة شافت مرا طويلة وضعيفة ، ستيلها يقتل  واقفة تخزر من الشباك ...لابسة جيب اوت تاي ومعاه شوميزة بيضاء كابسة شطر بدنها الفوقاني ، عقدت حواجبها مستغربة شكون المرا هاكي بالذات ، لكن لحظات و لقات الجواب ، شافت زكرياء يوصل ويمدلها يدو ومن بعد يخرجو الزوز للجنينة ، كانت حابة اتبعهم الزوز لكن باش يشوفوها ويشلق بيها ، عاودت طلعت لفوق وجرات طول للبلكونة تطل منها ، شافتهم قاعدين وهو يضحك معاها ،هاك الضحكة ايلي تموت عليها وغير هذا قامت للا مولات الساقين الطويلة و جات بجنبو وهي توريلو في حاجة في يدها ،لهبت بكلها ولو جات عندها القدرة راهي نڨزت من فم وخنقتهم الزوز ، الغيرة تذهب الشيرة ....وهي عقلها طار من قربو من هاك المرا ...قعدت اتبع فيهم لين قامت للا وجات مروحة ، اصر هو يوصلها ، ماشاء الله صاحب واجب ، مالازمش تفلت لحظات الوداع هاذي ،اذا صاحبتو  فهو باش يبوسها والا يعنقها ، هبطت تجري والخدامة باهتين فيها ملا نشاط وملا جري ،الڨمودي اصل ، حلت البورت فوناتر وجرات تلوج فيهم ...ارض وكانتلهم بلاعة ....مشات خطوات لقدام وهي تلوج بين الشجر ،باز راهو متكيها على شجرة و ....اوووف ...اذا لقاتو اكاكا الا ماتقتلو هو واياها ،لكن مالقات شي ،تلفتت وراها لعل نسات مالوجت مليح ،لقاتو في وجها ،حطت يدها على صدرهاا وهي تمنع في لسانها ع الصياح " فجعتني ايي..طيحتلي قلبي "
"تلوج في حد "
رمشت عينها متوترة " كنت ...كنت ..." شافتو مضيق عينو " انت اش دخلك اصلا ...اه...الدار هاذي داري وانا نحوس وين نحب " عارف انها تكذب يعرف مليح حالتها هاذي وقت تبدا تهز وتسبط تغطي على كذبتها
"دارك ؟! من وقتاش"
"اممم...موش لازم تفكرنا انها ملكك..." عينيه ...وجهو ....فمو....شعرو ....كل حاكة فيه توحشتها ....تمنات لو حات عندها الحرية تمد يدها وتتلمسو ....ياما ها الصوابع لعبو على ها الجروح وتوا مربطين موش قادرين حتى يسلمو عليه .
قعد يثبت فيها من بعد كمل ثنيتو وخلاها ، حبت تناديلو وتقلو شكون الطفلة هاكي وعلاش انت قريب منها اكاكا ،لكن لسانها تعقد ، قعدت اتبع فيه لين غاب عليها ماتفيق مان بيد ترجها بقوة ، شهقت وهي تشوف في عماد عينيه شاعلة نار " شنوة كنتو تحكاو "
"نحي يدك "
شدها من وجها " ياخا مانبهتش عليك انا ...قتلك معادش تكلمو ....ماتاقفش معاه ...انت في الشرق وهو في الغرب ..تي علاه تحب تهبلني وتخليني نقتلك بيديا "
دزتو وهي تصيح " قتلك نحي يدك...اخر مرة نسمحلك تعاملني بها الطريقة ....رد بالك تعاودها ....يامريض"
عاود شدها ودزها على اقرب شجرة منهم ، وجهو كان قريب منها لدرجة انو النفس متاعو كان قوي وسخون على بشرتها "فيق ....راك مرت راجل ...لواه تجري في جرة حد اخر ....والا حوالت عينك على فلوسو ....انا زادا كنت في بلاصتو وماخزرتليش حتى خزرة "
"كبفاش تحبني نخزرلك وانت واحد واطي"
ع الكلمة ضربلها راسها ع الشجرة ،صاحت من الوجيعة وهي تحط في يدها ع البلاصة "يا حيوان "
كان حيوان بالحق لانو ع الكلمة الثانية ضربها بكف جابها لوطة ع الڨازون ،هبط عليها وهو يشدها من شعرها " ريض والا راني باش نربيك من اول وجديد "
ضربو كان قوي اضطرت تسكت باش ماتخليهوش يهبل ويضربها بقسوة مرة اخرى ، وقفت وهي تدعي من قلبها دخلاني انو يرتحها منو  خزرتها كانت مليانة حكايات ولوم ليه ، مانجمش يقعد يخزلها فيسع ماهز روحو ومشى .
✴❇✴❇✴❇✴❇✴❇