🌸✴عشقي المشوه ✴🌸(كرونيك باللهجة التونسية : مكتملة )

✴❇✴part 40 ✴❇✴

خزرت للزروقية ايلي على معصمها وبلاصة ظوافرو المغروسة فيهم ، تلمست با طرف صوابعها شفايفها ايلي تجرحت ، مازالت وجيعة الكفوف مخزنة في وجها ،...تبسمت بمرارة على حالتها ....ضحكت كيف المهبول لين طاح راسها لتالي ، من بعد هبطت دموعها ودخلت في كريز بكاء جديد مانجمتش تحبس من بعدو الا على صوت اسكندر " رسيل ...لاباس"
دارت  ناحيتو لقاتو مفجوع عليها ،قرب منها وشدها من اكتافها " شبيك تبكي ...صارت حاجة "
مسحت دموعها " لا ...نبكي نفرغ في قلبي " نجم يشوف معصمها المجرح والجرح ايلي في فمها "شنوة هذا .."
جات باش تتكلم قص عليها " ورد بالك تقلي طحت والا تسطعت في حاجة... هاذي بلاصة حد ضربك "
وساعت عينو " رسيل ....ماتقليش عماد خويا عمل فيك هكا "
هربت بعينيها عليه " كل جرح تو يبرا "
جاء خارج شدتو " وين ماشي "
"ماشيلو ...ها اللعبة ايلي تلعبو فيها لازم تحبس"
"اقف يعيشك....فمة بارشا حاجات انت ماتعرفهمش"
"كيما شنوة... مثلا انك عرست بيه مجبورة ...انت تحب زكرياء وهو يحبك ...وفوق هذا راضين بعذاب بعضكم....وتوا يضرب فيك ...وهاذي موش المرة الاولى ...ديجا حتى نهار عرسك ضربك ....رسيل ....ماكش ناوية تحكيلي شنوة ايلي صار ...علاه عرست بعماد "
رجعت قعدت وشاورتلو باش هو زادا يقعد ، رجعت شعرها وراها وهي تاخو هواء مالي رواريها " لانو ...عماد ...خاول مرة يقتل زكرياء...وحب يغرقو في البحر ....خاطر هددني وانا ماسمعتش الكلام "
مصدوم " يقتل زكرياء"
"فازة الفلوكة كان تتفكر ...وقتها نسيم قريب يغرق .. عماد خوك هو ايلي نقبها ..."
باقي باهت فيها ويستنى فيها تكمل " وقتها هو يملك كل شي ،الفلوس والسلطة و القوة.... ينجم يعمل اي حاجة فيه من غير ما حد يحاسبو ....اذا ماعرستش بيه ...كان زكرياء ونسيم يا اما ميتين والا واحلين في مشكلة ...وزيد هوما عندها سوابق .."
"كيفاش يعمل ...هكا... ميفاش يكون بها الوحشية هاذي " خزرلها " يعني انت خليتو باش عماد مايضرهوش ...موش خاطر الفلوس كيف ماهو يظن...انت ضحيت ب حياتك وفرحتك معاه ....على خاطرو هو ...."
" عماد توا ماينجم يعملو شي ،خاطرو معاد يملك شي باش يأثر عليه ... هو توا في امان من كل شي "
"وانت ؟!...قاعدة تتضرب وتتهان كل يوم ...." بلع ريقو " لازم زكرياء يعرف كل شي"
"لاااا.....ماتحكيش ....اذا هو عرف الحقيقة ...باش تكبر القلوب بينو وبين عماد....اتفكر وصية بوك....لازم زكرياء يرجع لعايلتو ويعيش وسطهم ....وتوا عندهم الفرصة باش يكونو خوات ع الاقل قدام الناس"
"باش تخبي ...وتسكت علي قاعد يعملو فيك....رسيل ...لهوني ويزي ...مالازمش تزيد تضحي ...."
تبسمت بمرارة " ممكن هذا ايلي كاتبلي ...اني نكون انا ايلي ديما تضحي ....من الاول ...باش نمنع زكرياء وتوا خويا ...."
"وشنوة دخل خوك"
"هو زادا وحلو في الديون باش يهددني بيه ويضغط عليا نقعد معاه "
"اخ منك عماد....شنوة ها الوحشية ايلي فيك....من وقتاش هو هكا ....صدقني بعمرو ماكان قلبو حجر "
"هو هكا ....غير ما جاتش حتى فرصة باش يوري فيها وجهو الشراني "
✴❇✴❇✴❇✴❇