" Shoot! "
အခြားတစ်ဖက်ဂိုးတိုင်ကနေအချက်ပြပြီး မြှောက်ပစ်လိုက်တဲ့ ဘတ်စကတ်ဘောလုံးကို Merv ဟာကျွမ်းကျင်စွာ အရှိန်သတ်ဖမ်းယူလိုက်သည်။ ပြိုင်ဘက်အသင်းသားရှေ့မှာ ဘယ်ညာဝှေ့ဝှိုက်ကာဘောလုံးကိုတစ်ချက်နှစ်ချက်ပုတ်ပြီးတာနဲ့ အငိုက်မှာလစ်ထွက်သည်။ နောက်ထပ်တစ်ခါ ဂိုးပေါက်တိုင်ကိုအားနဲ့ကိုင်ကာ ဘောလုံးကိုအားနဲ့ပဲဆောင့်ထည့်ပစ်ချလိုက်သည်။
သောက်ရမ်းလန်းသည်။ သောက်ရမ်းရဲ့အမေပါလန်းသည်။
အပျော်တမ်းကစားသမားလေးတွေဖြစ်တာကြောင့် တစ်ခါဂိုးတိုင်း ပရိသတ်ရဲ့လက်ခုပ်လက်ဝါးသံတွေမရှိပေမဲ့လို့ ကစားသူအချင်းချင်းတော့ အားပေးကြသည်။ ကျွန်တော်က သံဇကာတိုင်ကြီးကိုသာ တဗန်းဗန်းနဲ့ရိုက်ပြီးအားပေးနေရသည်။
Merv ဟာမေပယ်ရွက်ခြောက်ရောင်အနွေးထည်ပါးလေးကို မြင်နေကြအစင်းကြောင်းနှစ်ခုပါသည့် အမည်းရောင်အားကစားဘောင်းဘီနဲ့တွဲဖက်ဝတ်ထားသည်။ စာအုပ်တွေဖတ်တဲ့အခါ ကျွန်တော်တို့ နှလုံးသားရေးရာဆုံဆည်းရမဲ့သူတွေဟာ မျက်လုံးထဲထင်းခနဲလင်းခနဲ ဖြစ်နိုင်တဲ့ ဝတ်စားဆင်ယင်မှုတွေရှိကြမယ်လို့ ယုံကြည်ခဲ့ဖူးသည်။ နောက်ဆုံးမှာ စာအုပ်တွေကစာအုပ်တွေပါပဲ၊ ရုပ်ရှင်တွေက ရုပ်ရှင်တွေပါပဲလို့ ကျွန်တော်တို့ သက်ပြင်းချကြမယ်။
ကစားပွဲပြီးလို့ လွယ်အိတ်လေးသိုင်းလွယ်ကာလက်ပြရင်း ကျွန်တော့်ဆီ Merv ပြေးလာသည်။
" Cyril ! မင်းအိပ်ရာနိုးတယ်ပေါ့ "
" နှိုးစက်ကိုဆယ့်ခြောက်ခေါက်လောက် ပေးထားတာ "
YOU ARE READING
Dear, Relationship
Romance" Relationship " means the way in which two or more people or things are connected, or the state of being connected. then, add " Dear " in front of " Relationship " This is the story want to talk about.