كرونيك:💓💓حب_غير_متوقع💓💓

38

#الحلقة_38
وصلو لل la sall الناس أكل فرحانة مبارك و شيماء رايحين يطيرو من الفرحة يسرى واقفة توال سيف
سيف: باينين بلي فرحانين
يسرى: أمممممم
سيف: ونتي ماكيش رايحة تبدلي الروبة هذي
يسرى: نن كانو يهدرو حتى جات وحد المرأة
المرأة: بنتي معليش نهدر معاك
يسرى: وي خالتي أهدري
المرأة: بنتي والله نتي عجبتيني بزاف واش رايك نخطبك لإبني
سيف: خالتي هي متقدرش
المرأة: هي ماهيش مدايرة خاتم يعني ماهيش متزوحة و زيد نتا أكيد تكون خوها يسرى هنا ولات تضحك ماقدرتش تحكم كثر
سيف: والله يا الحاجة أنا راجلها
المرأة: أسمحولي و ربي يخليكم لبعضاكم لاكن بنتي نتي معندمش ختك
يسرى: أسمحيلي خالتي والله ماعندي راحت المرأة ويسرى بقات تضحك كملو العرس وجاء وقت باه مبارك يدي شيماء و يروح وهي دارت حالة بالبكاء خلاص العرس يسرى راحت لدار عمها لمت فاليزتها وجاء سيف راحو للدار في الطريق
يسرى: أففففف رايحة نموت بالتعب عندي 3 ليالي مارقدتش مليح
سيف: قتلك ماتروحيش لاكن نتي يبستي راسك يسرى حطت راسها على البلار و غمضت عينيها و نامت من كثر التعب سيف شافها لاكن ماحبش ينوضها و صلو للدار هزها حطها في شومبرتها و راح دوش و بدل قشو لبس سروال تع سيرفات ومن الفوق بقا عريان راح ليها لقاها مزالت نايمة بقا يشوف في وجها شحال تبان بريئة تمد توالها و حضنها و نام ناضت يسرى تلقا روحها عند سيف وهو محضنها شافت فيه بقات تتأمل في وجهو ومباعد حضناتو وزيرت عليه و غمضت عينيها هو حس بيها وزير عليها قلها: يسرى واش رايك نهبطو نتعشاو قتلو: نن حابة نرقد قلها: راهي 20 قتلو: أممممم خليني نزيد 5 دقايق برك زاد زير عليها قلها: كيفاه كان العرس قتلو: مليح ناضت شافت روحها مزالت لابسة الروبة و تحس في راسها رايح يطرطق من الوجع قتلو: راسي رايح يطرطق من الوجع قلها: أكيد من التعب أنا نهبط و نتي بدلي و ألحقيني راحت يسرى دوشت و لبست سيرفات في ال vers militaire و هبطت لقاتو في الصالون راحت جلست توالو قلها: مزال راسك يوجع قتلو: أممممم قلها: أنا نروح نجيب لعشا من برا قتلو: ok راح جاب لعشا تعشاو و هي راحت طيبت قهوة و راحت توالو للصالون و بقات تشرب فيها حتى سمعو الباب يدق
يسرى: روح حل الباب
سيف: ولاه ماتروحيش نتي
يسرى: سيف والله ماني قادرة
راح سيف حل الباب لقا رحمة عند الباب تبكي دخلها سيف للدار
رحمة: سيف عيشك وليلي عيشك توحشتك
سيف: رحمة حبسي البكاء
رحمة: عيشك سيف عيشك وليلي
سيف: هدرنا في هذا الموضوع قتلك خلاص الحاجة لي كانت بيناتنا خلاصت
يسرى: أووووف حبسو من العياط
رحمة: نتي صكري فمك خليني نهدر
يسرى: إيه إيه كملي التمثيلية تاعك كي تخلصي نتفاهمو على صكري فمك هذي
سيف: حبسو من المشاكل
رحمة: حبي عيشك عيشك عيشك أبقى معايا
سيف: أنا هدرتي قلتها و ما نعاودهاش خلاص يعني خلاص
رحمة: كون ماتوليش ليا نرفع عليك قضية إغتصاب و نخليهم يدخلوك للحبس
يسرى: إيه إيه أرفعي mais عندك دليل
رحمة: ماعنديش mais نقدر نتحايل و نزور الأدلة
يسرى: إيه زوري زوري نضن تعرفي المحامية أصالة*******
سيف: المحامية الشهيرة لي jamais خسرت قضية
يسرى: إيه والنيميرو تعها عندي لإنو هي صحبتي من أيام الليسي
رحمة: كذابة راكي تقولي هكذا باه تخوفيني ناضت يسرى هزت التيليفون وعيطتلها و دارتو اوت بارلول
يسرى: أصالة حبي cv
أصالة: cv الحمد لله
يسرى: كون نقلك عندي قضية مستعجلة تعاونيني
أصالة: أكيد راني نعرفك عندي سنين تطلبي عينيا نمدهملك
يسرى: mais كاين واحد يهدد إنو يزور الأدلة
أصالة: مستحيل نتي جيبيلي القضية ونشاله نربحها
يسرى: ميرسي باي و كوبات و دارت لرحمة
يسرى: نضن بلي تأكدتي و ضرك أتفضلي لبرا
رحمة: سيف شوف كيفاه راهي تطرد فيا من الدار
سيف: يسرى عندها الحق أخرجي برضايتك خير من نخرجك بالعنف
خرجت رحمة وهي تبكي ويسرى راحت جلست على الفوتاي وسيف راح توالها بقاو ساكتين حتى نطق سيف
سيف: يسرى واش رايك بفيلم
يسرى: نن أنا نطلع نام راسي مزال يوجع
سيف: أوكي وأنا ثاني نطلع راحو كل واحد حكم شومبرتو بدلت يسرى و تمد في سريرها حتى قص الضوء و يسرى تخاف بزاف من الظلمة راحت يسرى حوست على تيليفونها مالقاتوش تقكرت بلي خلاتو في الصالون بدات تعيط: سيف سيييييف سيييييييييف جا سيف يجري قلها: واش بيك هبطت راسها وقاتلو: نخاف من الضلمة ناض يضحك و قلها:ههههههه يعني يسرى القوية تخاف لي متخاف من والو خرجت هههه تخاف من الضلمة ههههه هبطت راسها وقتلو: أي شخص عندو مخاوف راح ليها حضنها وقلها: خلاص متخافيش راني معاك حضناتو هي ونامت..