كرونيك:💓💓حب_غير_متوقع💓💓

16

#الحلقة_16
ناضت الصباح مكسرة و راسها يوجع ليل طول مارقدت( وهي تسب فيه و تقول : نشاله ترقد في الجبانة و نشاله ترقد على الشوك و نشاله تدي ضربة تبقى عمرك أكل في الفراش و هو يسمع فيها و يضحك) ناضت من الكانابي و راحت غسلت و جها و راحت حلت الفاليزة جبدت روبة في ال bleu roi فوق الركبة راحت لبستها و لبست سبادري نوار و فاست كوير نوار و طلقت شعرها و في هذي الأثناء كان سيف راقد كانت تخمم تتلاح تخنقو وولات خزات الشيطان و يسرى حست روحها جاعت لإنو من البارح ماكلات حتى حاجة هزت التيليفون عيطت للإستقبال ودوموندات الفطور جات ال room service جلت يسرى الباب و دخلت الفطور فطرت شبعت و السي سيف مزال ماناضش هزت التيليفون عيطت لشيماء و بداو يهدرو قتلها شيماء: واش كيفاه عڨبتي ليلتك يالعروس قتلها يسرى : أخطي جدي قلو كيفاه عڨبتي ليلتك قتلها شيماء : إيه كبرتي ووليتي تخبي عليا قتلها يسرى : أخطي جدي كوبات عليها وهي متقلقة عاودت هزت التيليفون و عيطت لجدها الشخص الوحيد لي تستراحلو بقاو يحكيو و حكاتلو كيفاه عڨبت ليلتها و مباعد من دون سابق إنذار ولات تجري و تعيط ولات تسوطي فوق السرير و تقول: جدي جاي جدي جاي جدي جاي و هنا سيف ناض مخلوع لقاها تسوطي توالو و مباعد طاحت فوقو جى وجها في وجهو جات تنوض مخلاهاش تنوض قتلو : نحي يدك خليني نوض قلها : تقدري تقوليلي لاه كنتي تعيطي قتلو : جدي جاي و رايح يبقا هنا شهر قلها : وين راه الشي لي يفرح قتلو : أنا يفرحني و ضرك أطلقني قلها : ما نُطْلقكش لازم تسلكي حق ما نوضتيني وبدا يقرب باه يبوسها و هي ولات ترجف و مباعد ڨرصاتو من كرشو طلقها وهي هربت و قاتلو هيا نوض بدل يماك من الصباح و هي تعيط ناض سيف دوش و لبس وخرجو من الأوتال وراحو لدار سيف. ..