كرونيك:💓💓حب_غير_متوقع💓💓

8

#الحلقة_8
شافت رجاء تطبخ نورمال و مباعد راحت و هنا شافت ميس كبت الفلفل الأحمر فوق ال plat و حركاتو وراحت (ميس متدربة كيما رجاء لاكن هي تغيير من رجاء لإنو رجاء موهوبة و باهية و من عائلة غنية عليها تغير منها ) يسرى هنا دارت بيها و عرفت بلي هي ظلمت رجاء ولات راحت بخدلت ميس و طردتها من الخدمة وراحت لبست قشها سروال نوار و فاست بيضا و أديداس بيض عرفت رحاء وين تسكن و راحت طيارة لدارها كي دقت الباب خرجت ليها مرا كبيرة تبان في الخمسين هكذاك قتلها يسرى : طاطا معليش نشوف رجاء أنا صحبتها خلاتها مفيدة تدخل و نعتتلها شومبرتها كي جات طالعة تلاقات بسيف قلها : واش جاية ديري في داري ولا تحوسي تزيدي تهيني ختي شافت فيه وقتلو: انا جاية نطلب السماح لإنو مهوش من عادتي نظلم العباد و وضرك بعد من طريقي خليني نفوت عيط عليها و قلها : مكانش فوتة وماكيش رايحة تشوفي رجاء جات جاوبو سمعو رجاء تقول : معليش سيف خليها تفوت و نتي مدام يسرى أرواحي معايا داتها للسالون و قعدو وسيف واقف في الباب يتفرج فيهم قالت يسرى : رجاء أسمحيلي والله ماكان علابالي بلي نتي خاطية أسمحيلي عيشك علابالي بلي ظلمتك و قتلك هدرة ماتتسمعش عيشك أسمحيلي وهنا يسرى طاحت دمعة من عينها مسحتها بزربةو قتلها إذا عدتي حابة تولي للمطعم مرحبا بيك و إذا نن رايحة نتفهم و مباعد ناضت و كي وصلت للباب قتلها يسرى : نعاود نقلك أسمحيلي و مباعد خرجت ركبت في طونابيلها و طرطقت بالبكا تفكرت ياسر نهار كان يقلها جامي تضلمي وإذا صار و ظلمتي ديري المستحيل باه يسامحك كي كانت تبكي شافها سيف و المرة هاذي صح غاصتو كان رايح عندها يهدر معاها لاكن هي مسحت دموعها و ديمارات