His HEART

Chapter 4

Troy Adrian

Hindi ako masyadong busy lately, bukod kasi kay Mr. Gomez ay wala naman ng kinakaharap na problema ang company. Gustuhin ko mang singilin ang pamangkin niya, I don't have the heart to that, paano mo sisingilin ang isang taong walang wala, kahit yong lumang kotse ng Tiyuhin niya hindi maibenta benta sa kalumaan.

I talked to Diane about her progress on the job at mabilis daw itong matuto, maayos at masipag magtrabaho. Hindi naman ako nagkamali na bigyan ito ng trabaho lalo na sa sitwasyon nilang mag-ina. Alam ko na labag sa loob niya ang pagtanggap sa mga tulong ko, nakikita ko yon sa mga mata niya. She's really something. She reminds me of Isha. Stubborn as hell.

I'm on my way to the lobby ng matanaw si Trina isa sa mga staff ng Daycare na nagpapanic.

" Tumawag kayo ng ambulansiya, hindi makahinga yong isang Bata sa Daycare." dinig kong sigaw nito. I run to her.

" Who is it? " bigla kong naalala si Nate. At ganon nalang ang kaba ko ng maabutan si Nate na habol habol ang hininga.

Kinarga ko siya at dinala sa clinic, agad siyang inasikaso ng Company Nurse. Mabuti nalang Dad see to it na may sariling clinic ang lahat ng Resort at Hotel namin.

" Kamusta siya Nurse?" hindi maganda ang kulay ni Nate, parang putlang putla ito.

" Sir, tingin ko po dapat na natin siyang dalhin sa Hospital, he's not looking good. Yong lips niya po kasi nagiging blue na at kahit yong mga kuko niya. " lalo akong kinabahan sa sinabi ng Nurse.

" Pwede ka bang sumama sa amin? Just to make sure na maayos siyang makakarating sa Hospital. The ambulance is on it's way. Tatawagin ko lang yong ina niya." I quickly dialled Diane's number, alam kong magkasama sila ni Claire.

" Diane?, papuntahin mo si Claire dito sa lobby, may nangyari Kay Nate, sa anak niya. Please hurry." hindi naman nagtagal ay humahangos na dumating ito. Sinalubong ko ito sa lobby. Si Nate naman ay naisakay na sa ambulansiya at pinauna ko na kasama ang Nurse ng Hotel.

Hawak sa siko ay hinila ko na siya palabas ng Hotel. " I know madami kang tanong but we better hurry."

Agad ko siyang pinasakay sa kotse ko at sinundan ang kakaalis palang na ambulansiya.

" Kamusta si Nate, Sir?" halata sa mukha nito ang sobrang pagaalala.

" He's not okay, nahihirapan siyang huminga and he's turning blue, may sakit ba siya?" kahit mabilis ang pagpapatakbo ko ng kotse ay sinisigurado kong ligtas kaming makakahabol sa ambulansiya.

" Congenital heart disease, ang sakit ng kapatid ko." napasinghap ako sa narinig ko.

" Heart disease? At teka, kapatid? " pareho akong nagulat sa dalawang  bagay.

" Bunsong kapatid ko si  Nate, malaki lang talaga ang agwat namin." kaya pala parang ang bata niya pa para maging ina.

" May sakit sa puso ang kapatid mo? " I can't believe it, he's what 4 or 5? Parang matanda lang dito si Maui ng kaunti.

" Oo, naubusan kasi siya ng gamot kaya siguro nangyari na naman ito. " her voice crack. Nangyari na naman? Meaning hindi lang ito ang unang beses na nangyari ito?

Pagdating namin ng Hospital ay agad na inasikaso si Nate. Si Claire ang sumagot sa tanong about her brother's medical history. Matiyaga kaming naghintay para sa results ng mga napakaraming test na ginawa kay Nate. At sa advice narin ng Doctor, mananatili muna si Nate sa Hospital.

Napaupo si Claire sa tabi ng natutulog na kapatid. At kahit pilit nitong ikinukubli, alam kong umiiyak ito.

" Maayos na daw ang lagay ni Nate sa ngayon, hindi ba?, wag kanang masyadong mag-alala." pinatong ko sa balikat niya ang isang kamay ko to comfort her.