كرونيك:💓💓حب_غير_متوقع💓💓

36&37

#الحلقة_36&37
كانت هذيك الطفلة لي سقسات يسرى إذا سيف يحبها وسمها رحاب
رحاب: نتمنى مانكونش قاطعتكم
يسرى: نن ماقاطعتيناش دارت رحاب ليسف مدتلو يدها و قتلو
رحاب: مسيو سيف أنا رحاب مدلها سيف يدو وصافحها
رحاب: يسرى راجلك نشوف فيه زاد زيان من نهار العرس يسرى بدات تتغشش كيفاه تغازل حبيبها توالها راحت يسرى حضنت سيف و قتلها
يسرى: سيف حبي كل يوم يزيان كثر وأنا كل يوم نزيد نحبو كثر سيف بقا مشوكي و مباعد حضن يسرى وزير عليها قتلهم رحاب
رحاب: ربي يخليكم لبعضاكم هي راحت و يسرى بعدت على سيف و بقات تشوف مع شيماء و مبارك كيفاه يتمعشقو حتى قال سيف
سيف: نقدر نعرف علاه حضنتيني و قلتي هذيك الهدرة
يسرى: لإنو لإنو أنا لإنو
سيف: أهدري
يسرى: لإنو أنا قتلهم بلي حنا نحبو بعضانا لا نعشقو بعضانا و وهي وهي وهي
سيف: واش بيها هي
يسرى: أكيد كانت شاكة بلي حنا ماناش عايشين كيف أي ثنين متزوجين
سيف: mais نقلك حاجة أنا عجبتني الكلام لي قلتيه
يسرى : أممممم وعلى دورتها تشوف في مبارك يبوس في شيماء
يسرى: شوف كيفاه راه يبوس فيها توالنا أصبر نروح نبعدو عليها كانت رايحة لاكن سيف جبدها ليه وحضنها وزير عليها وقلها
سيف: خليهم عيب عليك
يسرى: بقاو يومين يتزوجو ويشبعو ببعضاهم
سيف: راكي غايرة منهم
يسرى: في أحلامك سيف: واش رايك نبوسك كيما هو
يسرى: بعد عليا قالو نبوسك كانت تحاول تبعد عليه لاكن هو كان مزير عليها في حضنو
يسرى: أتركني خليني نروح نعست نحوس نروح نام
سيف: أمممم واش رايك نروح معاك
يسرى: تحوس يقتلوك أنا أصلا مانرقدش وحدي كاين معايا بنات في الشومبرة
سيف: واش رايك نروحو للدار و غدوة الصباح نجيبك
يسرى: فكرة مليحة لاكن نن مانروحش بقاو ساكتين حتى شافو شيماء ومبارك جايين ترك سيف يسرى كي وصلو
يسرى: هذا لي وصيتكم ماتقربوش بزاف mais الحق عليا أنا لي جبتهالك
شيماء: ونتي واش كنتي ديري أنا ثاني راني شفتك
سيف: هي مهما كان راني راجلها و نتوما أصبرو يومين و ديرو واش تحبو
مبارك: خلاص فكو علينا و روحو كل واحد لدارو سيف و مبارك راحو روحو و يسرى و شيماء طلعو ينامو
ناضو الصباح ليوم لحنة تع شيماء و غدوة تروح لدار مبارك ناضو و بداو التحضيرات يسرى فالكوزينة واقفة على راس الطباخين حتى جات ليها شيماء
شيماء: هيا يسرى نروحو للحفافة
يسرى: روحي نتي أنا نبقا نكمل الطبخ
شيماء: هيا برك راحت بسرى مع شيماء و البنات للحفافة دارت بابيليز و ماكياج خفيف و لبست روبة rougeفوق الركبة و راحو مرت ليلة هذيك ضحك و لعب و حكايات ماناموش حتى 3 تع الصباح اليوم العرس شيماء و يسرى صبحو عند الحفافة شيماء دارت كواف و لبست la robe blanche و دارت المكياج جات تهبل و يسرى دارت كواف صغيرة و هبطت شعرات منها ولبست روبة gris قصيرة شوي أدmais مشي بزاف و لبست طالون blan و بوشات بلون كانو جلسين يحكيو حتى سمعو الكلاسون تع الطونابيلات لإنو مبارك حب يدي شيماء من عند الحفافة directement للla sall خرجت شيماء و ركبت مع مبارك و يسرى ركبت مع سيف و زادت لصقت فيهم رحاب راحت معاهم في الطريق
سيف: يسرى حبي يعني كان لازم تلبسي الروبة هذي قصيرة بزاف راهي
يسرى: نن ماهيش قصيرة بزاف
رحاب: يسرى هذا راه غار عليك
تبسمت يسرى و هي تشوف في سيف كان لابس كوستيم في ال bleu nuit شعرو مطلعو بالجال كان باهي يهبل ولات فاقت على روحها
رحاب: مسيو سيف نتا ليوم جيت تفتق بالزين
سيف: ميرسي نتي ثاني الله يبارك جيتي وردة يسرى حست الدم يغلي في عروقها دار سيف ليسرى يشوف فيها رايحة تطرطق بالغش هز سيف إيد يسرى و باسها
سيف: يسرى عمري جيتي تهبلي اليوم
يسرى: عيشك...