🌸✴عشقي المشوه ✴🌸(كرونيك باللهجة التونسية : مكتملة )

💙🍀part 41 🍀💙

حتى وهو وسط ناس وخدام ....حتى وهو مالك الدار و عايش ويملك فلوس وجاه ....وقت نزف ظهرو لقى روحو وحدو ،قعد اطرف الفرش ونحى شوميزتو ...ايلي لصقت ع الجروح ، عدى يدو وراه تلمسهم ...خزر لصوابعو ايلي تمسخو بالدم ....تمد على كرشو وغمض عينو ....لازمو راحة لبدنو و لعقلو ...وحتى لقلبو ....فمة صوت ساقين دخلت وسكرت الباب وراها "نسيم.... مليح انك جيت....حاول تنظف الجرح و سكرو باي فاصمة "
حس بيد رقيقة ....حافظ لمساتها مليح تتلمس كتفو ، تنطر واقف ودار ناحيتو....ضرب قلبو بقوة لين خلى صدرو يتهز ويتحط وحدو ، شاف وجها شاحب ويخزلرو بعين حزينة ، جرى لشوميزتو وعاود لبسها "شنوة مجيبك لهوني...اخرج قبل ما يشوفك حد ويفهم بالغالط "
حلت البوات فارماسي تقول ما سمعتهوش" نحكي معاك ...اخرج " قامت و هزت الشوميزة كشفت ع الجرح" لازمك تتحمل شوية ....باش تحسو حار المرة الاولى "
بعد عليها وقام " قتلك اخرج ...مانيش مستحق شفقة منك "
ضربتو بالكمبراس ايلي عندها " مانيش جاية باش نشفق عليك...كان فمة حد هوني مستحق شفقة  راو انا ....لازمك تعقم الجرح قبل ما يفيد فيه الصديد "
" تو نعقمو وحدي "
" وكيفاش تره ...عندك عينين من تالي " خذات هواء هدت بيه روحها " اقعد ....ماتضيعش الوقت ....واذا خايف لا حد يشوفنا ....ماذبيك تزرب ...لانو طالما انت ماداويتش الجرح انا جامي نتحرك من هوني "
شاف بارشا اصرار عندها وتحدي ، يعرف انو قي كل مرة تعاندو فيها تكون هي الرابحة ،سلم امرو وقعد وعطاها ظهرو تداويه ، مع كل لمسة منها ، كان يتحرق بلا نار ، الجرح في ظهرو لكن الوجيعة في قلبو ، حست برعشة في بدنو وهي تكمل تحط الفاصمة " ماترقدش على ظهرك لين يتلم الجرح....وتكون عملت بالراي اذا خليت طبيب يشوفك " لمت الخرم الكل وسكرت عليه البوات ، حاول ما يخزرلهاش وهي خارجة ، لكن هو تنطر وجبدها ليه " رسيل ....مستحيل تكون اونسانت من عماد....قلي وطفيلي ناري ....مهما عملتو فيا ...انت ماتنجمش تخون الثقة متاعي فيك...رسيل انت متاعي انا... مرتو هو اما ملكي ...."
رمشت عينها بخوف ، دق قلبها بقوة وتخدر بدنها ،عجز لسانها يتكلم ..وقبل  ماتجاوبو ...دخل اسكندر ،تربث وهو يرا فيهم قراب من بعضهم ...ودوب ماشافوه هو سيبلها ذراعها وهي خرجت من غير ما تخزرلو .....رجع قعد على حافة الفرش وهو يضغط في صوابعو ،قدم ناحيتو خوه الصغير " شنوة احوال جرحك....مرت ادم حكاتلي ايلي صار ..."
" صفا ....جرح صغير "
خزر للدم ايلي مغرق الشوميزة ، حتى في هاذي مسكر على روحو ويقول لاباس . قعد بحذاه وهو يمسد على اكتافو " زكرياء..... انا ديما نقول انو قلبك ذهب ....تعرف شكون علمني ها الكلمة "
" بابا "
" ايه ....بابا الله يرحمو ....وكل مرة نلقى كلامو صحيح وكل ايلي قالو عليك صحيح.....ونزيد نتأكد انو كان ذكي بارشا وقت كتب كل شي باسمك...عارف انو بعد  موتو باش يكون فمة عيسى اخر....لازمك تكمل للاخير ...وتوصل ليلي حبك هو توصلو ...انت لازم ترجع بينلتنا "
"انا باش نرجع غادي...."
باهت " علاه "
" ماانجمش نقعد هوني ...وزيد لازم حد يكون ع البلاصة ويكنترولي المشروع "
" انت تهرب من رسيل موش هكا "
سكت وقام ناحية بلاكارو باش يجبد حاجة يلبسها ، زايد يقعد يجكي عليها باش تزيدو كان علة على علة .
✴❇✴❇✴❇✴❇