كرونيك:💓💓حب_غير_متوقع💓💓

6

#الحلقة_6
فاتو 3 أيام وحياة يسرى وسيف في روتين بالنسبة ليسرى تروح الصباح للريستورون تضل تخدم و درب في رجاء و في اليل تروح وسيف ماكنتش حياتو مختلفة عليها نهارو يعديه في الشركة بين الإجتماعات و عقد الصفقات و في اليل يروح و ديكا يفكر في يسرى و هبالها و يتفكرها نهار شافها تبكي و شحال غاضتو في هذاك النهار هوما الزوج مازادوش تلاقاو يسرى كانت في بيروها تشوف في الأوراق و الحسابات حتى دخل عليها مبارك و قلها: كاين لي يحب يشوفك ماعليش يدخل تبسمتلو وقتلو: وي هو راح وسيف دخل هي هزت عينيها و شافتو إيه هو لي هانها في وسط مطعمهالاكن المرة هذي ركزة معاه و تولهت بلي هو باهي يهبل و باعد قتلو : كشما تحتاج مسيو لي ماتعجبوش ماكلتي و مطعمي تبسم وقلها : سيف اسمي سيف ********* تبسمتلو و قتلو : متشرفين أقعد وعلاه راك واقف هو ڨعد و قلها : انا ما نحبش اللف و الدوران أنا نحوس نشري المطعم تاعك و نتي حددي أي مبلغ مالي و الخدامة لي هنا لي حب يبقا يبقا لي محبش يقدر يروح هزت عينيها مالدوسيات و قتلو : ديزولي ماهوش للبيع و ولات للدوسيات قلها وهو متغشش : اطلبي أي مبلغ وإذا حبيتي نقدر نعطيلك شيك على بياض و نتي حطي المبلغ لي تبغيه عاودت شافت لكن المرة هذي بغش وقتلو : مهوش للبيع يعني مهوش للبيع و حاجة خرى أنا راني مزلت مطولو بالي معاك و مانيش حابة نزيد نتعارك معاك فمن الأفضل ليا و ليك تخطيني ok قلها : ماتلعبيهاليش ماكش طماعة في الدراهم و بلي هوما آخر همك علابالي بلي نتوما أكل تحبو الدراهم و ضرك بركاينا من هاذو les jest وقوليلي شحال المبلغ لي تحوسي عليه قاتلو و الغش بدا يركبها : أفهمها كيما حبيت mais الريسورون هدا ماهوش للبيع أصلا كاين آلاف las restaurant في البلاد قلي لاه تحوس على الريستورون تاعي قلها وهو يتبسم : ايه نحوس على الريستورون تاعك باه نمدو كادو قتلو : مالا غير أبدا حوس على ريستورون آخر لإنو أنا مانبيعش خرج من عندها و هو يدرايح يطرطق من الغش كي خارج شاف ختو في الكوزينة تضحك من قلبها و فرحانة وهي طيب ولا قال مع روحو : معليش على خاطر رجاء نعفس على كرامتي و نخطيها و فعلا سيف خطا يسرى و من هذاك النهار مزاد شافها ولا شافتو و الحادثة هذي مر عليها شهر و رجاء كل يوم تتعلم حوايج جدد اليوم كانت يسرى تتفقد في الماكلة و مباعد راحت لبيروها و مباعد سمعت صوت عياط راحت تشوف واش كاين و كي خرجت شافت .....